Morgunblaðið - 05.01.2010, Blaðsíða 28

28 MenningFÓLK
MORGUNBLAÐIÐ ÞRIÐJUDAGUR 5. JANÚAR 2010
 Það er merkilegt hvar íslensk
tónlist dúkkar stundum upp.
Franska myndin Le Fils de l’épicier
eða sonur smákaupmannsins er lítil
og margverðlaunuð neðanjarðar-
mynd sem vakti mikið umtal á síð-
asta ári. Hún stendur nú í 90% á
vefnum Rottentomatoes og stærstu
miðlar Bandaríkjanna halda vart
yfir henni vatni. Sem væri sosum
ekki í frásögur færandi ef það væri
ekki fyrir aðkomu íslensku sveit-
arinnar Tenderfoot að myndinni.
Lag þessarar ágætu sveitar, sem
hét reyndar Without Gravity þegar
hún var að koma sér á framfæri á
erlendri grundu, hljómar í loka-
atriði myndarinnar. Nefnist það
„Waterfall“ og er af breiðskífu
sveitarinnar sem út kom árið 2004.
Hljómsveitin hætti árið 2005 en reis
upp við dogg fyrir stuttu síðan og
hefur verið að halda hljómleika við
og við. Að þessu öllu sögðu væri af-
farasælast fyrir hana að halda því
áfram um sinn …
Tenderfoot með lag í
lofaðri franskri mynd
Fólk
Eftir Arnar Eggert Thoroddsen
arnart@mbl.is
SÍÐASTA tónlistarár var á margan hátt ár hljóm-
sveitarinnar Hjaltalín en meðfram því að breiða út
fagnaðarerindið á erlendri grundu með reglu-
bundnum túrum vann sveitin ötullega að annarri
breiðskífu sinni, Terminal. Platan fékk lofsam-
lega dóma og var víðast hvar valin plata árs-
ins, en auk þess seldist hún vel, og það á for-
sendum frábærrar tónlistar fremur en
markaðsplotts. Hjaltalín var að sönnu spútnik-
sveit síðasta árs og vel að þeim titli komin.
„Nei, nei, ég er bara hérna úti í Hafnarfirði að
hanga,“ segir Högni Egilsson, söngspíra, gítar-
leikari og lagasmiður sveitarinnar þegar blaða-
maður innir frétta. „Þannig að ég tek þessu símtali fagn-
andi!“
Högni segir nú mikla törn að baki og að nánast hver
dagur hafi verið fullbókaður í hin ólíkustu verkefni á síð-
asta ári.
„Fílingurinn í bandinu er góður og við horfum
bjartsýn til þessa árs. Það var gaman hvað platan
seldist vel og þó að góð sala sé ekki markmið í sjálfu
sér er óneitanlega skemmtilegt að svona margir
kunni að meta þetta. Hvað starfsemi á þessu ári
varðar er ekki búið að fastnegla neitt sérstakt
ennþá. Það er búið að plana stök gigg hér og
hvar en ekkert risastórt. Svo stendur nú til að
kynna plötuna eitthvað frekar á erlendri
grundu en hvernig það verður hanterað ná-
kvæmlega veit ég ekkert um á þessari stundu.“
Ótrúlegt ár að baki
 Það er gaman að geta sagt frá
því að Ragnheiður Gröndal hyggst
halda útgáfutónleika vegna hinnar
bráðvel heppnuðu Tregagásar
þann 21. janúar næstkomandi í Frí-
kirkjunni í Reykjavík. Til stóð að
kynna hana fyrir jól en þeir tón-
leikar féllu niður vegna veikinda.
Efnisskrá tónleikanna saman-
stendur af íslenskum þjóðlögum af
tveimur plötum Ragnheiðar,
Tregagás og Þjóðlögum sem kom
út 2006. Húsið opnar kl. 20 og tón-
leikarnir hefjast kl. 21. Miðaverð er
2500 krónur og hefst miðasalan á
www.midi.is á morgun kl. 10.
Ragnheiður Gröndal
heldur útgáfutónleika
 Í iðrum netsins þrífst margt
furðulegt og fyrir tilstuðlan stór-
eflis samskiptavefja eins og Fa-
cebook, Twitter og fleiri mætti
stundum halda að meirihluti mann-
skyns væri með illa hertar skrúfur.
Á dögunum var sagt frá því á þess-
ari síðu að til væru samtök sem
stefndu að því að járnbrautarvæða
landið. Héldu þau úti síðu á Fésbók-
inni en nú er þetta að verða keppni,
eins og sjá má á opinberu vefsíð-
unni www.icelandtrain.com. Á Fés-
bókinni segir m.a.: „Í tilefni þess að
fyrsta lestafyrirtæki Íslands hefur
verið stofnað og að framkvæmdir
milli Keflavíkur og Reykjavíkur
eiga að hefjast innan tíðar, viljum
við bjóða ykkur að taka þátt í æv-
intýrinu!“ Spennandi!?
Hvenær fáum við svo
járnbrautarlest?
Eftir Orra Pál Ormarsson
orri@mbl.is
ÞAÐ er of snemmt að segja til um
hvaða þýðingu þetta hefur fyrir okk-
ur en því er ekki að neita að stórar
dyr gætu verið að opnast. Það eru all-
ir þarna, öll útgáfufyrirtæki og blöð
sem láta sig þungarokk varða. Það
missir enginn af Wacken,“ segir Að-
albjörn Tryggvason, Addi, söngvari
og gítarleikari Sólstafa en eins og
greint var frá í Morgunblaðinu á dög-
unum mun sveitin koma fram á
stærstu þungarokkshátíð heims,
Wacken Open Air, í byrjun ágúst.
Þetta er í 21. sinn sem Wacken-
hátíðin er haldin og á síðasta ári seld-
ust allir aðgöngumiðar, sjötíu þúsund
talsins, upp hálfu ári fyrir hátíðina.
Málmþyrstir ættu því að gera ráð-
stafanir fyrr en síðar langi þá að sjá
Sólstafi troða þar upp.
Vegur Sólstafa hefur vaxið hratt í
Þýskalandi, árið 2008 lék sveitin á tvö
þúsund manna-hátíð, á fimmtán þús-
und manna-hátíð í fyrra og nú gefst
sjötíu þúsund manns tækifæri til að
berja þá félaga augum.
Sveitin fór í tónleikaferð um Evr-
ópu á síðasta ári og kynntist þar
þýskum umboðsmanni sem starfar
fyrir fyrirtækið ICS sem m.a. sér um
skipulagningu Wacken-hátíðarinnar.
„Það tókust með okkur góð kynni og
hann hefur séð um okkar mál síðan.
Á einhverju trúnaðarfylleríinu sagði
hann „ókey, þið fáið að spila á Wac-
ken“ og stóð við það. Þetta er helvíti
traustur náungi,“ upplýsir Addi.
Hátíðin verður haldin dagana 4. til
7. ágúst en ekki liggur ennþá fyrir
hvenær Sólstafir muni koma fram.
„Við erum hvorki komnir með dag-
setningu né tímasetningu. Vonandi
verðum við ekki látnir spila fyrir há-
degi,“ segir Addi sposkur.
Fyrirkomulagið á Wacken er með
svipuðu sniði og á Hróarskeldu og
leikið á nokkrum sviðum í senn. Tón-
leikagestir munu fyrir vikið dreifast
um svæðið. „Það er ekki eins og sjö-
tíu þúsund manns verði að horfa á
okkur en þeim stendur það til boða,“
segir Addi.
Nú er bara Metallica eftir
Sólstafir verða ekki í amalegum fé-
lagsskap í Wacken en meðal sveita
sem stíga á svið eru Iron Maiden,
Slayer og Mötley Crüe, auk þess sem
gamla kempan Alice Cooper mun
heiðra samkomuna með nærveru
sinni. „Það er ekki leiðinlegt að vera
nefndur í sömu andrá og þessar
kempur,“ segir Addi hlæjandi. „Auð-
vitað er maður gamall Maiden-
aðdáandi. Slayer hafa líka verið mínir
menn lengi. Ég held ég hafi verið tólf
ára þegar ég heyrði Reign in Blood
fyrst og hef haldið upp á Slayer síðan.
Ég hef farið í nokkrar pílagrímsferðir
til að sjá þá á tónleikum gegnum árin.
Eftir þetta á maður bara eftir að spila
með Metallica. Þá getur maður dáið
sáttur.“
Alice Cooper og Mötley Crüe eru
af öðrum meiði en Addi segir veru
þeirra á hátíðinni undirstrika breidd-
ina – Wacken sé engin stefna í málm-
heimum óviðkomandi. „Það er öll
flóran þarna, allt frá drepleiðinlegum
grín- og þjóðlagaþungarokksböndum
– Þjóðverjar eru vitlausir í þau – upp
í mjög gróf bönd. Við erum eins og
ABBA við hliðina á sumum þessum
böndum. Verðum fínir í kúrekastíg-
vélunum, syngjandi ástarljóð.“
Enda þótt þeir verði á svæðinu á
Addi síður von á því að hitta Bruce
Dickinson, Kerry King, Tommy Lee
og Alice Cooper á röltinu. „Stóru
böndin eru yfirleitt út af fyrir sig á
svona hátíðum og ég á ekki von á því
að við fáum okkur bjór með Slayer.
Annars getur verið varasamt að hitta
gömul átrúnaðargoð sín í eigin per-
sónu. Það getur spillt ímyndinni.“
Hlakkar til að hitta Tý
Af yngri böndum hlakkar Addi
mest til að hitta Secrets of the Moon,
fransk-þýska sveit, sem Sólstafir
túruðu með í fyrra. „Það verður líka
gaman að hitta Tý. Við höfum átt í
netsamskiptum við þá en aldrei hitt
þá augliti til auglitis.“
Sólstafir eiga fimmtán ára starfs-
afmæli á þessu ári og Addi segir ekki
lakara að halda upp á það með þess-
um hætti. „Þetta hefur verið hæg en
örugg ganga upp á yfirborðið. Það
tekur tíma að byggja upp tengslanet í
þessum bransa, við byrjuðum ekkert
að koma okkur á framfæri í gær. Við
höfum verið að sá fræjum hér og þar
gegnum árin og núna erum við að
uppskera.“
Tvær síðustu plötur Sólstafa Mast-
erpiece of Bitterness (2005) og Köld
(2009) komu út undir merkjum
finnsku útgáfunnar Spinefarm Rec-
ords. Sá samningur er nú laus og
Addi segir sveitina ætla að bíða fram
yfir hátíðirnar í sumar með að binda
sig nýju útgáfufyrirtæki. „Við erum í
viðræðum við fyrirtæki en liggur
ekkert á að skrifa undir. Það borgar
sig ekki að negla neitt niður fyrr en
við vitum hvað gerist í kjölfar Wack-
en og Summer Breeze. Því ekki að
láta menn berjast um bitann.“
Sólstafir Aðalbjörn Tryggvason, Svavar Austmann, Guðmundur Óli Pálmason og Sæþór Maríus Sæþórsson fagna fimmtán ára starfsafmæli á þessu ári.
Við erum eins og ABBA við
hliðina á sumum þessum böndum
Þungarokkssveitin Sólstafir kemur fram ásamt Iron Maiden, Slayer, Mötley
Crüe og fleirum á Wacken Open Air-hátíðinni í Þýskalandi í ágúst næstkomandi
Það eru fleiri tónleikahátíðir á
dagskránni hjá Sólstöfum á árinu
en 19. til 21. ágúst er sveitin bókuð
á Summer Breeze Open Air í Din-
kelsbühl í Þýskalandi. Þangað
leggja um fjörutíu þúsund manns
leið sína. „Síðan erum við nýbúnir
að skrifa undir við þriðju evrópsku
hátíðina en ég má ekki nafngreina
hana að svo stöddu,“ segir Addi.
Hann segir ekki verra að vera
kominn á kortið í Þýskalandi,
Mekka þungarokksins. „Þjóðverjar
eru líka vitlausir í allt íslenskt, t.d.
elska allir þungarokkarar sem við
hittum í Þýskalandi Sigur Rós. Það
er magnað hvað þeir eru að ná
blackmetal-hausunum. Hver fílar
annars ekki Sigur Rós? Það er eins
og að drekka ekki vatn.“
Koma einnig fram á Summer Breeze
Svalir Sólstafir á tónleikum.
Ötull Högni Egilsson
og félagar voru iðnir
á síðasta ári.
Morgunblaðið/Kristinn Ingvarsson.