Lesbók Morgunblaðsins - 14.02.2009, Blaðsíða 1
Verk Dieters Roth
Sýning í Hauser & Wirth Coppermill árið
2006. Þarna má meðal annars sjá gólfin
úr vinnustofu Roth á Bala og „Stóru borð-
rústina,“ verk sem Björn Roth vildi gjarna
sjá í núyrri listamiðstöð í Reykjavík.
© Estate of Dieter Roth. Ljósmynd: Mike Bruce.
LAUGARDAGUR 14. FEBRÚAR 2009
STOFNUÐ 1925
7 . TBL. 85. ÁRGANGUR
LESBÓK
Um Íslendinga:
Skortir skyn á efna-
hagsleg sannindi8
5Skrýtipopp allra tíma:Sveigir og beygir semmest hún má
11Gláparinn:Séríslenskur aulahrollur
H
úsfyllir við flutning íslenskra tónverka í
Háskólabíói! Ótrúlegt en samt næst-
um því satt. Á sinfóníutónleikum í
fyrrakvöld var húsið nánast smekk-
fullt. Og til að auka enn ánægjuna vottaði þar
fyrir gamalkunnum menntaskólailmi af úlpum
og lopapeysum. Lunginn úr áheyrendahópnum
var sem sagt áratugum yngri en venjulegir
fastagestir hljómsveitarinnar; yfirbragð tón-
leikanna allt (hróp, klapp og stapp) með þeim
formerkjum sem einkenna innlifun þeirra sem
komu til að hlusta af nýfundnum áhuga.
Það er kunn staðreynd að í gegnum árin hafa
þeir tónleikar þar sem íslensk tónlist er flutt
því miður notið lítilla vinsælda. Húsyllir hefur
fyrst og fremst verið við flutning klassískra er-
lendra perla, helst með heimsfrægum einleik-
urum. Tónleikarnir á fimmtudagskvöld marka
straumhvörf hvað þetta lögmál varðar – færðu
mér í það minnsta heim sanninn um það að vilji
Sinfóníuhljómsveit Íslands fylla húsið getur
hún flutt tónverk íslenskra tónskálda.
Ég ætla ekki að draga úr aðdráttarafli þeirra
Víkings Heiðars Ólafssonar og Daníels Bjarna-
sonar í þessu samhengi. Þeir eru báðir í góðum
tengslum við grasrót íslensks menningarlífs, er
líklega hefur ráðið úrslitum varðandi aðsókn
unga fólksins. Fólks er á einkar ánægjulegri
kvöldstund fékk að hlýða á stórt brot í þróun ís-
lenskra tónsmíða, því á milli elsta og yngsta
tónskálds efnisskrárinnar er fimmtíu ára ald-
ursbil. Geri aðrir betur í uppfræðslu og upp-
byggingu samtímamenningar!
ORÐANNA HLJÓÐAN
FRÍÐA BJÖRK INGVARSDÓTTIR
Vilji Sinfóníuhljómsveit
Íslands fylla húsið getur
hún flutt tónverk ís-
lenskra tónskálda.
Yndislegur ilmur af úlpum og lopapeysum
Stofnun Francescu von Habsburg, Thyssen-
Bornemisza Art Contemporary, og dánarbú mynd-
listarmannsins Dieters Roth hafa augastað á
byggingum við Sætún í Reykjavík fyrir nýja lista-
stofnun. Að auki er mikill áhugi á að fá Nýlista-
safnið til samstarfs, auk listamanna og fólks úr
þekkingariðnaðinum. Von Habsburg telur að
samvinnan gæti orðið einstök á heimsvísu. | 3
Augnablik innra augans Líf-
færi ofar tungum og puttum. 9