Morgunblaðið - 16.10.2009, Side 2
2 FréttirINNLENT
MORGUNBLAÐIÐ FÖSTUDAGUR 16. OKTÓBER 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin
Guðmundsson, fréttastjóri, bjorgvin@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Ákært fyrir harðræði
Ákæra á hendur lögreglumanni verður þingfest í næstu viku en honum er gefið að
sök að hafa ekki gætt lögmætra aðferða við handtöku rétt rúmlega tvítugs pilts
Eftir Andra Karl
andri@mbl.is
RÍKISSAKSÓKNARI hefur höfðað mál á hendur
lögreglumanni embættis lögreglu höfuðborgar-
svæðisins. Hann er ákærður fyrir minniháttar lík-
amsárás og að hafa ekki gætt lögmætra aðferða
við handtöku. Málið verður þingfest 22. október
nk. í Héraðsdómi Reykjavíkur. Maðurinn er þrátt
fyrir ákæruna við störf hjá lögreglunni.
Málið kom upp í janúar sl. og sagði móðir pilts-
ins sögu hans í samtali við Morgunblaðið. Var
hann handtekinn eftir að hafa brúkað munn við
lögreglumenn fyrir utan skemmtistað í miðborg
Reykjavíkur. „Hann lá á maganum á gólfi bílsins
og gat sig hvergi hreyft því lögreglumaður hélt
honum niðri með því að leggja þunga á höfuð hans
og háls til skiptis með hnjánum. Auk þess var lög-
reglukylfa sett undir handjárnin og lyft upp.
Þannig kom mikil spenna á axlir hans,“ sagði móð-
ir hans.
Piltinum hefði að lokum verið ekið út á Granda
og hann skilinn þar eftir. Greinilegir áverkar voru
á honum, s.s. sár á enni hægra megin, glóðarauga,
kúlur víðs vegar á höfði, mar á eyrum og hálsi, sár
á höku og roði og bólgur á úlnliðum.
Engin skýrsla var tekin af piltinum og engin
gögn um málið hjá lögreglu.
Í lögreglulögum segir að handhöfum lögreglu-
valds sé heimilt að beita valdi en aldrei megi þeir
þó ganga lengra í beitingu valds en þörf er á
hverju sinni.
Sigríður Friðjónsdóttir aðstoðarríkissaksókn-
ari staðfesti að málið hefði verið höfðað, en vildi að
öðru leyti lítið tjá sig um ákæruna.
Stefán Eiríksson, lögreglustjóri höfuðborgar-
svæðisins, tók í sama streng. Hann staðfesti þó að
maðurinn væri við störf hjá lögreglunni. Ákvörðun
um að víkja mönnum tímabundið frá störfum lægi
hjá ríkislögreglustjóra, sem mæti hvert tilvik fyrir
sig. Slík ákvörðun hefði ekki verið tekin í þessu til-
viki.
FJÓRIR menn hafa verið handteknir vegna rannsóknar
á hvarfi konu frá Litháen og þrír þeirra, samlandar henn-
ar, voru í gær úrskurðaðir í gæsluvarðhald að kröfu lög-
reglustjórans á Suðurnesjum. Ekkert hefur spurst til
konunnar en grunur leikur á að hún sé í samneyti við
Litháa, tengda mönnunum í gæsluvarðhaldinu.
Lögreglan á Suðurnesjum hefur fengið margar ábend-
ingar og vinnur úr þeim. Talið er að konan hafi verið flutt
til landsins sem fórnarlamb mansals. Eftir komuna til
landsins var hún flutt rænulítil á sjúkrahús og var þar um
nóttina en síðan hjá lögreglunni á Suðurnesjum að eigin
ósk. Hún gat ekki gefið miklar skýringar á ferð sinni til
landsins, sagðist ekki eiga í nein hús að venda og engan
þekkja hérlendis. Lögreglan varð vör við þrjá Litháa,
þekkta brotamenn, sem leituðu að konunni við Heilbrigð-
isstofnun Suðurnesja auk þess sem þeir sáust í nágrenni
við lögreglustöðvar í Reykjanesbæ.
Lögreglan engu nær en
vinnur úr ábendingum
Grunur um mansal og erlend
kona er talin vera í hættu
„ÉG ER staðráð-
inn í því að hafa
boðskap biskups-
ins að engu,“ seg-
ir séra Gunnar
Björnsson.
Karl Sigur-
björnsson biskup
hefur ákveðið að
flytja Gunnar úr
embætti sóknar-
prests á Selfossi í
embætti sérþjónustuprests við
Biskupsstofu.
Í tilkynningu frá Biskupsstofu í
gær kom fram að ákvörðunin tæki
gildi samdægurs og að sr. Óskar
Hafsteinn Óskarsson, sem þjónað
hefur Selfossprestakalli frá í árs-
byrjun, sinnti því embætti áfram eða
þar til nýr prestur tæki við.
Sr. Gunnar segir tilraun biskups
til að flytja sig til í embætti lögbrot í
ljósi hæstaréttardóms frá 19. mars.
Bréf biskups sé enginn löggerningur
heldur aðeins „mismunandi hug-
myndir biskups og meðreiðarfólks
hans“, eins og sr. Gunnar komst að
orði. Hann kveðst því hafa endur-
sent bréfið.
Sr. Gunnari var vikið tímabundið
frá embættið fyrir um hálfu öðru ári
vegna gruns um kynferðisafbrot
sem hann hefur verið sýknaður af á
báðum dómstigum. Í kvöld hefur
verið boðað til fundar á Selfossi þar
sem sr. Gunnar mun skýra frá sinni
hlið mála en stuðningsmenn hans
boða fundinn.
sbs@mbl.is
Sr. Gunnar
fluttur til
í embætti
Sr. Gunnar
Björnsson
Ósáttur við biskup
LÍK af karlmanni fannst á Langa-
sandi á Akranesi, fyrir neðan elli-
heimilið Höfða, síðdegis í gær. Lög-
regla rannnsakar málið.
Vegfarandi sem gekk fram á líkið
gerði lögreglu viðvart. Maðurinn var
úrskurðaður látinn á vettvangi, en
þetta var ungur karlmaður.
Að sögn Jóns Sigurðar Ólasonar
yfirlögregluþjóns liggja engar upp-
lýsingar fyrir um hver maðurinn er
enda skilríkjalaus. Þá er ekkert
hægt að segja til um hvernig lát
mannsins bar að og hvort eitthvað
saknæmt átti sér stað. Rannsókn er
á frumstigi og nýtur rannsóknar-
deild lögreglunnar á Akranesi að-
stoðar lögreglu á höfuðborgarsvæð-
inu. silja@mbl.is
Líkfundur
á Langasandi
BÓKIN Samtöl Matthíasar Johannessen með
inngangi eftir Þröst Helgason er komin út og var
útgáfunni fagnað í Eymundsson í gær þar sem
skáldið las upp úr bók sinni.
Matthías Johannessen skrifaði mörg samtöl
þegar hann starfaði sem blaðamaður og ritstjóri
Morgunblaðsins. Almenna bókafélagið gaf sam-
töl hans út í fimm viðtalsbókum, en þær eru
löngu uppseldar. Þröstur Helgason valdi ákveð-
in samtöl úr öllum bókunum og bætti fleiri sam-
tölum við í nýju bókina, sem Skólavefurinn.is
gefur út.
Í bókinni eru yfir 20 samtöl og kemur fram hjá
útgefanda að þau geti öll nýst vel í kennslu og
eigi mikið erindi til skólabarna sem og annarra.
Bókin Samtöl Matthíasar Johannessen komin út
Skáldið les fyrir gesti í Eymundsson
Morgunblaðið/Kristinn
Lögreglan á Suðurnesjum lýsir
eftir litháskri konu, sem kom til
landsins undir nafninu Ieva Gris-
iúte síðastliðið föstudagskvöld,
en talið er að ferðaskilríkin sem
hún framvísaði séu stolin.
Konan sást síðast um hálf-
tólfleytið við verustað sinn í
Reykjanesbæ síðastliðið mánu-
dagskvöld. Hún er með axlasítt
svart hár og talin hafa verið
klædd í svarta hálfsíða hettuúlpu eða kápu, svartar
gallabuxur, ljósgula peysu og brúna skó þegar hún
hvarf. Lögreglan biður alla sem geta gefið upplýs-
ingar um konuna að hafa samband í síma 112 eða
420-1800.
Lýst eftir konu frá Litháen
Ieva Grisiúte
H
ÍV
T
A
H
Ú
S
IÐ
/
S
ÍA
0
9
-
1
4
9
2
AÐEINS
1% FITA
20%
ÁVEXTIR
N Ý R J Ó G Ú R T D R Y K K U RM S . I S
NÝR JÓ
GÚRT
DRYKK
UR
3%
HVÍTUR
SYKUR
AÐEINS ENGINSÆTUEFNI