SunnudagsMogginn - 03.07.2011, Qupperneq 37

3. júlí 2011 37
„Vettel hefur afrekað ýmislegt sem skráð
verður í sögubækur. Hann er mjög afger-
andi ökumaður,“ segir Rúnar Jónsson, fyrr-
verandi rallökumaður og nú fastagestur í
formúlu 1 þætti á Stöð 2 Sport.
Rúnar tekur svo til orða að Vettel sé
„mjög þýskur; vel alinn upp á brautinni, og
gríðarlega grimmur í keppni. Honum virðist
gefið meira en öðrum á þessu sviði. Stund-
um kemur fram íþróttamaður sem skarar
fram úr og Vettel er einn þeirra,“ sagði Rún-
ar við Sunnudagsmoggann.
Ferill Þjóðverjans hófst á kart-bílum eins
og nefnt er í hinni greininni. Þaðan lá leiðin
í „litla“ kappakstursbíla og hann ók mikið
formúlu 3 áður en tækifæri gafst í formúlu
1. Fyrst var hann þriðji ökumaður BMW
Sauber 2006 en fór til Toro Rosso, systurl-
iðs Red Bull, árið eftir og var orðinn annar
tveggja keppnismanna liðsins 2008. Þá
varð hann fyrstur til að koma liðinu á pólinn
og yngstur allra ökuþóra til að ná því að
vera fremstur á ráslínu; náði bestum ár-
angri í tímatökum á Monza á Ítalíu 2008.
Þjóðverjar hrífast af Sebastian Vettel,
ökumanninum og manninum, en þeir eru
ekki einir um það. „Jafnvel bresku blaða-
mennirnir dýrka Vettel og dá! Til að þeim
líki við Þjóðverja þarf töluvert til!“ sagði
Stefan Bomhard hjá þýska íþróttaritinu
Kicker við Sunnudagsmoggann.
Vettel er líka hátt skrifaður í því mikla
formúlulandi, Frakklandi. „Það fer ekki
milli mála að hann á upp á pallborðið hjá
frönskum blaða- og fréttamönnum. Þeir þrír
sem eru í sjónvarpsútsendingum frá formúl-
unni hér lofa snilld hans og eru ósparir á
lýsingarorðin er þeir hæla hæfileikum hans.
Bæði akstursfærni og tæknilegri færni.
Þetta sama endurspeglast í blöðum. Þeir
kunna vel að meta hispursleysi hans og
fölskvalausa og skríkjandi gleði hans í
hvert sinn sem hann sigrar; náttúrubarnið
eins og maður heyrir stundum sagt um
hann í lýsingum eða á prenti,“ segir Ágúst
Ásgeirsson blaðamaður og formúlu 1
áhugamaður sem búsettur er í Frakklandi.
Ágúst segir margt tínt til þegar fjallað er
um yfirburði sem Vettel hefur haft gegn
sókndjörfum liðsfélaga sínum, Mark Web-
ber. Þrátt fyrir mun minni reynslu í formúl-
unni er Vettel hrósað sérstaklega fyrir að
hafa verið mun fljótari að tileinka sér kosti
og yfirstíga galla Pirellidekkjanna, sem
tekin voru í notkun í ár. Þá er sagt að hann
liggi yfir tæknigögnum löngum stundum
eftir æfingar og keppni og vilji komast til
botns í því hvers vegna einhverjir þættir
virkuðu svona en ekki hinsegin, og þar
fram eftir götunum.“
Þetta er nákvæmlega sama saga og
Þjóðverjinn Bomhard sagði. „Stundum er
Alain gamli Prost nefndur sem hliðstæða
við Vettel en hann kafaði ofan í smáatriðin í
hegðan og virkni keppnisbíla og var kall-
aður prófessorinn fyrir vikið,“ segir Ágúst
Ásgeirsson og vísar þar til gamalkunns
fransks meistara sem margir muna eftir.
„Jafnvel bresku blaðamennirnir dýrka Vettel og dá!“
Sebastian Vettel kemur vel fyrir og gefur sér ætíð tíma til að sinna aðdáendum sínum.
Reuters
gæti starfað sem söngvari en Vettel hefur
einfaldan smekk; hann vill aðeins það
besta. „Sebastian er haldinn fullkomn-
unaráráttu varðandi allt sem snýr að
starfinu,“ sagði Stefan Bomhard, gam-
alreyndur blaðamaður á þýska íþrótta-
blaðinu Kicker, í samtali við Sunnudags-
moggann í vikunni. Lagði engu að síður
áherslu á að þetta með fullkomnunar-
áráttuna nefndi hann í jákvæðum tón.
Enda á blaðamaðurinn varla nógu sterk
orð til að lýsa aðdáun sinni á kempunni
ungu.
Getur ekki ímyndað þér …
„Ég get sagt þér í fullri einlægni að Vettel
er sá viðkunnanlegasti sem nokkurn
tíma hefur tekið þátt í formúlu 1. Þú get-
ur ekki ímyndað þér hversu elskulegur
náungi hann er,“ sagði Bomhard sem
fylgst hefur með og skrifað um kapp-
akstur fyrir þetta þekktasta íþróttablað
Þýskalands árum saman. „Ég held þessu
ekki eingöngu fram vegna þess að hann
er Þjóðverji!“ bætti Bomhard svo við
hlæjandi. „Hann er sannarlega yndis-
legur drengur og hefur ekkert breyst
síðan ég hitti hann fyrst.“
Blaðamaðurinn segir Vettel mjög frá-
brugðinn flestum öðrum ökuþórum.
„Það verður því miður að segjast eins og
er að þeir koma margir heldur leiðinlega
fram, ekki síst við fjölmiðlamenn,“ segir
hann. „Í gegnum tíðina hafa sumir varla
svarað spurningum blaðamanna nema
með þriggja orða setningum í mesta lagi,
en það á aldeilis ekki við um Vettel;
eiginlega má segja að eini gallinn á hon-
um sé sá að hann er oft dálítið óstundvís
– einmitt vegna þess að hann talar svo
mikið og tefst vegna þess! Svör hans eru
löng, vel ígrunduð og mjög skyn-
samleg.“
Vettel er alltaf í góðu skapi, segir
blaðamaðurinn Bomhard. Hann gefur sér
tíma til að svara spurningum fjölmiðla
og til þess að ræða við aðdáendur sína og
gefa eiginhandaráritanir. Hann er talandi
dæmi um að þolinmæði er dyggð.
„Ég hitti Sebastian fyrst þegar hann
var 17 ára þegar hann ók fyrir BMW í
ungmennakeppni. Það ár kepptu strák-
arnir 20 sinnum og Vettel sigraði í 18
skipti. Hann var miklu betri en allir aðr-
ir. Þarna tók ég fyrsta viðtalið við hann,
og það sagði mér strax mikið um dreng-
inn að við ræddum saman í tvo klukku-
tíma. Það fannst mér ótrúlegt; aðrir
íþróttamenn hefðu örugglega verið
löngu farnir að líta á klukkuna, hvað þá
á þessum aldri.“
Skynsamur
„Það var auðheyrt strax hve skynsamur
hann er; þessi 17 ára strákur talaði um að
enginn gæti tryggt að framundan væri
glæsilegur ferill á kappakstursbrautinni.
Hann yrði því að einbeita sér að því að
ljúka námi með eins góðum árangri og
kostur væri. Vettel er mjög jarðbundinn
og foreldrar hans segja mér að þannig
hafi hann alltaf verið. Það er ekki erfitt
að trúa því þegar maður kynnist fjöl-
skyldunni,“ sagði Bomhard við Morg-
unblaðið.
Vettel er fæddur í Heppenheim í Vest-
ur-Þýskalandi. Foreldrar hans eiga þrjú
önnur börn, tvær eldri dætur og yngri
son. Faðirinn er trésmiður og fjöl-
skyldan ósköp „venjuleg“ að sögn.
Faðir Vettels rekur eigið fyrirtæki og
er með fimm manns í vinnu. Fjölskyldan
berst ekki á. „Það er aldrei talað um
milljónir, faðir Sebastians eyðir ekki
einni evru í óþarfa og hefur engan áhuga
á að tala eða lesa um sjálfan sig,“ segir
Bomhard.
Það vill ökuþórinn reyndar ekki held-
ur þótt hann sé málglaður þegar starfið
ber á góma. „Ég held að einu sinni hafi
birst mynd af kærustunni hans. Hún vill
ekki vera áberandi og Sebastian talar
aldrei opinberlega um hana,“ segir
Bomhard.
Á brautinni lætur hann svo verkin
tala.
Til í slaginn! Sebastian Vettel einbeittur undir stýri rétt áður tímataka hófst fyrir kappaksturinn í Istanbul í Tyrklandi í síðasta mánuði.
Reuters
’
Hann er sannarlega
yndislegur drengur
og hefur ekkert
breyst síðan ég hitti hann
fyrst. Jafnvel bresku blaða-
mennirnir dá hann! Til
þeim líki við Þjóðverja þarf
töluvert til!