Kristilegt stúdentablað - 01.12.1955, Blaðsíða 12
Á ALDAMÓTA-
HÁTÍÐ
í PARÍS
Seytjánda ágúst 1955, um kvöldið, var hvert sæti
skipað í hinni miklu íþróttahöll Parísar, Palai des
Sports. Rösk tíu þúsund drengir og ungir menn,
,,af allskyns fólki og kynkvíslum og lýðum og tung-
um“, rísa snöggt úr sætum og taka lag. Á þremur
höfuðtungum álfunnar er sunginn, háttfast og
hátíðlega, forn latneskur sálmur. — Við syngjum
hann oftar en nokkurn sálm annan, í samkomu-
byrjun heima í Reykjavík, í þýðingu séra Frið-
riks: ,,MMi Drottinn, dýrð sé þér —“.
Þannig hófst 22. heimsþing og jafnframt aldar-
afmæli alþjóðasambands K.F.U.M.
Forseti þingsins er kjörinn Svíinn, Hugó Ceder-
gren. Kveðjur eru fluttar þinginu frá þjóðhöfð-
ingjum ýmissa landa. — Er leið á þingið var mót-
taka fyrir einn aðalfulltrúa úr hverju landi og
stjórn alþjóðasambandsins, hjá utanríkisráðherra
Frakklands og forseta borgarráðs Parísar. Vara-
forseti alþjóðasambandsins, Alfred Hirs, forseti
þjóðbankans í Sviss, minntist nýlátinna leiðtoga,
þeirra John R. Mott og John Forrester-Paton. Báð-
ir höfðu þeir gegnt forsetaembætti sambandsins og
komið einnig mjög við sögu kristilegrar stúdenta-
hreyfingar.
Á pallinum bak við forsetastól sitja aðalfulltrú-
ar, einn frá hverju landssambandi K.F.U.M. 72.
þjóð. Forseti kallar þá fram, hvern á fætur öðrum.
Rísa þá úr sætum landar hvers aðalfulltrúa um
sig, er þátt taka í þinginu. Þegar kallað er á aðal-
fulltrúa Bandaríkja, rísa úr sætum 1174 landar
hans. Einnig sýnir sig, að mikil þátttaka er frá
Bretlandi, Sviss, Þýzkalandi og Norðurlöndum, —
en frá Islandi eru aðeins þrír fulltrúar.
Lýsandi kross hangir á veggnum bak við pallinn,
en undir krossinum eru letruð á latínu einkunn-
arorð K.F.U.M. og þingsins: UT OMNES UNUM
SINT, UT CREDAT MUNDUS — sem sé fyrirbæn
Jesú í Jóh. 17, 21: „Allir eiga þeir að vera eitt, til
þess að heimurinn trúi“. Neðar á veggnum, mitt
á milli tákna guðspjallanna, er félagsmerki K.F.
U.M. Það er mjög fallegt, með nöfn heimsálfa á
jöðrum, en í miðju opna Biblíu og tilvitnun eink-
unnarorðanna.
Þingið var þannig skipulagt, að það var í tveim-
ur aðaldeildum. Æskulýðsdeild, mjög fjölsótt, hóf
störf sín 12. ágúst. Var Hermann Þorsteinsson
fulltrúi þar af hálfu landssambands K.F.U.M. á
Islandi. Aðalfulltrúadeild kom saman fjórum dög-
um síðar, en báðar deildir mættu á allsherjarþingi
og voru fundir þess í íþróttahöllinni.
Hér er ekki staður til að geta erinda, er flutt
voru á þessu mikla þingi. En þeim var útvarpað í
þingsal á fjórum málum: Frönsku, ensku, þýzku
og spánsku.
Samþykkt var óbreytt önnur grein stjórnarskrár
alþjóðasambandsins, Parísarsamþykktin svo-
nefnda. En hún er sá trúarlegi grundvöllur og
hyrningarsteinn, sem alþjóðasamband K.F.U.M.
byggist á frá upphafi og hljóðar þannig orðrétt:
„K.F.U.M. leitast við að sameina þá ungu menn,
er viðui’kenna Jesúm Krist Guð sinn og Frelsara
samkvæmt Heilagri ritningu, og vilja vera læri-
sveinar hans í trú og breytni og vinna í sameiningu
að útbreiðslu ríkis hans meðal ungra manna.“
I þeim miklu hrúgum af þingskjölum, sem ætl-
azt var til, að fulltrúar ynnu úr, þótti flestum at-
hyglisverðust skýrsla alþjóðanefndar sambands-
ins, — yfirlit starfsins síðustu átján ár í þykkri
bók.
Næsta þing á undan því, er hér greinir frá, var
haldið í Mysore á Indlandi 1937. Voru þá meðal
annars ræddar áætlanir um stóraukna fjölgun fé-
lagsmanna almennt, eða um eina milljón innan 25
ára aldurs, og miðað við árið 1944, aldarafmæli
i---------------- -
Minnzt hefur verið á þessu ári aldarafmælis
víðtækustu og fjölmennustu iiristilegu æsku-
lýðssamtaka vorra tíma. Um svipað leyti og
efnt var til alþjóðasambands K.F.U.M. í París,
íyrir 100 árum, var fyrsta K.F.U.K. félagið
stofnað í London. — Náið samband hefur ávallt
verið milli K.F.U.M. og kristilegrar stúdenta-
hreyfingar.
12
KRISTILEGT STUDENTABLAÐ