Morgunblaðið - 03.04.2010, Blaðsíða 12

12 FréttirINNLENT
MORGUNBLAÐIÐ LAUGARDAGUR 3. APRÍL 2010
Eftir Ágúst Inga Jónsson
aij@mbl.is
NÁVÍGI kylfinga við perluna Korpu
eykst enn með stækkun Korpúlfs-
staðavallar. Framkvæmdir við
stækkun golfvall-
arins upp í 27 hol-
ur hófust á síð-
asta ári og er
ráðgert að níu
nýjar holur verði
teknar í notkun
árið 2012. Völl-
urinn verður
væntanlega fyrsti
27 holu völlurinn
hérlendis og kem-
ur stækkunin til móts við síaukna eft-
irspurn eftir aðstöðu til að leika golf.
Úlfarsá eða Korpa er á nátt-
úruminjaskrá frá upptökum í Hafra-
vatni til ósa og er tekið tillit til nátt-
úrufars og lífríkis árinnar við
skipulag vallarins. Brautir eru lagað-
ar að núverandi landi á teikningum
Hannesar Þorsteinssonar og virðing
sýnd því lífríki sem fyrir er á svæð-
inu.
Garðar Eyland er framkvæmda-
stjóri Golfklúbbs Reykjavíkur og
hann var formaður klúbbsins þegar
samið var við Reykjavíkurborg um
uppbyggingu golfvallarins á Korp-
úlfsstöðum árið 1993. Samningar við
borgina um afnot af því landi og á
svæðinu í Grafarholti hafa nýlega
verið endurnýjaðir til næstu fimmtíu
ára.
Mikið verkefni
Bygging átján holu golfvallar er
mikið verkefni og kostnaðarsamt.
Ekki er fjarri lagi að áætla að slík
bygging kosti hátt í hálfan milljarð
króna og eru landið sjálft, klúbbhús
og tæki þá ekki talin með Nýlega
samdi GR við Reykjavíkurborg um
að borgin legði fram 230 milljónir
króna til ársins 2013 í stækkun Korp-
úlfsstaðavallar um fyrrnefndar níu
holur.
„Til upprifjunar er rétt að fram
komi að í apríl árið 2006 skuldbatt
Reykjavíkurborg sig með samningi
undirrituðum af Steinunni Valdísi
Óskarsdóttur, þáverandi borg-
arstjóra, til að stækka golfvöllinn á
Korpúlfsstöðum í samráði við Golf-
klúbb Reykjavíkur,“ segir Garðar.
„Drög að nýjum samningi voru síð-
an samþykkt í borgarráði í síðasta
mánuði og kveður samningurinn á
um að setja umræddar greiðslur á
fjögur ár. Í ár verða greiddar 30
milljónir og auk þess fær klúbburinn
endurgreiddar 20 milljónir vegna
endurbóta á Korpúlfsstaðahúsi og lóð
þess, sem klúbburinn lagði í árið
2007. Samtals verða því greiddar 50
milljónir árið 2010 og síðan 60 millj-
ónir árlega næstu þrjú árin.“
Garðar vill ekki gera mikið úr
gagnrýni sem fram hefur komið á
þessa ákvörðun borgaryfirvalda í
ljósi efnahagsástandsins. Hann segir
að klúbbfélagar hafi verið þol-
inmóðir, en nú verði bætt úr brýnni
þörf. „Það er mikið gleðiefni fyrir fé-
laga í GR að samningurinn skuli vera
kominn á fjárhagsáætlun borg-
arinnar svo hægt er að hefja fram-
kvæmdir. Mér finnst full ástæða til
að þakka borgarfulltrúum úr öllum
flokkum, sem alla tíð hafa stutt vel
við íþróttafélög í borginni.“
Fjölsótt útivistarsvæði
Framkvæmdirnar við Korpúlfs-
staði eru atvinnuskapandi og í vik-
unni skrifaði Garðar bréf til Vinnu-
málastofnunar um að ráða m.a. fólk
af atvinnuleysisskrá. Vélavinna hefur
verið í gangi í vetur, verið er að sér-
rækta tíu þúsund fermetra af torfi
austur í sveitum sem fer á nýju flat-
irnar, mörg handtök fara í grjót-
hreinsun og mörg önnur verkefni
fylgja vallargerðinni í sumar.
Um þrjú þúsund manns eru nú fé-
lagar í Golfklúbbi Reykjavíkur og
eru vellir félagsins þéttskipaðir yfir
sumartímann. Um 30 þúsund heim-
sóknir voru á völlinn í Grafarholti í
fyrra, um 10 þúsund komu á Graf-
arkotsvöll, sem er lítill völlur í Graf-
arholti, um 31.500 á Korpúlfs-
staðavöll og um átta þúsund manns
léku golf í fyrra á litla vellinum á
Korpúlfsstöðum. Að auki voru 23
þúsund heimsóknir skráðar á Garða-
völl á Akranesi, en GR rekur völlinn
samkvæmt sérstökum samningi sem
gerður var til að stytta biðlista eftir
inngöngu í GR.
Auk þessa eru æfingar undir
stjórn golfkennara stærstan hluta
ársins, námskeið fyrir börn og ung-
linga yfir sumartímann, púttmót eru
á hlöðuloftinu á Korpúlfsstöðum yfir
vetrartímann, aldraðir pútta ýmist
inni eða úti allan ársins hring og alls
voru um 130 þúsund heimsóknir í
Bása, æfingaaðstöðu í Grafarholti.
„Það lætur nærri að heimsóknir
hafi verið hátt í 300 þúsund á síðasta
ári,“ segir Garðar. „Færa má rök fyr-
ir því að sú aðstaða sem sköpuð hefur
verið hjá Golfklúbbi Reykjavíkur sé
eitt af fjölsóttustu útivistarsvæðum
Reykjavíkurborgar. Til viðmiðunar
má nefna að fjöldi erlendra ferða-
manna sem kom til íslands í fyrra var
um hálf milljón og heimsóknir á Gull-
foss og Geysi voru um 300 þúsund.“
Stækkun svarar eftirspurn
 Korpúlfsstaðavöllur verður væntanlega fyrsti 27 holu golfvöllurinn  Tillit tekið til náttúrufars og
lífríkis Korpu við skipulag vallarins  Vinna við framkvæmdirnar á golfvellinum skapar atvinnu
Ko
rp
ut
or
g
Egilshöll
Korpúlfsstaðavöllur - deiliskipulag
BYGGÐ
Ko
rpú
lfs
-
sta
ðir
BYGGÐ
ÞJ
ÓÐ
VE
GU
R 1
Núv. göngustígar
Nýir göngustígar
Nýir reiðstígar
Byggingareitir
Fornminjar
Núv. brautir
Nýjar brautir
Flatir / teigar
Litli-völlur
Dæmi eru um það að fólk hafi hætt í golfklúbbum með versnandi efna-
hagsástandi. Garðar Eyland segir þessi dæmi þó ekki mörg. Hins vegar
hafi þeir sem stunda golf á annað borð frekar aukið ástundun sína og
heimsóknum margra hafi fjölgað með minni vinnu.
Golfið og félagslífið sem því fylgi sé fastur punktur í tilverunni hjá
mörgum sem eru án atvinnu. Þá hafi ferðalög til útlanda dregist saman
og fólk sæki frekar í afþreyingu innanlands. Þá nefnir Garðar að fólk sem
áður var í tveimur golfklúbbum láti nú einn duga, hjá GR hafi fólk til
dæmis aðgang að þremur 18 holu golfvöllum.
„Um fimmtán þúsund manns eru án atvinnu og auðvitað eru kylfingar í
þeim hópi eins og annars staðar,“ segir Garðar. „Fólk af öllum stigum
þjóðfélagsins stundar golf og það er gjörbreytt að aðeins þeir efnameiri
séu í golfi. Sem betur fer er golfiðkun talin ódýr á Íslandi og það eiga allir
að hafa tök á að stunda þessa íþrótt.“
Sumir hætta, aðrir spila meira
Garðar Eyland.
Morgunblaðið/Einar Falur
Laxveiði Korpa hefur verið gjöful á liðnum árum, en þar eru aðeins leyfðar
tvær stangir. Tekið er tillit til lífríkis og gróðurfars við framkvæmdirnar.
Stækkun Nýju holurnar eru allar ofan við Korpúlfsstaðabæinn, en neðan
við Staðahverfi eru holur meðfram sjávarsíðunni og verða þær óbreyttar.
Eftir Sigurð Boga Sævarsson
sbs@mbl.is
HESTAMENN hafa í vetur tekið
hross seinna á hús en áður auk þess
sem nýliðar eru færri. Þetta er ein
birtingarmynda efnahagslægð-
arinnar, sem kemur við hesta-
mennskuna eins og annað.
„Kostnaður við að halda hross er
talsverður en fólk virðist samt
leggja fé í þjálfun og tamningu og
þjálfun kynbótahrossa enda er það
fjárfesting sem skilar sér. Þá virðist
þeim sem eru nýir hafa fækkað.
Lauslega áætlað kostar eina milljón
króna að koma sér af stað og fólk
bíður því meðan kreppan er að
ganga yfir. Áhugi á hestamennsk-
unni er þó síst á undanhaldi,“ segir
Valgerður Sveinsdóttir sem kjörin
var formaður Hestamannafélagsins
Fáks á aðalfundi félagsins sem hald-
inn var í dymbilviku.
Valgerður er fyrst kvenna til að
gegna formennsku í Fáki en hún tók
við embættinu af Bjarna Finnssyni
sem kenndur er við Blómaval.
Fákur er fjölmennasta hesta-
mannafélag landsins en innan vé-
banda þess eru um 1.400 fé-
lagsmenn. Að baki hverjum þeirra
er oft heil fjölskylda og áætlar Val-
gerður að á bilinu fjögur til fimm
þúsund manns tengist starfi félags-
ins með einum eða öðrum hætti.
„Ég fékk snemma áhuga á hesta-
mennskunni, en eignaðist ekki minn
fyrsta hest fyrr en um tvítugt. Mér
finnst þetta skemmtilegt og stússið í
kringum hrossin tíu sem fjölskyldan
á er afar gefandi,“ segir Valgerður
sem er lyfjafræðingur og jafnframt
varaformaður Íþrótta- og tóm-
stundaráðs Reykjavíkurborgar.
Seinna tekið á hús
Í hestamennskunni í dag eins og
annars staðar þarf aðstæðna vegna
að spara. Þumalputtareglan hefur
lengi verið sú að sígarettupakki og
að leigja hesthúspláss með fóðrun
og hirðingu fyrir eitt hross sé svipuð
tala, það er í kringum þúsund krón-
ur á dag.
„Fólk hefur gjarnan verið að taka
hrossin á hús um áramót en nú í vet-
ur mánuði síðar enda var slíkt
mögulegt tíðarfarsins vegna. Þann-
ig hefur verið hægt að spara hey og
spæni sem er undirburður í hús-
unum. Um slíkt munar talsvert, því
spænirnir hafa snarhækkað í verði á
síðustu misserum. Spónabaggi sem
er um 30 kg kostar yfir 2.000 kr. á
dag og í mínu húsi förum við með
fast að því einn slíkan á dag. Þetta
telur allt saman,“ segir Valgerður.
Mikið umleikis
Mikið er umleikis í starfi Fáks um
þessar mundir. Margir eru, að sögn
Valgerðar, farnir að undirbúa sig
fyrir landsmótið sem verður á Vind-
heimamelum í Skagafirði í sumar,
sem og önnur hestamannamót sem
eru á dagskrá. Stærsta og metn-
aðarfyllsta verkefni félagsins á
næstunni er þó undirbúningur fyrir
Landsmót 2012 sem haldið verður í
Reykjavík.
„Á síðustu árum hefur áhersla í
starfi Fáks beinst talsvert að nám-
skeiðahaldi og starfi með börnum og
unglingum og ég vil sem formaður
halda áfram á þeirri braut. Við erum
reglulega með reiðnámskeið og hafa
knapamerkjanámskeiðin verið vin-
sæl jafnt hjá börnum sem full-
orðnum. Auk þess erum við að hefja
samstarf við Norðlingaskóla, sem er
í næsta nágrenni við okkur í Víði-
dalnum, þar sem hestamennska
verður fléttuð saman við skóla-
starfið og kennslu í efstu bekkj-
unum. Með því komum við til móts
við krakka sem ekki eiga hesta en
langar til að kynnast hestamennsk-
unni.“
Kreppan kemur
við hestamennskuna
Morgunblaðið/Ernir
Fákskonan Valgerður Sveinsdóttir segir fræðslustarf og námskeiðahald
mikilvægt og að gefa ungu fólki tækifæri til að kynnast hestamennskunni.