Monitor - 18.11.2010, Qupperneq 12

12 Monitor FIMMTUDAGUR 18. NÓVEMBER 2010
Hvenær byrjuðuð þið að semja tónlist?
L Ég man að það eru til einhverjar upptökur af mér að
spila frumsamið efni.
U Já, einmitt. Við vorum nýlega að horfa á mjög fyndið
myndband af Loga þar sem hann er 9 ára að spila
eitthvað frumsamið lag sem hét Lególagið.
L Þetta var fáránlega lélegt gítarstef.
U Svo byrjuðum við að semja fyrir alvöru þegar við
fengum tölvu inn á heimilið með forritinu Garage Band.
Þá settum við fullt af lögum inn á rokk.is. Ég setti allt
sem ég gerði þarna inn, meira að segja einhver einnar
mínútu lög sem voru tekin upp á Sound Recorder.
Hafið þið lært eitthvað á hljóðfæri?
L Ég lærði á klassískan gítar í eina önn og mér fannst
það frekar leiðinlegt svo ég hætti.
U Við vorum eiginlega reknir úr tónmenntaskólanum
því við æfðum okkur aldrei heima og svoleiðis.
L Þegar ég var ellefu ára vorum við í annarri hljómsveit
og ég átti bara að sjá um einhverja effekta. Ég kunni
nefnilega ekki á neitt hljóðfæri.
U Bassaleikarinn komst ekki á eina æfingu og þá var
Logi settur á bassann. Ég tók gítarinn sem Logi hætti að
æfa á og æfði mig eftir einhverri hljómabók. Hljóðfærið
sem við erum bestir á eru eiginlega bara tölvur og okkar
áhugasvið er aðallega raftónlist.
Eruð þið fæddir á Íslandi?
L Við erum fæddir í Portúgal en við fluttum hingað
þegar ég var þriggja ára og Unnsteinn fimm ára.
U Pabbi er íslenskur og mamma er frá Angóla, en þau
kynntust í Portúgal.
Talið þið portúgölsku?
U Já, en samt bara portúgölsku sem maður myndi tala
við mömmu sína.
L Við erum með mjög takmarkaðan orðaforða.
U Þegar við hittum til dæmis portúgalska unglinga
skiljum við lítið og erum alls ekki svalir því við tölum
eins og eldgamalt fólk.
Hafið þið einhvern tímann orðið fyrir aðkasti á Íslandi
fyrir að vera ekki ættaðir héðan?
L Ég lenti einmitt í fáránlegu atviki í gær þegar ég var
að bíða eftir strætó með vinkonu minni sem er ættuð
frá Haítí. Það stoppaði bíll fyrir
framan okkur og öskraði: Hei, negrar!
Svo var ég einu sinni skallaður af
litlum gutta.
U Við lendum ekkert í miklu veseni
en mér finnst fólk samt oft tala
asnalega um útlendinga á Íslandi.
L Kynþáttafordómar eru held ég
minna vandamál en trúarfordómar
hér á landi. Eins og ofsahræðsla fólks
við múslima.
Hafið þið komið til Afríku?
U Nei, við eigum það eftir. Mig
langar mjög mikið að fara en Logi er
ekki alveg jafn spenntur.
L Ég þekki engan þarna úti.
U Það skiptir ekki máli. Þú ferð
þarna út og hittir fjölskyldu sem þú
hefur aldrei séð áður. Þess vegna
myndi ég fara.
Rífist þið mikið?
U Já, en við höfum skánað.
L Unnsteinn er fluttur í stúdíóíbúð
við hliðina á okkur mömmu svo þetta
er betra núna.
U Einu sinni var lögreglan kölluð til
því Logi ætlaði að drepa mig með
hníf.
L Ég var að koma úr flugi frá New
York og var mjög þreyttur og svangur.
U Logi bað mig um að lána sér
pening og ég fór eitthvað að stríða
honum og neitaði að lána honum. Svo
byrjaði ég að elda geðveikt flottan mat
fyrir framan hann.
L Ég bað um að fá að borða og hann neitaði því líka
og þá fórum við að slást. Maður sem átti leið hjá húsinu
sá þetta inn um gluggann og hringdi á lögregluna.
U Við slógumst eitthvað áfram og hentum hvor öðrum
um stofuna en svo hættum við og ég fór inn í herbergi,
lagðist í rúmið mitt, hringdi í pabba og sagði: Hann Logi
er að missa vitið. Það eru svalir í herberginu mínu og
allt í einu labbar lögregluþjónn þar inn og segir mér að
leggja frá mér símann. Svo förum við inn í stofu og þar
er Logi hágrátandi í örmum annars lögregluþjóns.
L Ég var svona 14 ára.
U Við sögðum mömmu ekki frá þessu og svo fékk hún
bréf frá barnaverndarnefnd nokkrum dögum seinna.
Hvernig tengdust þið veitinga- og skemmtistaðnum
Karamba sem var lokað í sumar?
U Árni úr FM Belfast bauðst til að reka staðinn á sínum
tíma og við vorum flest ráðin í vinnu þarna. Ég varð
húsplötusnúðurinn og þetta var rosalega gaman.
L Nafnið Kimbabwe kom einmitt út frá lokun staðar-
ins. Dóri DNA hringdi í mig rétt eftir það og var eitthvað
að spyrja mig út í þetta allt saman og ég var virkilega
svekktur. Hann spurði mig hvað ég myndi gera ef ég
fengi 200 milljónir til að eyða og ég sagðist vilja flytja frá
Íslandi og stofna fríríkið Kimbabwe.
Er líf eftir Karamba?
U Nei, við hittumst miklu minna og
enginn góður staður til að vera á. Lífið er
orðið grátt og fólk byrjað í lögfræði.
L Við vorum ótrúlega fúl yfir þessu öllu
saman og vildum bara flýja land.
Hvað eruð þið að gera fyrir utan tónlist-
ina?
U Ég er að dj-ast út um allan bæ og spila
með FM Belfast.
L Ég er í MH og var að fá staðfest að ég
fengi að halda áfram námi þar.
U Logi er í basli með mætinguna út af
plötunni sem við tókum upp í haust.
L Núna er ég búinn að missa mjög lítið úr
en rétt svo fæ leyfi til að fara til Kanada í
næstu viku.
Hvernig byrjaði Retro Stefson ævintýrið?
U Bóas, söngvarinn í Reykjavík! og Árni úr
FM Belfast báðu okkur um að taka þátt í
Söngvakeppni Samfés fyrir hönd Austur-
bæjarskóla. Við fengum frítt á ballið í
staðinn og því kallaði ég til bara alla bestu
vini mína og Loga svo mamma þyrfti ekki
að punga út pening fyrir miðanum hans.
L Við vorum alveg tíu eða ellefu í hljómsveitinni.
U Við skíttöpuðum keppninni en vorum svo beðin um
að spila á Samfés ballinu svo við þurftum að semja fleiri
lög. Þetta var mjög fyndið tímabil því ég var til dæmis
með mjög langa dredda, svaka flottur. Svo var okkur
boðið að spila á Airwaves og Þórður gítarleikari hætti á
trommunum því hann var svo lélegur og færði sig yfir á
gítarinn. Gylfi kom á trommurnar og þá vorum við orðin
nokkuð flott með hærri standard.
Þið bræðurnir voruð 14 og 16 ára þegar þið spiluðuð
fyrst á Airwaves. Er það ekki bannað?
U Með lögum máttum við vera með foreldrum okkar
inni á stöðunum en þetta var mjög mikið vesen. Við
löbbuðum alltaf í röð, ég komst bara einn inn en enginn
með mér því allir hinir þurftu að rífast í dyravörðunum
til að komast inn.
L Mér fannst þetta mjög skemmtilegt þó ég væri svona
ungur.
U Logi vissi ekkert hvað var í gangi. Hann bara mætti,
spilaði og fór heim án þess að fara á einhverja aðra
tónleika.
L Ég var alltof lítill til að vera þarna. Það er til mjög
fyndið myndband af okkur frá fyrstu
Airwaves hátíðinni okkar á YouTube þar
sem við erum öll geðveikt lítil og mjóróma.
Texti: Sigyn Jónsdóttir sigyn@monitor.is
Myndir: Kristinn Ingvarsson kristinn@mbl.is
Logi ætlaði
Bræðurna Unnstein Manúel og Loga Pedro Stefánssyni þekkja flestir úr hljómsveitinni
Retro Stefson. Þeir fræddu Monitor um frægðina, fordóma og allt mögulegt þar á milli.
Það stoppaði
bíll fyrir framan
okkur og öskraði:
Hei, negrar!
HVOR YKKAR...
...er betri hljóðfæraleikari?
U Logi.
L Ég.
...er myndarlegri?
U Logi.
L Unnsteinn.
...er betri í fótbolta?
U Logi.
L Ég.
...er smekklegri?
U Ég.
L Unnsteinn.
...er þrjóskari?
U Ég.
L Unnsteinn.
...er betri kokkur?
U Ég.
L Unnsteinn.
...er líklegri til að taka
þátt í Júróvisjón?
U Ég.
L Unnsteinn.
...er oftar seinn á
hljómsveitaræfingar?
U Logi.
L Ég.
...er klikkaðri?
U Logi.
L Unnsteinn.
að drepa mig
með hníf
RETRO STEFSON
Stofnuð: 2006.
Meðlimir: Gylfi Sigurðsson, Haraldur Ari Stefánsson, Jón Ingvi
Seljeseth, Logi Pedro Stefánsson, Unnsteinn Manúel Stefáns-
son, Þorbjörg Roach Gunnarsdóttir og Þórður Jörundsson.
Meðalaldur: 19,6 ár.
Plötur: Montana (2008) og Kimbabwe (2010).
Þrjú góð lög: Montana, Velvakandasveinn og Kimba.
Heimasíða: www.facebook.com/retrostefson