Morgunblaðið - 29.12.2008, Blaðsíða 2

2 FréttirINNLENT
MORGUNBLAÐIÐ MÁNUDAGUR 29. DESEMBER 2008
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþrótt-
ir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Þórð Snæ Júlíusson
thordur@mbl.is
FJÁRFESTINGARSAMNINGUR milli iðn-
aðarráðuneytisins og Norðuráls vegna fyrir-
hugaðs álvers í Helguvík var kynntur á rík-
isstjórnarfundi á Þorláksmessu.
Össur Skarphéðinsson iðnaðarráðherra stað-
festi í samtali við Morgunblaðið að samning-
urinn hefði verið ræddur á fundinum og að
málið væri langt komið. Það væri þó ekki frá-
gengið.
Að öðru leyti vildi hann ekki tjá sig um málið
að svo stöddu.
Þarf að fara fyrir Alþingi til samþykkis
Fjárfestingarsamningurinn er Norðuráli afar
mikilvægur því hann staðfestir stuðning ríkis-
stjórnar við verkefnið og auðveldar fjármögnun
þess.
Áður en hann verður undirritaður þarf þó
fyrst að tilkynna hann, líkt og alla opinbera
styrki af þessu tagi, til Eftirlitsstofnunar
EFTA (ESA) sem síðan skilar umsögn um
samninginn. Þegar því er lokið fer hann fyrir
Alþingi til samþykktar.
Þegar sambærilegur samningur var gerður
við Alcoa vegna álversins við Reyðarfjörð tók
nokkurn tíma að afgreiða hann frá ESA.
Stofnunin óskaði þá eftir frekari upplýs-
ingum áður en hún skilaði umsögn sinni.
Ástæðan var sú að hið opinbera lagði fram
jafnt stuðning og ívilnun með samningnum þar
sem ýmist var veittur afsláttur af gjöldum eða
þau aflögð með öllu.
Veitir undanþágur frá gildandi lögum
Samningurinn við Norðurál er samkvæmt
heimildum Morgunblaðsins af svipuðum meiði
og felur meðal annars í sér undanþágur frá
ýmsum gildandi lögum.
Til dæmis veitir hann Norðuráli undanþágu
frá því að greiða ýmis opinber gjöld og tryggir
að félagið þurfi ekki að greiða hærri skatta en
þá prósentu sem nú er lögð á fyrirtæki.
Það þýðir að Norðurál þarf aldrei að greiða
hærri skatta en sem nemur 15 prósentum af
tekjuskattsstofni sínum þrátt fyrir að skattar á
fyrirtæki myndu hækka á Íslandi yrði samning-
urinn undirritaður.
Helguvík langt komin í ríkisstjórn
 Fjárfestingarsamningur vegna álvers í Helguvík kynntur á ríkisstjórnarfundi á Þorláksmessu  Þarf
samþykki ESA og Alþingis áður en hann verður undirritaður  Auðveldar fjármögnun Norðuráls
Í HNOTSKURN
»Björgvin G. Sigurðssonviðskiptaráðherra tók
skóflustungu að nýju álveri
Norðuráls í Helguvík í júní
síðastliðnum.
»Tilskilin leyfi hafa fengistfyrir byggingu 250 þús-
und tonna álvers.
»Stefnt er að því að fyrstiáfangi verði tekinn í
gagnið árið 2010.
»Norðurál hefur þegarfengið úthlutaðar 539
þúsund tonna losunarheim-
ildir fyrir árin 2010-2012
vegna fyrirhugaðs álvers í
Helguvík.
Morgunblaðið/RAX
Á fullu Framkvæmdir í Helguvík hófust í júní.
Eftir Andrés Þorleifsson
andresth@mbl.is
Í GÆR höfðu 22 hross úr 40 hesta
stóði drepist á Kjalarnesi af völdum
skæðrar salmonellusýkingar. Fjög-
ur hross voru enn talin alvarlega
veik, en önnur töldust vera á bata-
vegi.
Veikin kom upp 21. desember sl.
og stigmagnaðist næstu daga. Voru
hrossin strax flutt í hús í Mos-
fellsbæ þar sem hlúð var að þeim.
Talið er að öll hrossin hafi smitast
með því að drekka úr tjörnum, en
snjór var yfir hefðbundnum
drykkjarstað hrossanna á þessum
tíma.
Að sögn Gunnars Arnar Guð-
mundssonar, héraðsdýralæknis
Gullbringu- og Kjósarumdæmis,
stendur til að taka sýni úr tjörn-
unum í dag, en hann taldi einsýnt að
smitið hefði borist þaðan. „Það
skýrir líka af hverju svona margir
veikjast svona heiftarlega, því smit-
leiðin er miklu auðveldari þegar
sýkingin kemur úr vatni. Það hefur
líka áhrif að hestarnir hafa fengið
mikið smitmagn í sig,“ sagði Gunnar
í viðtali við mbl.is um helgina.
22 hross dauð í 40 hesta stóði
Morgunblaðið/G.Rúnar
Salmonellusýki Gunnar Örn dýralæknir hugar að einu hrossanna í gær.
JÓLIN hjá Árna Páli Árnasyni þingmanni og konu hans
fóru að miklu leyti í að sinna hestunum sínum tveimur
sem voru meðal þeirra sem sýktust. Annars vegar áttu
þau hinn átján vetra gamla Asa, sem féll, og hins vegar
hinn níu vetra Áka, sem var alvarlega veikur þegar
blaðið fór í prentun.
Árni segir aðkomuna hafa verið hrikalega og sárt sé
að sjá svo marga fallega gripi fara. „Þetta er mjög sér-
kennileg upplifun, því mörg þeirra urðu svo mikið veik.
Svo fóru þau bara að drepast í höndunum á okkur. Það
var alveg sama hvert litið var, þar voru fárveik hross,“
segir Árni, sem var á leið í hesthúsin þegar blaðamaður náði tali af honum í
gær. „Þegar ég kem þangað á aðfangadagskvöld klukkan ellefu fer að
renna upp fyrir okkur hversu alvarlegt þetta er. […] Þegar ég kem inn í
húsið þar sem okkar hestar eru, þá er þar einn dauður og annar fárveikur
[hestur]. Ég þurfti að kalla til dýralækni og við þurftum að lóga honum á
jólanóttina. Þá fór maður að sjá að þetta var orðið mjög alvarlegt ástand,“
segir Árni. Hann furðar sig á þeim langa tíma sem það tók yfirvöld að
koma að málinu, en í upphafi hafi bara einn dýralæknir sem átti hross í
stóðinu sinnt þeim.
Þurfti að lóga einu á jólanótt
Árni Páll Árnason
STÓRU verslanamiðstöðvarnar
Kringlan og Smáralind eru harð-
ar á því að leyfa ekki verslunum
að hefja útsölur fyrr en 3. janúar.
Framkvæmdastjórar þeirra
reikna ekki með að afsláttur verði
meiri en verið hefur undanfarin
ár.
Janúarútsölur eru byrjaður í
einstaka verslunum, eins og und-
anfarin ár, þótt desember sé ekki
úti. Í Kringlunni og Smáralind er
reiknað með að flestar verslanir
verði lokaðar vegna vörutaln-
ingar föstudaginn 2. janúar og að
útsölurnar hefjist með látum
laugardaginn 3. janúar. Henning
Freyr Henningsson í Smáralind
segir að einu undantekningarnar
séu vegna verslana í alþjóðlegum
keðjum sem byrji útsölur á sama
tíma í fleiri löndum.
Sigurjón Örn Þórsson í Kringl-
unni segir að jólaverslunin hafi
gengið vel og á ekki von á að
meiri afsláttur verði á útsölunum
en undanfarin ár, býst við 30-50%
í upphafi þeirra.
Janúarútsölur byrjaðar í einstaka verslunum þótt desembermánuður sé ekki úti
Flestar út-
sölur byrja
3. janúar
Morgunblaðið/G.Rúnar
Útsala Ekki leyndi sér í gær að útsala er hafin í IKEA í Garðabæ. Afslátturinn var rækilega kynntur. Útsölur eru hafnar í fleiri verslunum.