Nýtt kvennablað - 01.09.1945, Page 5

NÝTT KVENNABLAÐ
<>
o
Þetta var sagan hennar og Jarps, reiðhests-
ins hennar.
Það er fjarri mér að óska eftir því að konur
séu alltaf að skemmta sér. Nei, það er vissulega
gæfa hverrar húsmóður að unna sem mest heim-
ili sínu og börnum og starfi sínu þar.
En það er með heimilisstörfin eins og önnur
störf, að þau eru stöðug endurtekning og end-
urtekningin sljóvgar og eykur leiða á starfinu.
Húsmóðurin þarf að koma á önnur heimili öðru
hverju til þess að læra og sjá það sem þar er tii
fyrirmyndar. Nú þegar það er orðið viðurkennc
að allar stéttir þurfi að fá orlof, getur húsmóð-
irin ekki verið nein undantekning í því efm,
eigi starf hennar að vera vel af-hendi leyst og
hún að njóta tilhlýðilegrar virðingar. Heimilio
er gömul og íhaldssöm stofnun. Það hefur jafn-
an verið siður að konan sæti heima. Húsmóður-
inni er líka oft mjög erfitt að komast heiman
að fyrir annríki.
Enginn er til að taka við störfum þeirra, og
hefir það stórum versnað nú á stríðstímunum að
fá nokkra hjálp á heimilin. En oft má það þó
takast ef konan hefir fullan áhuga á því að
fá sér frí og finnur að hún hafi þörf fyrir það.
Þá er um að gera að fá sem bezt tækifæri til
þess að nota þessa dýrmætu frídaga. Annað-
hvort roun það jafnan ákjósanlegast út í náttúr-
unni eða dvöl á góðu heimili, t. d. húsmæðra-
skóla, þar sem margt mætti læra og taka sér tii
fyrirmyndar.
Það er ánægjulegt og skemmtilegt að fá
nokkra skemmtilega frídaga og skemmtasérmeð
stallsystrum sínum út í náttúrunni eða á góðu
heimili og mega njóta góðra leiðbeininga, en
ánægjulegast og skemmtilegast er þó að koma
heim og vera fagnað af góðum eiginmanni og
börnum og öðrum heimamönnum, auðugri af
starfsgleði og endurnærður eftir góðan félags-
skap.
Eins og vera ber eru nú þegar allmargir hús-
mæðraskólar á landinu og í ráði að reisa fleiri.
Þjóðin hefir öðlast skilning á því að ungar stúlk -
ur þurfi að læra margt sem þeim megi að gagni
koma í starfi þeirra sem húsmóðir og móðir.
Þær nema á þessum skólum einn til tvo vetur
— stundum aðeins einn til tvo mánuði á stuttu
námsskeiði. Þá eiga þær að vera færar um að
taka að sér hverskonar störf sem húsfreyjunni
kunna að vera lögð á herðar.
Þessi tími er ungu stúlkunum oft mikill sælu-
tími. Þær fá að njóta þar samvistanna við stall-
systur sínar og jafnaldra, læra að gera góðan
mat og matur er ávallt mannsins megin —
sauma, vefa og prjóna marga góða hluti. Kven-
félög landsins hafa mikið beitt sér fyrir stofn-
un þessara skóla og fengið ríkið til að styðja
það mál og veita fé til þeirra og reka þá að
miklu leyti.
Húsfreyjurnar í félögunum hafa gleymt
sjálfri sér af umhyggju fyrir dætrum sínum og
ungu stúlkunum. Þær hafa gert það í félags-
skapnum eins og á heimilunum. Þær vilja vinna
að því að dætur þeirra fái góða menntun og
undirbúning undir húsmóðurstöðuna, þó þær
sjálfar hafi mátt fara á mis við hana. Þær hafa
gefið skólunum það sem þær áttu ekki sjálfar,
eins og ein merk kona komst að orði. Þær hafa
gefið skólunum luisgögn og húsbúnað, sem þær
aldrei hafa getað eignast sjálfar á sín heimili,
allt til þess að dætrum þeirra og öðrum ungum
stúlkum megi vel vegna við námið.
Húsfreyjurnar hafa gleymt því að skólarnir
eigi að vera líka fyrir þær. Skólarnir þurfa að
standa í nánu sambandi við starfandi húsmæð-
ur og halda stutt námskeið, hentug húsmæðr-
um í bæjum, byggðum og borgum.
Þegar húsmæðurnar hafa orlof, sem þeim
jafnan er mjög erfitt að veita sér, þurfa þæv
að geta dvalið á stöðum þar sem þær fá upp-
örfun og hressingu í starfi sínu og helst góða
fræðslu.
Eg veit að ungu stúlkunum, sem dvelja á hús-
mæðraskólum nú á tímum, þykir dvöl sín þar
mjög skemmtileg og ánægjuleg. Á vorin við
skólaslit skilja þær með sárum trega og þeirri
innilegu ósk að þær mættu síðar hittast á sama
stað, og dvelja þar um tíma.
Eg veit um margar konur sem hafa mikla
löngun til þess að heimsækja skólann sinn aftur,
en þær fá ekki tækifæri til þess, eins og þó ætti
að vera.
Það er mjög þarft og nauðsynlegt að undir-
búa ungar stúlkur undir húsmóðurstöðuna, en
það er ekki síður mikils virði að gefa þeim tæki-
færi til að viðhalda þeirri menntun sem þær afla
sér, með því að halda stutt námskeið við skól-
ana, hentug fyrir húsmæður.
í stað stóru heimilanna sem ruí mega heita úr
sögunni, hafa risið upp skólaheimili húsmæðra
og unglinga. Á þeim heimilum ber að stofna til
stuttra námskeiða sem húsmæður gætu notfæi't
sér.
J. S. L.