Tímarit Tónlistarfélagsins - 01.06.1938, Side 12

T í m a r i t Tónlistarf élagsins
um Riberhus Marsch og Champagnegalop, heldur stóru við-
fangsefnin, konzerta eftir Bach og Hándel og gömlu ítölsku
tónskáldin, hljómkviSur eftir Haydn og Mozart og jafnvel
hefir verið ráðizt í 1. hljómkviðu Beethovens.“ Kennari í
þorpi einu hefir 50 börn í skóla sínum og 12 þeirra kennir
hann fiðluleik. Hann hefir einnig fjölsóttan tónlistarkvöld-
skóla, en í þorpinu og sveitinni eru 900 íbúar. í kirkjunni
þar sem hann er orgelleikari, hefir hann oft hljómleika, og
þótt hann sé að mestu sjálfmenntaður, fæst hann við tón-
smíðar og iðkar kontrapunkt í frístundum sínum.
Ýmsar fjölskyldur eru nefndar og tónlistarstarfsemi
þeirra, er sýnir að hún er sjálfsagður þáttur af daglegu
starfi þeirra. í samkomuhúsi einu var höfundur viðstaddur
hljómleika, þar sem fluttir voru kórsöngvar og á milli kvar-
tett í f-dúr eftir Dvorák og kvartettþáttur eftir Tschaikow-
sky. Þrátt fyrir regn og kulda, var húsið alskipað og áheyr-
endur sátu í tvo tíma á 13 centimetra breiðum, baklausum
trébekkjum og fylgdust vel með því sem fram fór. Frásaga
um bónda einn, Jörgensen að nafni, er máske í aðra rönd-
ina dálítið spaugileg. Hann er fiðlusmiður, fiðluleikari og
tónskáld. Kona hans leikur á bassa og sonur hans á píanó,
ósvikin Fjón-fjölskylda. „Það var frá því sagt í sveitinni, að
Jörgensen hefði samið hljómkviðu, sem ætti að heita afar
einkennilegu nafni, sem sé „Gin- og klaufaveiki“. Faraldur
þessi hafði gengið í sveitinni og Jörgensen átt í einhverjum
brösum við yfirvöldin í sambandi við það. í tilefni af því
hafði hann samið nokkuð háðslega program-hljómkviðu,
með þáttafyrirsögnum eins og „Innganga sýklanna", „Lög-
reglan kemur“ o. fl. Ég hitti hann við vinnu sína í gripa-
húsunum og var hann fyrst ófús til frásagna en brátt hýrn-
aði yfir honum. Jú, það var alveg rétt, þetta með hljóm-
kviðuna. Þegar hann þyrfti að leysa frá skjóðunni við ein-
hvern, væri venja sín að gera það í tónum, sagði hann, það
væri langbezta aðferðin. Handritið var þó ómögulegt að fá
að sjá hjá honum, hann sagðist ekki hafa tíma til að sýna
mér það og ég gæti komið aftur næsta vetur.“ —
„Sú alþýðlega tónlistarmenning, sem reynt er að skapa í
44