Morgunblaðið - 14.05.2010, Side 32

Matthías Árni Ingimarsson
matthiasarni@mbl.is
H
ljómsveitin Dikta hefur svo sannarlega náð að
skapa sér nafn sem ein fremsta rokkhljómsveit
landsins undanfarin ár. Á síðasta ári kom út
þriðja hljómplata hennar Get It Together en
fjögur ár voru þá liðin frá því að síðasta plata
sveitarinnar Hunting for Happiness kom út. Get It Together
hefur vikum saman trónað á toppi lista yfir vinsælustu plötur
landsins og eitt laganna af henni, „Thank You“ er vinsælasta lag
landsins og hefur verið stóran hluta árs, eða allt frá því platan
kom út.
Í vikunni spilaði hljómsveitin á próflokaballi Háskóla Ís-
lands ásamt Bloodgroup. Blaðamaður náði í Jón Þór Sigurðsson,
trommara Diktu, fyrir tónleikana og grennslaðist fyrir um hvað
væri framundan hjá Diktu á næstu mánuðum og hvort gífur-
legar vinsældir Get It Together hefðu komið meðlimum sveitar-
innar á óvart.
Fara utan að spila
– Hvernig líta næstu mánuðir út hjá vinsælustu hljómsveit
landsins?
„Við erum að fara í smáhopp núna í næstu viku, rúmlega
viku ferðalag til Þýskalands, og verðum að spila bæði þar og í
Lúxemborg. Ætlum að hitta fólk sem við höfum verið í samstarfi
við þar og aðra sem vinna í þessum bransa, sjá svona hvernig
landið liggur þar og fá smáblóð á tennurnar fyrir komandi ferða-
lög. Það er liðinn smátími frá því að við spiluðum erlendis síðast
og við erum orðnir spenntir að fara aftur utan að spila.“
– Er þetta þá í fyrsta skipti sem þið farið út með Get It To-
gether?
„Við erum búnir að fara nokkrar ferðir bæði um Evrópu og
Bandaríkin, en ferðin í næstu viku verður sú fyrsta með hana í
farteskinu.“
– Stefnið þið á fleiri tónleikaferðalög erlendis á árinu?
„Það er ekkert staðfest með það. En stefnan er tekin á tón-
leikaferðalag út á haustmánuðum. Fara aðeins út og þreifa fyrir
okkur. Það liggur nú samt ekkert á. Við erum ennþá að fylgja
eftir nýju plötunni hérna heima og ætlum að klára það.“
Sumarið þéttbókað
– Hvernig lítur svo sumarið hér heima út hjá ykkur?
„Það er meira og minna allt sumarið undirlagt í tónleika-
hald úti um allt land og það verður alveg brjálað að gera. Við
verðum á nokkrum stöðum 17. júní og svo verðum við að sjálf-
sögðu að spila um verslunarmannahelgina, reyndar er ekki búið
að negla það alveg niður en það skýrist fljótlega.“
– Áttuð þið von á að platan yrði svona vinsæl?
„Nei, við áttum sko ekki von á því. Þetta kom okkur alveg í
opna skjöldu og gerir það hreinlega ennþá. Þetta er búið að vera
alveg hreint frábært og við erum mjög ánægðir með viðtök-
urnar. Sérstaklega þar sem við gerðum allt sjálfir. Allar upptök-
urnar voru í okkar höndum og við sendum plötuna bara út til
Svíþjóðar í hljóðblöndun. Annars gerðum við hana alla sjálfir.
Það gerir þessar frábæru viðtökur ennþá ljúfari fyrir okkur.
– Kanntu einhverja skýringu á þessum vinsældum?
„Nei, eiginlega ekki. Veit ekki hvort platan er aðgengilegri
en þær fyrri, kannski er hún það. Svo held ég að þetta sé líka oft
bara spurning um að vera á réttum tíma á réttum stað og
kannski spilar smáheppni þar inn í.“
Eitt stórt púsluspil
– Nú eruð þið allir í vinnu eða í skóla. Er ekkert erfitt að
samræma þetta allt saman?
„Jú, það er það. Þetta er bara eitt stórt púsluspil, en við er-
um allir mjög góðir að púsla. Önnur áhugamál fá aðeins að sitja
á hakanum sem er líka bara í lagi því við höfum svo gaman af
þessu ennþá, þannig að þetta er hvorki kvöl né pína. Á meðan
við höfum gaman af þessu er ekki erfið vinna að koma öllu heim
og saman.“
– Er það kannski lykillinn að velgengninni?
„Það er stór hluti af þessu. Við erum búnir að spila saman í
næstum ellefu ár og þetta er svo mikil samvera hjá okkur að ef
við værum ekki sáttir hver við annan gengi hljómsveitin aldrei
upp.“
– Stefnið þið á að fylgja Get It Together eftir með nýrri
plötu fljótlega?
„Við erum byrjaðir að semja smávegis en ekkert farnir að
taka upp. Planið er að fylgja nýju plötunni alveg eftir áður en við
förum að einbeita okkur að þeirri næstu. En við eigum til nóg af
efni á nýja plötu.“
Vinsældirnar koma á óvart
 Hljómsveitin Dikta hefur átt gríðarlegum vinsældum að fagna á árinu  Dikta heldur brátt utan í tón-
leikaferð og ætlar að „þreifa fyrir sér“  Miklar annir framundan enda vinsælasta hljómsveit landsins
Morgunblaðið/Brynjar Gauti
Haukur söngvari Diktu-menn eru allir í dagvinnu eða í skóla og það er því nóg að gera. Þá kemur sér vel að vera góður að púsla.
Morgunblaðið/Kristinn
Dikta Hljómsveitin sem Íslendingar virðast ekki fá nóg af. Sveitina skipa Skúli Z. Gestsson, Haukur Heiðar Hauksson, Jón Bjarni Pétursson og Jón Þór Sigurðsson.
32 Menning
MORGUNBLAÐIÐ FÖSTUDAGUR 14. MAÍ 2010
Nýjasta plata Diktu, Get It Together,
hefur verið í efstu sætum listans yfir
mest seldu plötur landsins svo vikum
skiptir og lög af henni verið afar vin-
sæl, einkum þó lagið „Thank You“.
Í gagnrýni Arnljóts Sigurðssonar um
plötuna sem birt var í Morgunblaðinu
26. nóvember í fyrra segir m.a: „Einn helsti styrkur sveit-
arinnar er metnaðarfullar útsetningar auk þéttleika
bandsins og samspils. Greinilegt er að menn hafa legið
yfir hlutunum og pælt.“ Niðurlag gagnrýninnar var svona:
„Með meiri áhættu í tilurðinni hefði þessi plata skarað
fram úr, en henni tekst ekki að virka á nógu mörgum svið-
um til að gera hana einstaka. Heildarsvipur er fínn og vel
mótaður og út kemur fín poppplata og frjó.“ Gagnrýnandi
gaf plötunni þrjár stjörnur.
„Fín poppplata og frjó“
GET IT TOGETHER