Morgunblaðið - 06.07.2010, Page 4

4 FréttirINNLENT
MORGUNBLAÐIÐ ÞRIÐJUDAGUR 6. JÚLÍ 2010
Þórður Gunnarsson
thg@mbl.is
Margeir Pétursson, stjórnarformað-
ur, stofnandi og stærsti einstaki
hluthafi MP banka, mun á aðalfundi
bankans hætta í stjórn hans. Mar-
geir og aðilar honum tengdir eiga í
dag 28,4% hlut í MP banka. Sigurður
Gísli Pálmason mun einnig hætta í
stjórninni.
Margeir segir í samtali við
Morgunblaðið að hann og Sigurður
hafi fyrir nokkru ákveðið að ganga
úr stjórn bankans: „Vegna breyttra
laga um fjármálafyrirtæki virðist
ekki æskilegt að þeir sem eru með
virkan eignarhlut yfir 10% í fjár-
málafyrirtækjum sitji sjálfir í stjórn
þeirra,“ segir hann. Hann segir lögin
gera ráð fyrir því að stjórnir fjár-
málafyrirtækja gegni eftirlitshlut-
verki: „Í ljósi undangenginna at-
burða tel ég æskilegt að meirihluti
stjórnarmanna sé óháður. Við Sig-
urður tókum því þá ákvörðun að
draga okkur í hlé.“
Margeir telur að sérstaklega í
tilfelli viðskiptabanka sé mikilvægt
að stjórnarmenn gegni eftirlitshlut-
verki sínu. Hann segir því að hann og
Sigurður Gísli hefðu sterklega íhug-
að að hætta í stjórninni, þó svo að
lagasetningin hefði ekki komið til:
„Virkir hluthafar leggja auðvitað
mesta áherslu á góðan árangur
bankans, þannig að þessi tilhögun er
rétt miðað við nýju lögin.“
Byr vildi fresta aðalfundi
Margeir og Sigurður sitja þó
enn um sinn í stjórninni því á aðal-
fundi á miðvikudaginn kom fram til-
laga frá Byr um að stjórnarkjöri
yrði frestað. Byr á ríflega 13%
hlut í MP banka. Margeir segir
að allir hluthafar hafi samþykkt
frestunina. „Byr vildi taka virk-
ari þátt í svo miklum breyting-
um á stjórninni, og það var
sjálfsagt að verða við
því. Við Sigurður sitj-
um því ennþá í
stjórninni um sinn.
En það mun breyt-
ast um mánaðamót-
in,“ segir hann.
Hættir í stjórn MP banka
 Margeir Pétursson, aðaleigandi og stofnandi MP banka,
ætlar að hætta í stjórn  Sigurður Gísli Pálmason hættir líka
Sandsílið er
loks komið í
Breiðafjörð
Hellissandi | Það létti yfir mörgum
Sandaranum í gærmorgun þegar
hann leit til lofts og fylgdist með krí-
unum sem komu af Breiðafirðinum á
leið á varpstöðvarnar á milli Hellis-
sands og Rifs. Undanfarna daga
hafði varla sést síli í goggi á nokk-
urri kríu og það leit út fyrir að eitt
sumarið enn væri sagan að endur-
taka sig með fæðuskorti fyrir
kríuungana þegar þeir færu brátt að
skríða úr eggjunum og gætu þeir því
ekki vænst margra lífdaga.
Í gærmorgun var sem sagt orðin
breyting á. Flestar kríur í kríuskar-
anum sem flýgur nú hér frá sjó yfir
byggðina eru nú með síli í goggi.
Sandsílið er komið. Það er eins og
það sé einhver kátína í þeim á flug-
inu; þær vagga sér og fara í króka og
smjúga rétt yfir þökin á húsum eins
og þær séu að gera mannfólkinu
auðveldara með að sjá hvað þær eru
með í goggi.
Brúnin lyftist á Sönd-
urum við tíðindin
Hinni árlegu fálkatalningu er nú lokið og niður-
staðan sú að fálkastofninn er ennþá í lágmarki.
Ólafur K. Nielsen, vistfræðingur hjá Náttúru-
fræðistofnun Íslands og sérfræðingur í fálkastofn-
inum, segir ennþá vera lítið af fálka en varpið hjá
fuglinum hafi þó gengið vel í ár.
„Fálkinn er ekki byrjaður að sýna nein viðbrögð
við aukningu rjúpnastofnsins en hann bregst við
stofnbreytingu rjúpunnar,“ segir Ólafur. Rjúpna-
stofninn hefur verið í uppsveiflu núna í nokkur ár
og ræðst gæfa fálkans mikið af ástandi rjúpna-
stofnsins. „Fálkinn gerir þetta með svona hnykkj-
um, þannig að hann kemur nokkrum árum á eftir,“
segir Ólafur. Á hverju ári er farið á sama svæðið til
þess að telja í hreiðrum og hefur verið gert í meira
en 30 ár. Liðlega 80 fálkaóðul eru heimsótt og seg-
ir Ólafur að um 57% af pörum sem eru á svæðinu
séu með unga, hin eru geld eða hafa misst undan
sér.
Aðspurður hvort hann hafi orðið var við stuld
eða eyðileggingu á fálkahreiðrum segir Ólafur lítið
um slíkt. „Hérna áður fyrr var það algengt. Það
gerðist á hverju ári að það var rænt úr fálka-
hreiðrum en það voru yfirleitt útlendingar sem
komu til þess að taka egg sem þeir unguðu svo út.
Það hefur sannarlega ekki orðið vart við slíkt í 20
ár,“ segir Ólafur.
„Það er fyrst og fremst arnarvarpið sem hefur
verið reynt að spilla með eyðileggingu á hreiðrum.
Fálkinn fær yfirleitt frið en þó er stolið úr hreiðr-
um á hverju ári og ekki er vitað hver gerir slíkt,
hvort það eru Íslendingar eða útlendingar. Það
eru aðeins örfá hreiður og skiptir í sjálfu sér ekki
máli fyrir stofnstærðina, að ég tel. Þetta er stund-
að af mjög takmörkuðu leyti. Ég veit um eitt
hreiður í vor, sem hefur verið rænt og það var
örugglega af mannavöldum,“ segir Ólafur.
Rótgróið hatur í garð fálkans
Samhliða því að hreiður fálkans hafa verið rænd
hefur borið á því að skotið hafi verið á fuglinn.
„Fjórðungur af fálkum sem við fáum er með skot-
sár,“ segir Ólafur. Hann segir ástæðu þessa árása
geta verið tengda æðarvarpinu, rótgrónu hatri í
garð fálkans eða fordómum í þeim byggðum þar
sem æðarvarpið skiptir máli. Hann telur þessarar
skoðunar fólks ekki aðeins gæta meðal varpeig-
enda heldur finnst Ólafi þetta vera andinn í sam-
félaginu. „Fólk heldur að þetta sé eitthvað af hinu
illa,“ segir Ólafur að lokum.
gunnthorunn@mbl.is
Fálkastofninn er enn í lágmarki
 Varpið hefur gengið vel hjá fálkanum en stofninn hefur þó ekki rétt úr kútnum
 Eggjum oft stolið úr hreiðri fálkans fyrr á tíðum og rótgróið hatur tíðkast
Morgunblaðið/Kristinn
Frjáls Fálka sleppt við Úlfarsfell.
Fyrstu sex
mánuði ársins
dróst sala á
áfengi hjá
ÁTVR saman
um 7,3% í lítr-
um talið miðað
við sama tíma
árið 2009.
Hlutfallslega
er samdrátt-
urinn meiri í bjór en léttvínum.
Sala á lagerbjór hefur dregist sam-
an um tæplega 7% á árinu, á rauð-
víni um tæp 6% á meðan sala á
hvítvíni hefur dregist saman um 3%
á milli ára.
Sala áfengis í júní s.l. reyndist
hins vegar 5,4% meiri í lítrum en í
júní 2009.
Hlutfallslega er mesta aukningin
í sölu á hvítvíni eða 18 af hundraði,
því næst í rauðvíni 11% en sala á
bjór reyndist vera um 4% meiri en í
júní í fyrra.
Sigrún Ósk Sigurðardóttir, að-
stoðarforstjóri ÁTVR, telur líkleg-
ustu skýringuna þá að 1. júní 2009
varð verðhækkun á áfengi þegar
áfengisgjaldið var hækkað. Salan í
júní það ár var nokkru minni en í
júní 2008 eða 1.755 þúsund lítrar
samanborið við 1.777 þúsund lítrar
árið áður.
Ýmsir hafa velt því fyrir sér
hvort útsendingar frá
heimsmeistarakeppninni í knatt-
spyrnu kunni að skýra aukna
áfengissölu í júní. Það er talið ólík-
legt af þeirri ástæðu að mun minni
aukning varð á bjórsölu en sölu á
léttum vínum. sisi@mbl.is
Sala áfengis
hefur dreg-
ist saman
Það hefur alltaf farið vel um mig hérna,“ sagði Hall-
dóra Halldórsdóttir sem í dag fagnar 100 ára afmæli
sínu á hjúkrunar- og dvalarheimilinu Lundi á Hellu.
Halldóra sagðist ekki búast við miklum hátíðar-
höldum í tilefni dagsins. „Ég vil nú ekki að það sé
neitt vesen út af mér,“ sagði hún.
Ekki vildi Halldóra gefa mikið upp um galdurinn
á bak við það að ná þessum háa aldri. Hún segist
vera hress og hún lítur ákaflega vel út. „Mér hefur
liðið vel að vera gömul,“ segir hún. „Ég hef ekki átt
við nein veikindi að stríða, það er fyrir öllu,“ sagði
hún.
Morgunblaðið/Sigmundur
Vill ekkert vesen á 100 ára afmælinu
Í nýjum lögum um fjármálafyrir-
tæki kemur fram að stjórnar-
seta skuli háð því að hún
skapi ekki, að mati FME,
hættu á hagsmuna-
árekstrum. Er þar sér-
staklega litið til eignarhalds
og tengsla fjármála-
fyrirtækisins. Er
horft til þess hvort
stjórnarseta geti
skaðað heil-
brigðan rekstur
fyrirtækis.
FME metur
árekstrana
FJÁRMÁLAFYRIRTÆKI
Margeir Pétursson
Yfirstjórn ESA, Eftirlitsstofnunar
EFTA, hefur samþykkt undanþágur
fyrir Ísland frá nokkrum ákvæðum
reglna um aksturs- og hvíldartíma
atvinnubílstjóra í farmflutningum.
Undanþágurnar gilda frá 30. októ-
ber 2010 til 15. apríl 2011.
Fram kemur í tilkynningu frá
samgönguráðuneytinu, að Kristján
L. Möller, samgöngu- og sveitar-
stjórnarráðherra, hafi ákveðið að
taka málið upp árið 2008 í kjölfar
óska aðilum á vinnumarkaði.
Samkvæmt reglugerð Evrópu-
sambandsins er leyfilegur aksturs-
tími dag hvern 9 klukkustundir en
hann má lengja um tvær stundir tvo
daga í viku. Fallist er á beiðni Ís-
lands um að aka megi 4 daga vik-
unnar í stað tveggja daga í 11
klukkustundir á leiðunum milli
Reykjavíkur og Egilsstaða, Nes-
kaupstaðar og Ísafjarðar.
Einnig var fallist á beiðni Íslands
um að framlengja megi akstur um
hálfa klukkustund, úr 4,5 í 5 stundir,
milli Reykjavíkur og Freysness í
Öræfum og milli Freysness og
Egilsstaða. Undanþágurnar eru
bundnar við flutning ferskvöru.
Undanþága
vegna flutninga