Útvarpstíðindi - 24.02.1941, Blaðsíða 10

Alþýðukveðskapur
í Skagafirði.
Á kvöldvöku Skagfirðinga þ. 17.
febr. flutti Ólafur Sigurðsson bóndi
á Hellulandi erindi það, sem hér fer
á eftir. Vakti það mikla athygli
fjölda manna, því að margir hafa
unun af góðum alþýðukveðskap. Út-
varpstíðindi hittu Ólaf að máli, eftir
að hann hafði flutt þetta erindi og
óskuðu eftir að fá það til birtingar
eða kafla úr því:
— Já, ekki hafði ég nú búizt við,
að þessi samtíningur minn mundi
lenda í „pressunni", en í þeirri von,
að þeir kunningjar mínir, sem hér
eiga hlut að máli bregðist ekki illa
við, þá tel ég mér óhætt að láta Út-
varpstíðindi hafa eitthvað af þessum
kveðskap. — Ég vil annars taka
fram, að þetta á ekki að vera neitt
sýnishorn af alþýðukveðskap í Skaga-
firði, heldur aðeins nokkrar leiftur-
myndir, tíndar saman eftir minni. —
Sumir höfundar eru lífs, aðrir liðn-
ir, en allir lifa þeir í vísum sítium
og munu lengi lifa.
Svo langar mig til að skjóta inn
í, að ég hef frétt, að ég hafi hnupl-
að vísu frá Tómasi Austurstrætis-
skáldi — en það var óþarfi, enda ó-
viljaverk — og skylt er að hafa það
heldur, er sannara reynist, eins og
Ari hinn fróði sagði.
Ég spyr nú Ólaf, hvort hann vilji
þá vera svo vinsamlegur, að láta mig
hafa handrit að erindinu, en þá vand-
ast málið:
— Ég á ekkert handrit að því, seg-
ir Ólafur. Ég flutti vísurnar eftir
minni.
Við setjumst svo niður og skrifum
eftir minni hans, en þar reyndist þá
um svo auðugan garð að gresja, að
vandi er úr að velja, en niðurstaðan
fer hér á eftir:
Kveðist á.
Einhverju sinni hittust þeir á Sauðár-
króki Bjarni Gíslason og Elivoga-Sveinn.
Undir samrœðunum Ijóðar Bjami á Svein
og segir:
Fyrir handan höfin breið
hlýi andar blærinn.
Aukist vandi, eygðu leið
yfir landamærin.
Sveinn tekur þetta svo sem Bjarni sé
að benda sér á sjálfsmorð eða eitthvað í
þá átt, og segir:
Sú er trú mín hjartans hlíf,
hreyfð af sannfæringu:
ei ég trúi á annað líf
eða fordæmingu.
þegar póra gamla, móðir Sveins, heyrði
þessar vísur, kvað hún:
Gættu þess, að guð er einn
gáfuna, sem léði;
ef þú kveður svona, Sveinn,
sál þín er í veði.
282
ÚTVABPSTÍÐINDI