Organistablaðið - 01.11.1982, Side 11

Guðmundur
Matthíasson
organisti
Guömundur Eggert Matthíasson, fyrrum organisti í Kópavogi, lést á Vífilsstöðum
þann 17. júlí, 73 ára aö aldri.
Guðmundur fæddist ( Grímsey 26. febrúar 1909. Hann var sonur hjónanna Matt-
hiasar Eggertssonar, prests þar, og Guðnýjar Guðmundsdóttur, en þau hjón eign-
uðust alls 14 börn.
Guðmundur lauk stúdentsprófi frá Menntaskólanum á Akureyri, eftir það stundaði
hann tónlistarnám í Þýskalandi í 6 ár, fyrst í píanóleik og tónfræði í Leipzig og
Berlín, en síöar tónvísindi við háskólana í Hamborg og Köln.
Hann var síðan tónlistarkennari við Kennaraskóla íslands en kenndi einnig tungu-
mál, aðallega þýsku. Hann var organisti í Kópavogi frá þvi að Kópavogssöfnuður
var stofnaður árið 1952 og gegndi því starfi i 20 ár, eða til ársins 1972.
Hann var félagi í Félagi islenskra organleikara frá 1952, sæti hans þar var sjald-
an autt á félagsfundum. Þaðan munum við organleikarar hlýtt viðmót hans, hógværa
kímni, samviskusemi, nákvæmni og mikla þekkingu hans á öllum tónlistarmálum.
Eftirlifandi kona Guðmundar er Helga Jónsdóttir frá Möðruvöllum í Hörgárdal, en
foreldrar hennar voru Jón Eggertsson og María Sigurðardóttir frá Dagverðareyri.
Helga hefur starfað við kennslu og skrifstofustörf. Þau Helga og Guðmundur eign-
uðust fjórar dætur. Þær eru: Guðný, konsertmeistari í Sinfóníuhljómsveit fslands,
María, hjúkrunarfræðingur og tónlistarkennari í Osló, Rannveig, húsmóðir og félags-
málafulltrúi á ísafirði, og Björg, húsmóðir og snyrtisérfræðingur á Patreksfirði.
Hann lagði öllum málum lið. Hógværð, hlýja og gleði fylgja minningu hans.
Ég votta fjölskyldu hans dýpstu samúð. K.S.
ORGANISTAI5LAÐIÐ 11