Organistablaðið - 01.11.1982, Blaðsíða 2

Aðalfundur F. í. O.
Aðalfundur F.Í.O. var haldinn í Hvassaleitisskóla 24. okt. 1982. Fundarmenn voru
14. Fundarstjóri var Birgir Ás Guðmundsson.
Formaður flutti skýrslu stjórnar. 23 nýjir félagsmenn hafa bæst í hópinn síðan á
síðasta aðalfundi. Formaður minntist í skýrslu sinni á Organistablaðið og þakkaði
dyggilega hjálp þeirra Páls Halldórssonar og Páls Kr. Pálssonar við undirbúning þess.
Gjaldkeri flutti skýrslu sína og ritari las fundargerð síðasta félagsfundar.
2 umsóknir um inntöku í félagið höfðu borist og voru þær samþykktar. Peir eru: Hörður
Áskelsson, Reykjavík og Jóhann Baldvinsson, Hafnarfirði.
Næsta mál á dagskrá var stjórnarkjör. Gjaldkeri og ritari gáfu ekki kost á sér til
endurkjörs og eftirfarandi stjórn var kosin: Formaður, sá sami og áður, Kristján
Sigtryggsson, Orthulf Prunner gjaldkeri og ritari Glúmur Gylfason. Varastjórn skipa þeir
sömu og áður Jakob Tryggvason varaformaður, Haukur Guðlaugsson og Reynir
Jónasson. Endurskoðendur Gústaf Jóhannesson og Ólafur Finnsson. Til vara Einar
Sigurðsson.
Þá voru launamálin tekin fyrir. Voru fundarmenn sammála um að endurskoða þyrfti
samning frá 1975. Kosin var launamálanefnd skipuð þeim Marteini H. Friðrikssyni,
Smára Ólasyni og Gústaf Jóhannessyni. Skyldu þeir kanna sérstaklega hver áhrif
væntanlegur samningur tónlistarkennara hefði á launamál organista.
Helgi Bragason áréttaði hve vantaði skilgreiningu á organistastarfinu í samninga.
Umræður urðu um greiðslur vegna helgistunda á sjúkrahúsum, en ekki hefurfengist
greidd upphæð sú er F.f.O. hefur sett upp alls staðar. Var í þessu sambandi minnst á
greiðslur vegna jarðarfara á laugardögum, sem tíðkast utan Reykjavíkur og voru þessi
mál tekin til athugunar. Var launamálum síðan vísað í heild til launamálanefndar og
ákveðið að boöa til fundar með henni síðar.
Fundurinn gerði tillögu til Söngmálastjóra sem hljóðar svo:
„Aðalfundur F.I.O. beinir þeim tilmælum til Söngmálastjóra að hann, með aðstoð
organista vinni að þvi að komið verði á „nótnabanka" með nýjum sálmaútsetningum
og annarri kirkjutónlist sem organistar hefðu aðgang að“.
Samþykkt var að hafa sömu viðmiðun á félagsgjaldi og áskrift Organistablaðsins og
áður.
Formaður flutti nokkur lokaorð og þakkaði samstarf. Fundarstjóri þakkaði fundar-
mönnum samveru og var síðan fundi slitið.
2 ORGANISTABLAÐIÐ