Morgunblaðið - 11.06.2009, Qupperneq 28
MORGUNBLAÐIÐ FIMMTUDAGUR 11. JÚNÍ 2009
MIKIÐ óskaplega
finnst honum Vilhjálmi
Egilssyni ég vera vond
manneskja. Það fer
ekki á milli mála og svo
finnst honum ég alls
ekki vera nógu góður
pappír fyrir Morg-
unblaðið. Þetta er allt
hið versta mál, ef
marka má grein Vil-
hjálms í Morg-
unblaðinu í gær.
En Vilhjálmur vill enn ekki svara
röksemdum mínum, þótt hann haldi
því fram að ég eigi í erfiðri glímu við
staðreyndir.
Ítrekað hef ég bent á þá staðreynd
að lífeyrissjóðir landsmanna eru í
eigu þeirra sem greiða iðgjöld til
sjóðanna og þeirra sem hafa greitt
iðgjöld í sjóðina, en eru nú sestir í
helgan stein og þiggja lífeyri úr sjóð-
unum.
Atvinnurekendur eiga ekkert í
þessum sjóðum og hvers vegna ættu
þeir þá að sitja í stjórnum þeirra og
ráðskast með fjármunina okkar?
Aftur og aftur hef ég spurt þess-
arar spurningar en Vilhjálmur kýs
ávallt að svara henni ekki, líklega
vegna þess að hann getur ekki komið
fram með haldbær rök.
Hann grípur til þess að tíunda frá-
bærlega unnin störf atvinnurekenda
í stjórnum sjóðanna; atvinnurek-
endur líti á stjórnarsetu í lífeyr-
issjóðum „sem mikilvægt samfélags-
legt verkefni....Þetta er áratuga
verkefni sem kallar á framsýni,
frumkvæði og úthald.“
Bla, bla, bla Vilhjálms Egilssonar
um ágæti, nánast heilaga köllun at-
vinnurekenda, að „stuðla að fag-
mennsku í meðferð fjármuna“ inni í
stjórnum lífeyrissjóðanna er óskap-
legt orðskrúð og að sama skapi rýrt
að innihaldi.
Hvers vegna svarar Vilhjálmur í
engu gagnrýni minni?
Óttast Vilhjálmur
kannski það valdaafsal
sem fælist í brotthvarfi
atvinnurekenda úr
stjórnum lífeyrissjóða?
Óttast hann kannski
líka að sauðsvartur al-
múginn geti ekki ávaxt-
að sitt pund einn og
óstuddur?
Hvað varðar boðs-
ferðir sem stjórnendur
lífeyrissjóða hafa þegið
á vegum fjármálastofn-
ana og fjárfestingarfélaga á und-
anförnum árum, mætti ætla af grein-
um Vilhjálms að ég hafi verið að
segja eitthvað sem aldrei hefur áður
verið sagt.
Í frétt í Morgunblaðinu þann 24.
mars sl. sagði m.a. „Verið er að end-
urskoða reglur um utanlandsferðir
hjá Sameinaða lífeyrissjóðnum og
Gildi þannig að boðsferðir verði úr
sögunni.“ Guðmundur Ragnarsson
formaður Félags vélstjóra og málm-
tæknimanna var borinn fyrir frétt-
inni. Hefði að mati Vilhjálms þurft að
endurskoða reglur um boðsferðir hjá
lífeyrissjóðunum ef sjóðirnir hefðu
aldrei þegið slík boð? Í sömu frétt
kemur einnig fram að á und-
anförnum sex árum hafi stjórnendur
Sameinaða lífeyrissjóðsins samtals
farið 62 sinnum til útlanda á vegum
sjóðsins og hafi um helmingur ferð-
anna verið boðsferðir. Síðastliðin
þrjú ár hafi sama fólk þegið boð í sex
veiðiferðir.
Vilhjálmi til upprifjunar ætla ég að
benda á orð Gylfa Arnbjörnssonar,
forseta Alþýðusambands Íslands, á
aukaársfundi ASÍ í marsmánuði sl.
þar sem Gylfi gerði það að sérstöku
umræðuefni að trúverðugleiki lífeyr-
issjóðanna hefði beðið hnekki. Gylfi
orðaði það svo að „siðferðilegur og
fjárhagslegur trúverðugleiki“ sjóð-
anna skipti sköpum fyrir vöxt og við-
gang lífeyriskerfisins. Fyrir aukaárs-
fundi ASÍ lágu tillögur um reglur,
sem áttu að auka gegnsæi, siðferði og
trúverðugleika í starfi þeirra. „Slíkar
reglur þurfa að ná jafnt til fjárfest-
ingarstefnu og daglegrar starfsemi
sjóðanna, þ.m.t. til gjafa, risnu og
ferðalaga,“ sagði forseti ASÍ.
Heldur framkvæmdastjóri Sam-
taka atvinnulífsins að þessi orð for-
seta ASÍ hafi verið út í loftið og án til-
efnis?
Í ritstjórnargrein Morgunblaðsins
um ræðu forseta ASÍ þann 26. mars
sl. segir m.a.: „Athyglisvert var hins
vegar að hann nefndi ekki í ræðu
sinni þá kröfu, sem nú er vaxandi
innan ASÍ, að sjóðfélagar sjálfir kjósi
stjórn lífeyrissjóðanna. Hann sagði
aðeins: „Lífeyrissjóðirnir eru hluti af
umsömdum og kjarasamnings-
bundnum réttindum og það er þess
vegna sem stjórnir þeirra eru kjörn-
ar af stéttarfélögum og atvinnurek-
endum að jöfnu.“
Þessi rök halda ekki vatni. Laun-
þegar eiga lífeyrissjóðina og eiga að
ráða því hvernig þeim er stjórnað.
Hluti af „siðferðilegum trúverð-
ugleika“ þeirra er að sjóðfélagarnir
kjósi stjórn þeirra, í stað þess að
verkalýðsforysta og atvinnurek-
endur skipi sjálfa sig í þær og treysti
þannig eigin völd, áhrif og fjárhag.“
Af þessari tilvitnun í forystugrein
Morgunblaðsins fyrir tveimur og
hálfum mánuði síðan getur Vil-
hjálmur séð að það er enginn munur
á afstöðu minni til þess hvernig velja
beri stjórnarmenn í lífeyrissjóði
landsmanna og Morgunblaðsins.
Vilhjálmur í vanda
Eftir Agnesi
Bragadóttur » Ítrekað hef ég bent á
þá staðreynd að líf-
eyrissjóðir landsmanna
eru í eigu þeirra sem
greiða iðgjöld til sjóð-
anna
Agnes Bragadóttir
Höfundur er blaðamaður
á Morgunblaðinu.
„MÉR líst ekki á
það. Þú veist það
sjálfur að þá er ég
ekki með lengur í um-
ræðunni,“ sagði ungur
stjórnmálamaður við
mig fyrir nokkrum
mánuðum þegar við
ræddum um ESB-
málin og ég hvatti
hann til að fylgja þar
sannfæringu sinni og
vera á móti öllum tilraunum til að
þoka okkur þar inn.
Viðkomandi, sem er nýsestur í
eftirsótt ábyrgðarstarf, talaði um
það sem sjálfsagt og sjálfgefið að
stjórnmálamaður sem ekki taki
með einhverjum hætti þátt í því að
mæla með næstu skrefum í ESB-
aðild væri sjálfkrafa dæmdur úr
leik. Hann yrði útmálaður í fjöl-
miðlum og hann yrði sniðgenginn.
Þess vegna ákvað þessi byrjandi í
faginu að sigla milli skers og báru,
slá úr og í og hefur fyrir vikið orð-
ið sæmilega ágengt.
Ég hafði greinilega rangt fyrir
mér þegar ég varaði hann við því
að tala tungum tveim – ég hélt í
barnaskap mínum að fjölmiðlar
myndu tortryggja slíka umræðu og
leiða hann í gildrur mótsagna, en
það er öðru nær. Þegar kemur að
ESB-umræðunni eru þeir einir tor-
tryggðir af hinni íslensku fjöl-
miðla-elítu sem ekki vilja syngja
með í ESB-möntrunni sem hefur
verið dyggilega ræktuð af útrás-
arvíkingum og þeirra pólitísku
snötum.
Víkingar þessir
höfðu meðan þeir
voru lífs mikið og vel
þjálfað starfslið
blaðamanna, rithöf-
unda og talsmanna,
að ógleymdum
fulltrúum meðal sam-
taka atvinnulífs og
stjórnmálaflokka. Nú
þegar veldin eru
hrunin sitja tals-
mennirnir mun-
aðarlausir eftir og
reyna að kyrja hluta
af útrásarsöngnum.
Sami blaðamaður og skrifaði
fyrir nokkrum árum lofbækur um
íslenska auðmenn og auð þeirra
skrifaði nú á hrunvetri langlokur
um það að ef Ísland gengi ekki í
ESB þá færi landið aftur á haus-
inn, líklega aftur og aftur að ei-
lífu!
Íslenska elítan er lítil og hefur
merkilega lítið stækkað þó svo að
íbúafjöldi í landinu hafi tvöfaldast.
Á mínum barnsárum mátti enginn
yrkja nema vera vinstri maður og
sama þröngsýnin ræður því að nú
má enginn vera marktækur nema
hann hafi að minnsta kosti ein-
hverja „Evrópuvitund“ eins og
fylgispekt við ESB er kölluð í
lærðum ritgerðum háskólasamfé-
lagsins í dag. Allt er þetta hluti af
brjóstumkennanlegri heimótt-
arkennd þeirra manna sem halda
sig hafa séð hafa ljósið.
Í þjóðsögum okkar Íslendinga
eru þeir draugar taldir verstir
sem reyndu að gera það dauðir
sem þeim tókst ekki lifandi. Út-
rásarvíkingarnir reyndu leynt og
ljóst að grafa undan fullveldi og
lýðræði á Íslandi en hvorutveggja
varð tafsamt fyrir gangstera. Svo
er að sjá sem hvorki veldi Jóns
Ásgeirs né Bakkabræðra lifi það af
að sjá þennan kaldranalega draum
verða að veruleika. En þetta getur
engu að síður gengið eftir og er þá
draumur hinna dauðu.
Gegn þessari vá er aðeins ein
vörn, en hún felst í því að siðferði í
stjórnmálum, blaðamennsku og
viðskiptum verði lyft á hærra plan.
Afsagnir og uppsagnir verði við-
urkennd almenn leið til betri tíðar.
Nú, þegar gerðar eru húsleitir
hjá lánlitlum áhættufíklum, er
tímabært að þeir sem vörðu sömu
menn og lærðu hjá þeim söngvana
geri upp sína fortíð.
Blaðamannastétt sem ætlar að
gera siðlegar kröfur á viðskipta-
lífið verður sjálf að standa undir
því sama. Þeir sem harðast gengu
fram í að lofa maurapúka liðinna
daga eiga að segja af sér, hvort
sem þeir sitja í stólum ritstjóra
eða fréttamanna. Fyrr verður ekki
loftað út á Íslandi.
Blaðamannastéttin
lofti sjálf út
Eftir Bjarna
Harðarson »…sjálfgefið að
stjórnmálamaður
sem ekki taki með ein-
hverjum hætti þátt í því
að mæla með næstu
skrefum í ESB-aðild
væri sjálfkrafa dæmdur
úr leik!
Bjarni Harðarson
Höfundur er bóksali.
– meira fyrir áskrifendur
Kraftar
Norðurlands
Fáðu þér áskrift á
mbl.is/askrift
Fólkið og fyrirtækin skoðuð og
dregin upp mynd af möguleikum
og framtíð þessa landshluta
í veglegu sérblaði 25. júní
Nánari upplýsingar veitir
Sigríður Hvönn Karlsdóttir í síma 569-1134/
692-1010 eða sigridurh@mbl.is
Tekið er við auglýsingapöntunum til kl. 16.00
mánudaginn 22. júní.
Viðskiptablað
Morgunblaðsins tekur
púlsinn á atvinnulífi
Norðurlands
Meðal efnis verður :
• Menntun og rannsóknir
• Hönnun, handverk og saga
• Matur, drykkur og menning
• Landbúnaður, ferðaþjónusta, náttúra og haf
• Framleiðsla, nýsköpun og norðlenskt hugvit