Morgunblaðið - 16.10.2009, Side 4

4 FréttirINNLENT
MORGUNBLAÐIÐ FÖSTUDAGUR 16. OKTÓBER 2009
Eftir Ómar Friðriksson
omfr@mbl.is
UNDIRBÚNINGI að stofnun fjárfestingar-
sjóðsins miðar vel áfram, að sögn Hrafns
Magnússonar, framkvæmdastjóra Landssam-
taka lífeyrissjóða, en hefur reynst tímafrekari
en menn ætluðu. „Þetta tekur aðeins lengri
tíma en bjarstýnustu menn áætluðu. Lífeyr-
issjóðirnir þurfa líka aðeins lengri tíma til að
fara yfir málið,“ segir hann.
Er þessa dagana verið að endurskoða skil-
mála sjóðsins vegna ýmissa ábendinga sem
borist hafa frá lífeyrissjóðum.
Samþykkt var á um 80 manna fundi fulltrúa
lífeyrissjóða í september að boðað yrði til
stofnfundar nýs fjárfestingafélags lífeyrissjóð-
anna í fyrri hluta októbermánaðar. Það er á
valdi stjórnar hvers lífeyrissjóðs að skoða mál-
in og taka afstöðu til þess hvort viðkomandi
sjóður tekur þátt í að stofna sjóðinn.
Hefur verið miðað við að hver lífeyrissjóður
skuldbindi sig í upphafi til þátttöku í verkefn-
inu með því að ábyrgjast tiltekið framlag sem
nýi fjárfestingasjóðurinn kalli eftir á næstu
þremur til fjórum árum þegar stjórn sjóðsins
hefur tekið ákvarðnir um fjárfestingar.
Sjóðirnir hafa verið með þessi mál til skoð-
unar að undanförnu. Niðurstöður liggja ekki
fyrir en almennt eru menn áhugasamir um að
láta hann verða að veruleika.
„Hugmyndin er að senda fljótlega út endur-
skoðuð drög að skilmálum til sjóðanna,“ segir
Hrafn. „Við höfum líka fengið ábendingar frá
Fjármálaeftirlitinu og erum að fara yfir þær,
en okkur sýnist að þær verði engin hindrun á
að hægt verði að stofna sjóðinn,“ segir hann.
Við undirbúninginn hefur m.a. verið um það
rætt að meirihluti stjórnarinnar eða fjórir af
sjö stjórnarmönnum tengist ekki lífeyrissjóð-
unum sjálfum.
Markmiðið með stofnun sjóðsins frá því hug-
myndin fæddist við bankahrunið fyrir ári síðan
er að fjárfestingasjóðurinn sem lífeyrissjóðirn-
ir fjármagni, eignist hluti í íslenskum fyrir-
tækjum í öllum greinum atvinnulífsins, einkum
þeim sem lent hafa í erfiðleikum vegna efna-
hagshrunsins en eiga sér vænlegan rektrar-
grundvöll til lengri tíma. Á sérstaklega að
horfa til fyrirtækja sem afla gjaldeyristekna
eða spara gjaldeyri með starfsemi sinni. Þá
mun verða út frá því gengið að mörkuð verði
fjárfestingarstefna og það verði svo í valdi
stjórnar sjóðsins að ákveða hvaða fjárfesting-
arkostir koma til álita.
15 til 25% krafa um ávöxtun
Upphaflega var ráðgert að sjóðurinn hefði
um 75 milljarða til ráðstöfunar en nú er útlit
fyrir að sjóðurinn verði nokkru minni og fjár-
festingargeta hans gæti orðið rúmlega 50 millj-
arðar kr. Lífeyrissjóðrinri leggja áherslu á
arðsemi fjárframlags lífeyrissjóðanna þegar
ákvarðanir verða teknar um fjárfestingar og
var um tíma rætt um 25% arðsemi. Nú hefur
verið slakað á þeim hugmyndum og fremur við
það miðað að arðsemiskrafan verði á bilinu 15-
25%.
Ábendingar FME vegna stofnunar sjóðsins
eru af ýmsum toga. Hefur Fjármálaeftirlitið
m.a. bent á að óheimilt sé að nota nafnið Fjár-
festingarsjóður Íslands sem hefur verið vinnu-
heiti sjóðsins þar sem það er lögvarið nafn.
FME hefur líka sett fram þá afstöðu að
hlutabréf sjóðsins þurfi að vera framsalshæf.
Er unnið að því að fullnægja þeim skilmálum.
Með 50 milljarða í fjárfestingar
Lífeyrissjóðirnir endurskoða skilmála fjárfestingarsjóðs Fær ekki að bera nafnið Fjárfestingar-
sjóður Íslands skv. ábendingu Fjármálaeftirlitsins Meirihluti stjórnarmanna verði óháður
Morgunblaðið/Ómar
Upp Lífeyrissjóðir ætla að vinna að endur-
reisn atvinnulífs og styðja við fyrirtæki.
Þó stefnt hafi verið að því að boða til
stofnfundar nýs fjárfestingarfélags lífeyr-
issjóðanna í október, er nú orðið ljóst að
ekki verður af stofnun sjóðsins fyrr en í
nóvember. FME setur þann skilmála að
bréf sjóðsins verði framseljanleg.
Eftir Sigurð Boga Sævarsson
sbs@mbl.is
ALLS hafa 323 einstaklingar
greinst með svínaflensu. Staðfest
tilfelli á höfuðborgarsvæðinu eru
orðin alls 221 og fer fjölgandi
annarsstaðar á landinu „Flensan
nálgast nú að vera faraldur sem
nær til landsins alls,“ segir Har-
aldur Briem sóttvarnarlæknir á
blaðamannafundi síðdegis í gær.
75 þúsund manns í forgangi
Fyrsta sending bóluefnis gegn
svínaflensu kom til landsins í gær-
morgun og hófst bólusetning heil-
brigðisstarfsfólks í eftirmiðdaginn.
Fyrst á Landspítala en bóluefni
hefur einnig verið sent til
heilbrigðisstofnana út um land.
Reiknað er með að bólusetningu
fólks í heilbrigðisþjónustunni ljúki
fljótlega í næstu viku og þá verður
byrjað að bólusetja lögregluþjóna,
björgunarsveitarmenn og aðra
slíka sem gegna lykilstörfum. Í
framhaldinu verður áherslunni
beint að fólki sem eru með und-
irliggjandi sjúkdóma en áætlað er
í þessum forgangshópum séu um
75 þúsund manns.
Almenn bólusetning getur svo
hafist í lok nóvember, en slíkt fer
eftir því hversu hratt bóluefnið
kemur hingað til lands. Haraldur
Briem sagði aðspurður ekki gert
ráð fyrir því að þeir sem eru í for-
gangshópum greiði fyrir bólusetn-
ingu nema þá komugjöld í heilsu-
gæslunni.
Á fundinum í gær sagði Harald-
ur að bæði vinnuveitendur og skól-
ar hefðu óskað eftir vottorðum
lækna vegna veikindafjarvista.
Hér bæri að taka fram að nóg
væri að gera hjá læknum og hvatti
Haraldur alla sem hlut ættu að
máli til að taka sjúklingana trúan-
lega og krefjast ekki vottorða
enda skapaði stlíkt óþarfa álag.
Bólusetning hafin
 Alls 323 greindir með svínaflensu  Faraldur sem breiðist
hratt út  Almenn bólusetning mun hefjast í nóvember
FÓLK með undirliggjandi sjúkdóma nýtur forgangs þegar kemur að bólu-
setningu vegna svínaflensunnar. Þar er átt við fólk með alvarlega hjarta-
sjúkdóma, svo sem hjartabilun og meðfædda hjartasjúkdóma. Einnig fólk
með alvarlega öndunarfærasjúkdóma sem þarfnast stöðugrar og fyrir-
byggjandi lyfjameðferðar. Undirliggjandi sjúkdómar eru einnig horm-
ónasjúkdómar, til að mynda insúlínháð sykursýki og barksteraskortur,
tauga- og vöðvasjúkdómar sem truflað geta öndun, alvarleg nýrnabilun og
alvarlegir lifrarsjúkdómar eins og skorpulifur. Sömuleiðis er offitufólk í
áhættuhópi og einstaklingar með næmisbælandi sjúkdóma og slíkt á til
dæmis við um þá sem eru í krabbameinsmeðferð sem og líffæraþega.
Fólk með sjúkdóma er í forgangi
Morgunblaðið/Ómar
Bólusetning Heilbrigðisstarfsfólk nýtur forgangs í bólusetningu, fólk í ýmiskonar öryggisþjónustu og lykilstörfum
og þeir sem eru með undirliggjandi sjúkdóma. Þorsteinn Guðmundsson var óhræddur þegar hann var bólusettur.
Eftir Baldur Arnarson
baldura@mbl.is
„ÞAÐ var á milli þrjú og fjögur sem
ég varð eldsins vör. Ég veit ekki ná-
kvæmlega hvenær það var. Mér brá
svo mikið að ég leit ekki á klukkuna.
Ég var að horfa á sjónvarpið þegar
mér sýndist vera farið að snjóa.
Þegar ég leit út sá ég engan snjó.
Ég opnaði því gluggann og fann
brunalyktina. Þá hljóp ég út og sá
reykjarstrókinn upp úr þakinu,“
segir Alma Eðvaldsdóttir, íbúi í ná-
grenni Lifrarsamlags Vestmanna-
eyja, sem brann til grunna.
„Ég hringdi á neyðarlínuna.
Skömmu síðar fylltist húsið mitt af
reyk, svo að hér er brunastækja.“
Aðspurð hvort hætta hafi verið á
ferðum bendir Alma á að timbur-
pallur sé milli hússins og Lifrar-
samlagsins og því hefði eldhafið
verið fljótt að berast að húsinu, sem
er steinsteypt en klætt að innan
með viðarpanel, ef ekki hefði tekist
að hefta útbreiðslu eldsins.
„Við vorum beðin að sækja per-
sónulega muni því þeir voru að
missa tökin á eldinum í smástund.
Flugstoðir komu með slökkvibifreið
frá flugvellinum og voru aðallega í
að reyna að vernda húsið okkar.
Þeim tókst það sem betur fer,“ seg-
ir Alma, sem telur að að frátöldum
sér og eiginmanni sínum hafi íbúar í
tveimur nærliggjandi húsum og
íbúð ekki verið í hættu.
Of snemmt að áætla verðmæti
Að sögn Egils Arngrímssonar hjá
Vátryggingafélagi Íslands (VÍS)
leigði Lifrarsamlagið húsnæði af
Vinnslustöð Vestmannaeyja á
Strandgötu 81. Það hús var tryggt
hjá VÍS eins og Strandgata 83 og 85
og áætlar Egill samanlagt bruna-
bótamat húsanna þriggja um 160
milljónir króna. Hann treystir sér
ekki til að leggja mat á verðmæti
hússins sem samlagið var í né held-
ur hversu verðmætur búnaður
lýsisverksmiðjunnar var, en hann
var einnig tryggður hjá VÍS.
Jóhann Jónsson, starfsmaður og
eigandi Lifró ehf., sem var með
vinnslu í húsinu, segir að þar hafi
orðið mikið menningartjón auk
eignatjóns. Eina rýmið sem enn
standi uppi af húsum Lifrar-
samlagsins sé þar sem lagerinn var
geymdur, en óvíst er hversu mikið
130-140 tonn af lýsi í opnum safn-
tönkum skemmdust.
Einnig var óvíst hvernig rekstur
Lifrarsamlagsins væri tryggður
þegar eftir því var leitað í gær-
kvöldi, en á áttunda tímanum var
búið að hreinsa mest af brakinu og
rauk úr því sem eftir var, að sögn
Ölmu. Tjónið er talið hlaupa á tug-
um milljóna króna.
„Brá svo mikið
að ég leit ekki
á klukkuna“
Stórtjón í eldsvoða í Vestmannaeyjum
Ljósmynd/Júlíus Ingason
Við eldhafið Hér sést hversu nærri eldtungurnar úr Lifrarsamlaginu voru
húsi Ölmu Eðvaldsdóttur. Mikill eldsmatur var í samlaginu, timbur og lýsi.