Monitor - 22.09.2011, Blaðsíða 19
19FIMMTUDAGUR 22. SEPTEMBER 2011 Monitor
Ein skærasta fjöður í hatti
Xbox 360 vélarinnar er hin
magnaða Gears of War-
sería sem framleidd er af Epic
Games. Þriðji og jafnframt
síðasti leikur seríunnar kom
út í vikunni og það er klárt að
Epic-menn hafa dregið fram
fægiklútinn og gefa hér út
einhvern mest glansandi leik
ársins.
Söguþráðurinn hefst
tveimur árum eftir síðasta leik
og hefst þar sem Marcus, Dom
og félagar hafa komið sér fyrir
á gömlu herskipi og sigla þar
um heimsins höf í rólegheit-
um og rækta korn og eru í
góðum fíling. En sjaldan er
ein báran stök í heimi Gears
of War og áður en leikmenn
vita af eru þeir orðnir blóðugir
upp að öxlum eftir endalausa
bardaga við bæði Locust-
kvikindin og hina glóandi
fersku Lambent. Söguþráður
leiksins er sá metnaðarfyllsti
og lengsti hingað til og eru
leikmenn góða 15-20 tíma að
vaða í gegnum hann. Ég mæli með að leikmenn finni sér aðra þrjá til að
spila með í gegnum söguna, en fjögurra manna „co-op“-spilun leiksins
er líklega ein besta uppfinning mannskepnunnar. Fyrir utan söguþráð-
inn er í leiknum mjög fullkomin netspilun sem inniheldur margt af því
gamla góða í bland við helling af nýju stöffi.
Gears of War 3 er þriðju persónu hasarleikur, líkt og hinir leikir serí-
unnar. Leikmenn fara í hlutverk hermanna sem hafa líkamsbyggingu
ísskápa og eru harðari en grjót ... miklu harðari. Leikurinn inniheldur
hátt í 20 mismunandi vopn og virka þau misvel á hinar ýmsu tegundir
óvina. Þetta gerir það að verkum að leikmenn þurfa að keyra á milli
vopna sem er mjög gott og ýtir undir fjölbreytileika. Helsta kennileiti
Gears-leikjanna er einnig á sínum stað en það er hið margrómaða
„cover“-kerfi, en spilun leiksins útheimtir massífa
notkun á því og virkar það betur en nokkru sinni fyrr.
Grafík leiksins er mjög góð, enda búið að bóna dýrið til
fullnustu. Sama má segja um tónlist og talsetningu, en
flestar persónur leiksins gætu verið rifnar út úr 80‘s
hasarmynd.
Gears of War 3 er kannski ekki frumlegasti leikur
í veröldinni, en þegar Gears er annarsvegar, þá
er enginn að kalla eftir frumleika, heldur bara
endalausum hasar sem kallar fram testósterón og
bunka af bringuhárum.
Ólafur Þór Jóelsson
Vopnaðir ísskápar
TÖ LV U L E I K U R
Það er deginum ljósara að sú þjóð sem ræðurlögum og lofum í skemmtanaiðnaðinum erBandaríkjamenn. Þetta hamborgarastórveldi
gefur tóninn og skapar viðmiðin um hvað sé
fyndið, skemmtilegt og spennandi hjá meðaljónum
vesturheims þegar kemur að kvikmyndum, tónlist
og sjónvarpsefni, svo eitthvað sé nefnt. Ég á ekki
við að það sé slæmt, en Amerík-
aninn er einfaldlega stærstur,
frekastur og feitastur.
Talandi um holda-far, þá hef ég lengivelt vöngum yfir
einu áberandi mynstri í
amerísku sjónvarpsefni
sem virðist hafa orðið að
einhvers konar formúlu.
Það er atriði sem einkennir
fjöldann allan af svokölluðum
„sit com“-þáttaröðum vestanhafs.
Um er að ræða þætti eins og King of Queens,
Grounded For Life, According to Jim, Still Standing
og jafnvel teiknimyndaþættina Simpsons og Family
Guy, sem allir hafa verið sýndir hérlendis, og svona
mætti áfram halda. Ef til vill hafa lesendur nú þegar
áttað sig á hver samnefnari þessara þátta er. Allir
þessir þættir innihalda nefnilega aðalpersónu sem
er feitur, latur og oftast barnalegur húsfaðir sem á
granna og skarpa þokkadís sem eiginkonu.
Ég legg það ekki í vana minn aðsetja út á útlit fólks eða ráðastá innri manns einhvers, en þar
sem þetta eru jú skáldaðar persónur
gerir maður ef til vill á því undantekn-
ingu. Karlpersónurnar úr þáttunum
sem ég nefndi að ofan eru holdgerv-
ingar amerískrar leti. Það þekkja allir
hversu latur og vitlaus Homer Simpson
er og þeir sem þekkja til King of
Queens vita að Doug hagar sér eins
og risavaxið smábarn. Ég veit að
það er hrikalega fordómafullt og
grunnhyggið að furða sig á því að
hjón séu ekki „jafnaðlaðandi“
og ég er meðvitaður um að
fegurð sé afstæð en ef maður
lítur framhjá því stendur þetta undarlega mynstur
eftir, óframbærilegur karl með frambærilegri konu.
Það er nefnilega ekki nóg með það að eiginkonur
karlanna séu margfalt meira aðlaðandi en þeir
sjálfir, heldur eru þær oftast líka miklum mun gáf-
aðri og skynsamari og þurfa sífellt að hafa vit fyrir
mönnunum sínum. Þær eru með öðrum orðum líka
fallegri að innan.
Hvaða skilaboð eru fram-leiðendur og handrits-höfundar þessara
þátta að senda út til
áhorfenda? Ætli þetta eigi
að endurspegla ameríska
drauminn, að hver sem
er geti afrekað eitthvað ef
hann leggur nógu hart að
sér? Það er að segja, að sama
hversu óaðlaðandi og vitlaus
maður er, þá geti maður eignast
góðan maka ef maður bara vinnur
nógu hörðum höndum að því. Eins og komið hefur
fram eru þessar persónur einmitt oftast frekar
latar, svo það verður að teljast ólíklegt. Hafa þessar
ágætu konur gifst mönnunum til fjár? Varla, þar
sem mennirnir eru sjaldnast í hálaunastörfum.
Homer er verkamaður í kjarnorkuveri og fyrrnefnd-
ur Doug ber út póstinn.
Út frá þessu öllu hlýtur maður aðdraga ályktanir. Annaðhvort er þettaleið framleiðenda þáttanna til að
varpa ljósi á einhvers konar skort á góðum
karlpeningi í Bandaríkjunum, eða þá hand-
ritshöfundarnir sjálfir eru feitir og vitlausir
karlmenn sem eru einfaldlega að skemmta
sér við að skrifa um draumaheim sinn,
þar sem gáfaðar fegurðardrottningar giftast
ófríðum letingjum. Það er ekki það að þetta
angri mig, skemmtiefni í sjónvarpi segir
sjaldnast alveg satt og fallegar
konur mega alveg giftast illa
mín vegna. Mér finnst aðallega
bara fyndið að pæla hvers
vegna þessi parasamsetning
endurtekur sig svona trekk í
trekk eins og þetta sé skot-
heldasta leiðin til að búa til
vinsælan þátt. Nóg um það, ég
er farinn að bæta á mig.
Einar Lövdahl Gunnlaugsson
einar@monitor.is
ORÐ Í BELG
Feitir menn
og glæsikonur
Tegund: Skotleikur
PEGI merking: 18+
Útgefandi: Epic Games
Dómar: Gamespot 9,5 af 10 /
IGN 9 af 10 / Eurogamer 8 af 10
Gears of War 3
Faxafeni 5, Reykjavik
Heilsudýnan
sem styður svo
vel við þig að
þér finnst þú
svífa
Tempur-
dagar
í september
Allar TEMPUR®
heilsudýnur og -koddar
á 20% afslætti
D Ý N U R O G K O D D A R