SunnudagsMogginn - 22.08.2010, Blaðsíða 24
24 22. ágúst 2010
Þ
að er búið að taka út úr mér beislið og af
mér hnakkinn. Ég er eins og klárinn,
frjáls í haganum. Pólitíkin, sem hafði
verið mitt hálfa líf, er að baki,“ segir
Guðni Ágústsson, fyrrverandi formaður Fram-
sóknarflokksins og fyrrverandi landbún-
aðarráðherra. Hann unir hag sínum vel og starfar
nú sem framkvæmdastjóri Samtaka afurðastöðva
í mjólkuriðnaði. „Ég er að sinna verkefnum fyrir
landbúnaðinn og bændurna. Í gegnum þetta starf
hef ég mikið samband við markaðinn og neyt-
endur. Skemmtilegast við þessa vinnu er að
skoða ný tækifæri í mjólkuriðnaðinum,“ segir
hann.
Þú fórst snöggt úr pólitíkinni. Var erfitt að
vera formaður Framsóknarflokksins?
„Ég var á þriðja áratug í þinginu og ráðherra í
átta ár, formaður flokks í eitt og hálft ár. Ég gekk
þetta pólitíska fjall allt og fór svo snöggt út úr
pólitíkinni, að eigin ákvörðun. Hvorki ég né
flokkurinn þoldu meiri átök. Ég fann að mér var
ekki gefið tækifæri á því að endurreisa Fram-
sóknarflokkinn. Ég bjó við pólitískan ágreining
við hluta af félögum mínum í flokknum, Evr-
ópusinna og hægrisinnaða menn, og var aldrei
þeirra. Þess vegna gerðist allt mjög snöggt. Ég fór
upp úr eldhafi stjórnmálanna og veit að það er líf
eftir pólitík.“
Hvernig hugsarðu til pólitísku áranna?
„Þegar ég horfi yfir þann tíma sem ég starfaði í
stjórnmálunum þá var hann skemmtilegur. Ég
tók þátt í því sem landbúnaðarráðherra með
bændunum og þjóðinni að skipuleggja sveitirnar
með það að markmiði að gera þær nútímalegri og
slá skjaldborg um landbúnaðinn. Ég skammast
mín ekki fyrir að vera sveitamaður, við erum
flest sveitamenn. Stolt og styrkur þessarar þjóðar
er að eiga góða bændur og sjómenn.
Í áratugi var pólitíkin verkefni mitt og það var
gaman að kynnast fólkinu í landinu. Ég lauk
mínum pólitíska ferli og á núna yndislegt nýtt
tímabil í lífinu. Við Margrét erum á faraldsfæti og
erum mikið boðuð á mannamót, fólk vill fá okkur
til sín. Það er sama hvert ég kem, fólkið er gott
við mig, brosir til mín, heilsar mér og er hlýlegt í
minn garð. Já, og enn herma þeir eftir mér.
Ég fylgist með pólitíkinni og mér þykir vænt
um stjórnmálamennina, þess vegna í öllum
flokkum, og hitti þá marga. Það er ágætt að þessu
tímabili sé lokið. Allt hefur sinn tíma og ráð-
herradómur í átta ár var mikið verkefni og skilur
eftir sig góðar minningar í huga fjölskyldunnar.
Þótt stundum spyrjum við okkur hvernig við
gátum komist yfir þetta allt og lifað af erilinn all-
an sem fylgir ráðherrastarfinu.“
Gætirðu hugsað þér að snúa aftur í pólitík?
„Nei. Það er ekki á dagskrá.“
Ísland á þúsund tækifæri
Stjórnmálamenn fá á sig mikla gagnrýni. Fannst
þér það erfitt á sínum tíma?
„Ef stjórnmálamenn þola ekki gagnrýni þá eiga
þeir að fara fljótt út úr pólitíkinni. Stjórn-
málamaður verður helst að vera þannig að hann
gleðjist yfir gagnrýni og sé alltaf tilbúinn í mál-
efnalega umræðu. Mér leið oftast vel í stjórnmála-
starfinu, mér gekk ágætlega að vinna með fólki og
bjó við þá góðu stöðu að það yfirleitt ánægja með
mín störf í þjóðfélaginu. Ég var bara heppinn í
þessu öllu saman og áreiðanlega yfir mér vakað.
Það tekur auðvitað sinn tíma að verða góður
stjórnmálamaður en mikilvægast í því öllu er að af-
vopna óvini sína og búa sér ekki til óvini að óþörfu.
Það sem reynir auðvitað mest á í pólitík og fer verst
með flokka og menn eru innanflokksátök, það setti
mark sitt á minn flokk síðustu árin sem ég starfaði í
pólitík.“
Saknarðu aldrei stjórnmálanna?
„Nei, ég hef aldrei neina saknaðarkennd og tel að
ákvörðunin hafi verið rökrétt fyrir mig og minn
flokk. Þetta varð til þess að Framsóknarflokkurinn
fyrstur allra flokka endurnýjaði forystusveit sína.
Ég vona sannarlega að formanninum, Sigmundi
Davíð Gunnlaugssyni, takist með öflugu fólki að
stækka flokkinn og efla hann. En Framsókn-
arflokkurinn verður, eins og allir flokkar, að finna
sínar gömlu og nýju götur í samtíðinni. Við verðum
horfa fram á veginn. Ísland á þúsund tækifæri.“
Þú sagðir áðan að þér þætti vænt um stjórn-
málamennina, það á ekki við um þjóðina sem
vantreystir stjórnmálamönnum. Af hverju njóta
þeir svona lítils trausts?
„Það er nú svo margt í samfélaginu sem fór illa í
hruninu. Stjórnmálaflokkar verða auðvitað, eins og
stofnanir og fyrirtæki, að endurreisa traust sitt og
sanna sig á nýjum grundvelli. Stjórnmálamennirnir
hafa ekki náð samstöðu, þeir eru sundraðir og
greinir á hvert á að fara og þeim er að stórum hluta
kennt um hvernig fór, þótt margir þeir sem báru
mesta ábyrgð, sem ráðherrar í hruninu og aðdrag-
anda þess, séu nú horfnir af vettvangi. Það er mikil
vinna framundan fyrir stjórnmálaflokkana en ég
held að þessari pattstöðu hljóti að ljúka. Auðvitað
getur vel verið að flokkakerfið sé að líða undir lok í
núverandi mynd. Stjórnlagaþing mun koma saman
og fjalla um mál eins og hvernig forsætisráðherra
landsins verði valinn og hvaða breytingar eigi að
gera á stjórnarskránni. Verða ráðherrar að víkja úr
þinginu til að þrískipting valdsins virki? Hvernig
efla menn hlutverk Alþingis á kostnað fram-
Viðtal
Kolbrún Bergþórsdóttir
kolbrun@mbl.is
Frjáls
í haganum
Guðni Ágústsson saknar ekki stjórnmálanna enda veit
hann að það er líf eftir pólitík. Hann segir Ísland eiga þús-
und tækifæri en alls ekki megi fórna gulleplunum. Guðni
ræðir um Ísland nútímans, mikilvæg gildi og gamlar hetjur
sem eiga margt sameiginlegt með nútímamönnum.
Guðni Ágústsson Við þurf-
um að endurskipuleggja
okkur og hugsa öðruvísi.
Lítið er sætt og smátt er
fagurt.