Morgunblaðið - 03.01.2009, Qupperneq 8

8|Morgunblaðið
Eftir Maríu Ólafsdóttur
maria@mbl.is
Við byrjuðum báðar að starfa semdagmæður fyrir um ári og störf-uðum saman í um tvo mánuði.Tobba er í leyfi eins og stendur en
mun síðan snúa aftur til starfa. Ég er með
fjögur börn í minni umsjá, tvær undir eins árs
og tvær rúmlega átján mánaða. Við Tobba
höfum alltaf verið spenntar fyrir hollu mat-
aræði en ekki verið nógu duglegar að tileinka
okkur það. Þegar við gerðumst dagmömmur
ákváðum við að taka af skarið og stefndum að
því að gefa börnunum hvorki unnar kjöt- né
fiskvörur, msg eða sætuefni. Í þessu urðum
við síðan enn ákveðnari eftir að hafa sótt
námskeið hjá Ebbu Guðnýju Guðmunds-
dóttur. Mest unna kjötvaran sem við notum
er hakk og þá reynum við að vanda valið og
kaupa það úr góðu hráefni. Síðan notum við
frekar spelt heldur en hvítt hveiti, speltpasta
og engan hvítan sykur. Ef valið stendur á
milli íslenskra eða erlendra vara, til dæmis
grænmetis, þá kaupum við líka frekar ís-
lenskt. Við reynum líka að baka eða bjóða
börnunum hollt brauð og baka síðan eitthvað
aðeins sætara einu sinni í viku. Eins og stend-
ur ræktum við ekki grænmeti en langar til að
rækta kryddjurtir í glugganum einn daginn.
Þetta holla mataræði hefur mælst vel fyrir og
nú höfum við einnig tekið upp slíkt mataræði
heima fyrir,“ segir Bjarney um þær sam-
starfskonurnar.
Ferskara hráefni
Bjarney segir þær halda að miklu betra sé
fyrir börnin að venjast slíku mataræði strax
frá byrjun, en athyglisvert sé að á Suð-
urnesjum séu margar dagmæður á þessari
sömu línu. Vissulega sé aðeins dýrara að
kaupa íslenskt grænmeti en þeim finnist það
vera þess virði þar sem það sé ferskara og
þær viti frekar hvers lags hráefni þær séu
með í höndunum. Upp og ofan sé hvort börnin
borði sama fæði heima við en foreldrarnir séu
almennt ánægðir með hvað þau borði hollt hjá
sér. Maturinn er að hluta til maukaður og yf-
irleitt alltaf fyrir yngri börnin. Grænmeti og
kartöflur er þá maukað saman og fiskur eða
kjöt sett út í það í smærri bitum. Bjarney gef-
ur börnunum fisk tvisvar í viku svo og kjöt og
síðan yfirleitt eitthvað léttara á föstudögum.
Á milli mála fá börnin síðan ávexti, bæði á
morgnana og í kaffitímanum.
Iða og smjatta
„Flest börnin borða allt og virðast vera
með matarást á okkur miðað við að foreldr-
arnir segja þau vera farin að iða og gefa frá
sér smjatthljóð í bílnum eða vagninum á leið-
inni til okkar sem eru sannarlega góð með-
mæli. Ég held að þetta mataræði hafi góð
áhrif á hegðun barnanna, í það minnsta eru
þau frekar róleg og við sjáum á okkar eigin
börnum að þau hafa orðið rólegri þó að þau
séu kannski ekkert stilltari,“ segir Bjarney í
léttum dúr.
Spínatmauk úr bók Ebbu Guðnýjar
1 msk. smör
½ bolli af blaðlauk eða um það bil 1 blað-
laukur (hreinsaður og skorinn í bita, aðeins
hvíti hlutinn notaður)
1 sæt kartafla, þvegin, flysjuð og skorin í bita
½ bolli af frosnum baunum
½ bolli eða um 100 g spínat
Aðferð: Blaðlaukurinn mýktur í smjörinu,
setjið kartöflurnar í ásamt vatni og sjóðið í
þrjár mínútur. Setjið restina af grænmetinu í
og sjóðið í 8 mínútur. Maukið ef vill, einfalt og
fljótlegt.
Ferskt og hollt fyrir börnin
Morgunblaðið/RAX
Matgæðingar Bjarney S. Grímsdóttir segir börnin iða og smjatta á leið í gæslu til sín og Þorgerðar.
Börnin sem dvelja hjá Bjarn-
eyju S. Grímsdóttur og Þor-
gerði Pétursdóttur, Tobbu,
dagmæðrum í Reykjanesbæ,
hafa á þeim matarást enda
leggja þær sig fram um að
gefa þeim hollan og lífrænan
mat eins og kostur er.
Ómissandi Góðan og uppbyggilega morgunmat má ekki vanta.
Bætt heilsa í
litlum skrefum
Oftar en ekki lofar fólk sjálfu sér bót og betrun þegar
kemur að hreyfingu og mataræði á nýju ári. Það getur
sannarlega verið ágætt að nota tækifærið til að taka
heilsuna í gegn á nýju ári þótt auðvitað sé best að hlúa
að henni reglulega allt árið um kring. Það þarf ekki
endilega róttækar breytingar til heldur frekar að taka
nokkur lítil skref í átt að betra og heilsusamlegra lífi.
Morgunmaturinn
Það er ekki nokkurt vit í því að fara út í daginn með
ekkert í maganum og það vitum við öll. Ef þú hefur
lítinn tíma á morgnana skaltu passa að eiga alltaf jóg-
úrt í ísskápnum sem þú getur gripið með þér. Hafra-
grauturinn er alltaf góður og fyllir upp í magann og
góð skeið af lýsi með hristingi úr ávöxtum og jógúrt
eða djús er líka góð byrjun á deginum.
Hreyfing
Öll hreyfing hefur sitt að segja, sama hvort það er
að fara út að labba góðan hring, synda nokkrar ferðir
eða fara í líkamsræktarstöð, dans eða aðrar íþróttir.
Notaðu stigann en ekki lyftuna eins og þú getur og
skildu bílinn eftir heima í styttri ferðum. Maður venur
sig ótrúlega á að nota bílinn en stundum er alveg eins
gott að ganga og þá er ekkert stress við að finna
stæði!
Snarlið
Það getur verið algjörlega ómótstæðilegt að fá sér
snakk eða sælgæti þegar maður situr þreyttur fyrir
framan sjónvarpið. Reyndu að snúa vananum við og
byrjaðu til dæmis á að fá þér popp í staðinn fyrir
snakk og hnetur eða ávexti í staðinn fyrir sælgætið.
Auðvitað er eðlilegt að fá sér stundum sælgæti en því
meira sem maður venur sig af þeim leiða vana því
minna virðist mann langa í það. maria@mbl.is