Organistablaðið - 01.08.1992, Blaðsíða 5

Paris - Kaprí - Róm
Organistaferð 1991
— Síðari hluti —
Kaprí.
12. júní. Ferð okkar frá París til Kaprí varð með nokkuð öðrum hætti en fyrirhug-
að var. Olli því verkfall flugumferðastjóra sem m. a. stöðvuðu flug okkar á lciðinni
París - Róm. Kom nú til kasta Hauks fararstjóra. Fckk hann fyrir okkur flug til
Mílanó en sá böggull fylgdi skammrifi að við áttum að mæta á flugvellinum kl. 04.30
um nóttina og fengum því litla hvíld.
Frá flugvellinum í Mílanó ókum viö rakleiðis til brautarstöðvar og stigum upp í
lestina til Rómar. Ekki tókst þó betur til en svo að nokkrir félagar urðu viðskila við
aðalhópinn og misstu þar mcð af lestinni en Haukur varð þá cinnig eftir þeim til full-
tingis. Og þessi flokkur náði til Kaprí um kvöldið.
En af okkur í meginhópnum er það að segja að við brunuðum suður eftir allri
Ítalíu í lestinni, virtum fyrir okkur landslag og blunduðum af og til. Ekki er unnt að
hrósa viðurgerningi í lest þessari, matföng mjög af skornum skammti og það sem þó
fékkst ekki girnilegt.
í Róm bciö okkar langferðabíll ogþarslóst í hópinn Halldóra leiðsögumaður. Var
nú haldið til Napolí en þar tók ekki betra við því við vorum búin að missa af öllunt
bátum til Kaprí. Eftir nokkra stund tókst Halldóru að finna okkur mat og gistingu
hjá Napolíbúum og hvort tveggja sannarlega vel þegið.
Minningarathöfn við gröf Chopins í Pére-Lachaise kirkjugarðinum í París.
ORGANISTABLAÐIÐ 5