Faxi - 01.10.1979, Qupperneq 3

spurningunni um hvernig Voga-
búar sinni menningunni. ,,Ung-
mennafélagið Þróttur hefur unnið
gott starf, þótt íþróttaaðstöðu sé
enn ábótavant. Knattspyrnuvöll-
urinn er undirbyggður. Á næstu
árum reynum við að Ijúka því
verkefni, því bráðum förum við,
með örri fólksfjölgun, að fá árganga
í heil kapplið handbolta og knatt-
spyrnu, og þá verðum við að geta
skapað viðunandi aðstöðu. Iþrótta-
húsið er fjarlægt verkefni, en
sundlaugin er komin á dagskrá eins
og áður er vikið að. Skólabörnin
hafa samt fulla aðstöðu utan byggð-
arlags til leikfimi og sunds. Skóla-
bíllinn sem sækir börnin inn á
Strönd, ekur þeim einnig út í Njarð-
vik, þar sem þau iðka þessar grein-
ar, - falla alveg inn í stundaskrána
þar, svo þetta atriði er alveg
vandræðalaust. Lionsklúbbur er
starfandi hér, mjög virkur, og kven-
félagið hefur ávallt verið mjög öfl-
ugt í Vatnsleysustrandarhreppi.
Við höfum okkar kirkjukór við
Kálfatjarnarkirkju, en Jón Guðna-
son, skólanefndarformaður, ber
allan veg og vanda af honum. 1
Glaðheimum, litla félagsheimilinu
okkar hafa verið haldnar myndlist-
arsýningar, sú fyrsta af ástralskri
konu, sem Iluttist hingað, Patriciu
Hand, og svo sýndi konan hans
Þóris S. Guðbergssonar, sent eitt
sinn var skólastjóri í Vogunum,
myndir sinar, en þau hjónin hafa
sterkar taugar til byggðarlagsins
hérna."
Rafveitan þarfnast fjár
En nú víkjum viðafturaðsveitar-
stjórnarmálunum og spyrjum
Jóhann Gunnar nánar um
einstaka þætti hreppsfélagsins og
byrjum á rafveitunni.
,,Hún veldur okkur dálitlum erf-
iðleikum, enda komin lil ára sinna,
og svo höfum við þá sérstöðu að við
verðum að ,.halda uppi“, ef svo má
að orði komast, langri línu alla leið
frá Stapa og inn að Kúagerði, sem
er um 14 km löng. Hún þart nauð-
synlega endurnýjunar við og erum
við búnir að senda inn beiðni til
Orkusjóðs um styrk til framkvæmd-
anna. Persónulega hef ég aldrei
skilið, að tekin séu 19% af því sem
kemur í kassann, í veitingu til
sveitalína, en svo verðum við að
annast áðurnefnda línu á okkar
kostnað, þrátt fyrir verðjöfnunar-
gjaldið. Eg vona einlæglega að
skýrslan sem við sendunt mynd-
skreytta, frá Rafmagnseftirliti ríkis-
ins, til Orkusjóðs, geri þeim þörfina
skiljanlega fyrir styrknum sem við
þurfum til þess að lína uppfylli að
minnsta kosti öryggiskröfur."
•Varanlegt slitlag á Vatns-
leysustrandarveg
Vega- og gatnamál eru stór þátt-
ur í framkvæmdum tlestra bæja og
hreppa, - og hvernig gengur í þeirn
efnum hjá Vatnsleysustrandar-
hreppi?
,,Þau þokast heldur í rétta átt.
Íbúar Strandarinnar eru einn fjórði
af íbúatölu hreppsins, og verðunt
þvi að greiða langmest í sýsluvega-
sjóð vegna þess. Við fáum ekki þétt-
býlisframlag þar sem Strandarbúar
eru yfir 10% af íbúum hreppsins.
Þarna rekur sig hvað á annars horn.
Við greiðum svona á að giska fjór-
falt framlag á við Sandgerði í sýslu-
vegasjóð. Greiðslan byggist á dag-
vinnukaupi verkamanns. Við
höfum getað kreist úr þeim sjóði og
gátum olíumalarborið inn að
Brunnastöðum, fyrir það fé, en við
fengum þá allt féð sem veitt var í
slikar framkvæmdir, en næst mun
það renna til lagningar út á Stafnes.
Áður var þessum peningunt hent í
afleggjara, hvort sem þörl'var á eða
ekki og fólk hérna kann því vel að
þeir skuli notaðir í varanlega vegi
og vonandi getum við státað að
olíumöl á öllum Vatnsleysustrand-
arvegi áður en mörg ár líða. Við
vonumst til að geta einnig lagt
olíumöl á göturnar í þorpinu á
sama tíma.“
Gunnar sveitarstjóri ásamt nokkrum iðnaðarmönnum sem unnu við
byggingu Stóru-Vogaskóla
Ungir Vogabúar
Ströndin verður að fá
hitaveituna
Hitaveitan hefur haldið innreið
sína i Vogana, en hvernig verður
nteð Vatnsleysuströndina?
„Byrjað var á lagningu aðveitu-
æðar í ágúst hérna i þorpinu, og
hefur sú framkvæmd staðist áætlun.
I endaðan október verður því lik-
lega búið að leggja í þéttbýlishúsin,
en styrinn stendur um dreifðu
byggðina. Á þessu stigi málsins er
ekki gott að segja hver framvindan
verður. Framkvæmdin kostar
mikið í verðbólgukrónu, en er ekki
3% af heildarkostnaðinum. Við
getum ekki sætt okkur við að
Ströndin verði afskipt með
hitaveituna. Ákvarðanir um þetta
mál verða ekki teknar nema í sam-
ráði við viðkomandi hreppsnefndir,
en ég get fullyrt, að enda þótt
róðurinn verði þungur skulu árar
ekki lagðar í bát.“
Mesta og besta vatnið í
V atnsleysust randarhreppi
Ekki má gleyma því að í Vogun-
um er Póstur og Sírni, ein verslun.
sem Guðmundur Sigurðsson rekur
af myndarskap og hyggst l'æra út
kvíarnar, enda angrar kaupfélagið
hann ekkert með búrekstri þar. En
að lokum, Jóhann Gunnar, hvernig
er vatnsveitumálum háttað hjá
ykkur á Vatnsleysuströndinni, -
nægilegt vatn?
„Eftir árið verða öll hús komin
nteð nýja vatnslögn, en eins ogáður
er vikið að var veitan lögð af vatns-
veitufélaginu, með þeim tækjum og
tækni sent þá voru best. Lagt var
fram hjá klöppum, sem gera allar
lagnir erfiðar hér og dýrar. Þetta
varð því eitt net um þorpið, sent
ekki samrýmdist seinna komnu
skipulagi. En svo ég svari spurn-
ingunni beint, þá misskilja menn
heitið Vatnsleysuströnd. Átta sig
ekki á því hvað í orðinu felst. Hérer
um að ræða leysingavatn sent
rennur undan hrauninu. Á árum
áður skoluðu konurnar þvottinn í
leysingavatninu hvar það streymdi
til sjávar. Uklegast höfum við í
Vatnsleysustrandarhreppi mesta og
besta vatnið á Suðurnesjum, að því
er fróðir telja, að mælingum fengn-
um á svæðinu hérna megin við
Stapann."
Og að þessum orðunt loknum
þökkuðum við Jóhanni Gunnari
fyrir greinargóð svör og óskum
honum og íbúunurn í Vatnsleysu-
strandarhreppi alls góðs í framtíð-
inni.
emm.
Frá Vogahöfn
FAXl - 3