Morgunblaðið - 29.12.2008, Blaðsíða 14

14 FréttirÚR VESTURHEIMI
MORGUNBLAÐIÐ MÁNUDAGUR 29. DESEMBER 2008
Eftir Steinþór Guðbjartsson
steinthorg@gmail.com
„OKKUR líður vel eftir að hafa gert
þetta og ég vona að Íslendingar meti
hug okkar á Gimli,“ segir Bryna
Johnson um jólakveðju til Íslands frá
Gimli sem meðal annars má sjá á You-
tube (http://ca.youtube.com/watch?v
= BzjUZW4IkJ8).
Íslenska bankahrunið og afleiðing-
ar þess hafa snert marga strengi og
ekki síst á Gimli, vinabæ Akureyrar.
Fay Cassidy, sem gift er Vestur-Ís-
lendingnum Brent Johnson, datt í
hug að sýna samhug í verki og úr varð
að ein dóttir þeirra og vinkona hennar
ákváðu að senda Íslendingum kveðju
á myndbandi. Hugmyndin varð að
verkefni í framhaldsskólanum á Gimli
og myndbandið „Með ástarkveðju frá
Gimli til Íslands“ var sett út á netið á
Þorláksmessu.
Verkefnið vakti töluverða athygli
og hafa stúlkurnar Bryna Johnson og
Kristjana Olafson, sem báðar eru 15
ára, verið í blaða- og sjónvarpsviðtöl-
um af því tilefni. Fay Cassidy segir að
í fyrstu hafi þær verið feimnar við að
takast á við verkefnið, en Joe Olafson,
fréttamaður hjá sjónvarpsstöðinni
CTV, hafi í raun komið þeim á sporið
með umfjöllun sinni. Í sjónvarpinu
hafi þær áttað sig betur á því sem þær
væru að gera og fundið að það skipti
máli. „Okkur er ekki sama,“ segja
þær um stöðu mála á Íslandi og leggja
áherslu á að myndbandið hafi verið
gert og sent til þess að sýna samhug í
vestri.
Kveðjurnar eru frá hinum og þess-
um á Gimli, meðal annars frá nem-
endum og starfsfólki gagnfræðaskól-
ans, Tammy Axelsson bæjarstjóra,
ömmum í Ömmukaffi og Neil Bardal.
David Gíslason segir að þótt fáir komi
fram í myndbandinu séu þeir fulltrú-
ar fjölmenns hóps vítt og breitt í Kan-
ada, fólks sem hugsi hlýtt til Íslands
og ekki síst þegar á bjátar.
Gimli er ekki beint í alfaraleið og
íbúarnir sjaldan í sviðsljósinu. Mynd-
bandið hefur því vakið athygli á „ís-
lenska“ bænum og samkennd bæjar-
búa. „Tilgangurinn var að gleðja
Íslendinga í erfiðum aðstæðum og
þetta litla verkefni hefur líka yljað
okkur um hjartarætur,“ segir Fay.
Jólakveðja frá Gimli til Íslands á Youtube og Fésbók
Vilja gleðja Íslendinga
í erfiðum aðstæðum
Ljósmynd/Caitlin Brown
Kveðja Amman Metta Johnson, Bryna Johnson og Kristjana Olafson.
Í HNOTSKURN
»Myndbandið Með ást-arkveðju frá Gimli til Ís-
lands, má meðal annars sjá á
Facebook:
Groups > Christmas Greeting
to Iceland og á Youtube
(http://ca.youtube.com/
watch?v=BzjUZW4IkJ8).
ÍBÚAR á Gimli og nágrenni kunna
vel að meta íslenskar pönnukökur
og þær hafa rokið út þegar Grétar
Axelsson hefur boðið upp á þær
beint af pönnunni.
„Ég bakaði 27 tylftir laugardag-
inn fyrir jól, 324 pönnsur, og hef
aldrei bakað fleiri á einum degi, en
þær runnu allar út,“ segir Grétar.
Grétar hefur bakað íslenskt rúg-
brauð og pönnukökur og selt í Safni
íslenskrar menningararfleifðar á
Gimli á laugardögum í desember
–og reyndar líka á öðrum stundum.
„Það verður ekki íslenskara,“ segir
Grétar. steinthorg@gmail.com
Bakstur Grétar Axelsson kann réttu handtökin við pönnukökubaksturinn.
Íslenskar pönnukökur
renna út á Gimli
Til sölu er um 44 fm. sumarhús til brottflutnings. Húsið er staðsett í orlofs-
byggðinni í Svignaskarði í Borgarbyggð og selst í núverandi ástandi og með
öllum húsbúnaði.
• Einnig fylgir um 50 fm. verönd svo og heitur pottur.
• Seljandi sér um að aftengja allar lagnir og heimtaugar.
• Kaupandi sér um að losa hús og pall af núverandi undirstöðum og fjarlægja
af svæðinu fyrir 26. janúar 2009.
Tilboð skulu berast skrifstofu Eflingar stéttarfélags, Sætúni 1, 105 Reykja-
vík fyrir kl. 16.00 fimmtudaginn 8. janúar 2009 merkt „Tilboð - sumarhús“ .
Hægt verður að skoða húsið í samráði við Svein (sími 898-9077) sem einnig
veitir nánari upplýsingar.
Til sölu sumarhús til flutnings
VM Stórhöfða 25 110 Reykjavík sími 575 9800 www.vm.is
Hótel KEA, Akureyri,
mánudaginn 29. desember kl. 17
Grand Hóteli, Reykjavík,
þriðjudaginn 30. desember kl. 17 KARLAKÓRINN Heimir í Skagafirði æfir nú baki
brotnu fyrir sína árlegu þrettándahátíð sem fram fer
næstkomandi laugardagskvöld, 3. janúar 2009, í
Íþróttamiðstöðinni í Varmahlíð. Meðal dagskráratriða
verður söng- og gleðileikurinn „Rússalán – rauð-
stakkar í Rússlandsferð.“ Ekki er um óð til Rússa að
ræða vegna fyrirhugaðs láns til Íslendinga, heldur upp-
gjör kórsins vegna ferðar hans til Rússlands í lok sum-
ars. Höfundar söngleiksins eru Gunnar Rögnvaldsson
og Stefán R. Gíslason kórstjóri.
Að sögn Gunnars Sandholt, stjórnarmanns í kórnum,
verður ekkert dregið undan frá Rússlandsferðinni og
allir dregnir til ábyrgðar. „Tónlistin er þrungin gerskri
lífsnautn sem hæfir efninu og annálaðir sviðsþjófar
koma fram með kórnum,“ segir Gunnar og á þar m.a.
við Guðbrand Guðbrandsson, Ingimar Jónsson á Flugu-
mýri, rússneskan stepputenór og flokk dansmeyja.
Rússalánið verður fjarri því eina atriðið. Kórinn flyt-
ur nokkur lög og gestasöngvari að þessu sinni verður
Helgas Rós Indriðadóttir frá Hvíteyrum. Ræðumaður
kvöldsins er Jón Björnsson frá Húnsstöðum í Torfu-
lækjarhreppi og „tengdasonur Sauðárkróks“.
Á árum áður málaði Jón hús Skagfirðinga undir
handleiðslu Sigurðar Snorrasonar frá Stóru-Gröf, nam
sálfræði og heimspeki og gaf út ferðabækur.
Þrettándahátíðin hefst kl. 20.30 en að henni lokinni
verður þrettándaball í félagsheimilinu Árgarði þar sem
Hljómsveit Geirmundar Valtýssonar leikur fyrir dansi
og sveiflar Skagfirðingum og gestum þeirra inn í nýja
árið. bjb@mbl.is
Karlakórinn Heimir gerir upp Rússlandsferð sína
Ljósmynd/Agnes Hulda Agnarsdóttir
Rússalánið fyrst í Skagafjörð
Rússland Karlakórinn Heimir á tónleikum í St. Pétursborg en kórinn fór í söngferðalag í austurveg í sumar.
FRÉTTIR