Fréttablaðið - 05.12.2011, Blaðsíða 54

5. desember 2011 MÁNUDAGUR34
„... fyndinn, snjall
og skemmtilegur.“
PÁ L L BA L DV I N BA L DV I NS SON / F R ÉT TAT Í MI N N
„Aðalpersónan …
er í hæsta máta óvenjuleg.“
EI NA R FA LU R I NG ÓL FS SON / MORGU N BL A ÐIÐ
„... fantavel skrifuð og
byggð eins og besta spennusaga.“
FR IÐR IK A BENÓN ÝS / FR ÉT TA BL A ÐIÐ
„… ofsalega flottur skáldskapur ...“
KOL BRÚ N BERGÞÓR SDÓT T IR / K IL JA N
Á R M A N N
JA KOBS SON
www.forlagid.is – alvöru bókaverslun á netinu
SJÓNVARPSÞÁTTURINN
Þórunn Edda Magnúsdóttir og félagar sem skipulögðu tón-
leikaröðina Perfect Sounds Forever í gömlu sláturhúsi í Bergen
í október hafa verið tilnefnd sem menningarfrumkvöðlar
ársins af borgaryfirvöldum í Bergen. Úrslitin verða tilkynnt í
febrúar. Þetta var í fyrsta sinn sem tónleikaröðin var haldin
og heppnaðist hún mjög vel. Til stendur að halda reglulega
tónleika í sláturhúsinu gamla á næstunni auk þess sem
tveggja til þriggja daga tónlistarhátíðir eru fyrirhugaðar
í vor og haust. Þess má geta að Þórunn Edda á hluta í
öðru fyrirtæki sem var einnig tilnefnt sem menningar-
frumkvöðull ársins, eða Shadow Agency, sem sinnir
ýmsum tónlistartengdum málefnum. - fb
FRÉTTIR AF FÓLKI
„Það er ekkert hægt að mauk-
sjóða pasta eða spagettí og hella
tómatsósu yfir, það eru gerðar
þær kröfur að þetta sé ferskt og
bragðgott,“ segir Guðmundur Kr.
Ragnars son matreiðslumeistari,
sem sér um að allir fái nóg að
borða á tökustað Game of Thrones.
Hann segist oft fara að hlæja
þegar hann sjái menn fá nokkur
blöð með sérþörfum stjarnanna.
„Ég fæ yfirleitt heilu doðrantana.“
Guðmundur, sem er annar
eigenda veitingastaðarins Lauga-
áss, var staddur við Svínafells-
jökul þegar Fréttablaðið hitti
á hann en þá var matreiðslu-
meistarinn að útbúa fjóra
rétti, hvern öðrum girnilegri;
kjöt í rauðu karrý, indverskan
grænmetis rétt, ferskt ostapasta og
svo bleikju með mangó. Tökuliðinu
gafst hins vegar enginn tími til að
setjast niður og njóta bragðsins til
hins ýtrasta heldur urðu allir að
borða standandi, tökudagarnir eru
stuttir. „Þetta er hálfgerð gesta-
þraut því allir verða að fá að borða,
það getur enginn farið út í næstu
sjoppu og því verður að vera eitt-
hvað fyrir alla. Þetta er gríðarlega
flókið og menn hérna eru eigin lega
agndofa yfir því að það sé hægt
að bjóða upp á svona mikil gæði
hérna,“ segir Guðmundur stoltur.
Hann er ekki óvanur því að elda
fyrir stórstjörnur úr kvikmynda-
heiminum. Síðast í sumar var
hann með mötuneytið fyrir töku-
lið Prometheus, kvikmynd Ridleys
Scott, þar sem stórstjörnur á borð
við Michael Fassbender, Charlize
Theron og Noomi Rapace voru
meðal gesta í mötuneytinu. „Þetta
voru 20 þúsund máltíðir á fjórtán
dögum,“ segir Guðmundur, en það
gerir rúmlega fjórtán hundruð
máltíðir á hverjum degi. Hann
hefur einnig eldað fyrir Angelinu
Jolie og Daniel Craig þegar þau
voru hér við tökur á Löru Croft og
svo Leonardo DiCaprio þegar hann
sat fyrir á forsíðu Vanity Fair á
Jökulsárlóni.
Guðmundur var með fjóra
aðstoðarmenn með sér uppi á jökli.
Og hver dagur er tekinn snemma.
„Við þurfum að vakna klukkan
fjögur og byrja að skipuleggja
okkur. Þetta er ekkert auðvelt en
ég er bara þannig týpa að ég hef
gaman af þessu.“
freyrgigja@frettabladid.is
GUÐMUNDUR KR. RAGNARSSON: AFGREIDDI 20 ÞÚSUND MÁLTÍÐIR
Fær heilu doðrantana
með sérþörfum stjarnanna
Fyrirtækið Puzzled by Iceland hefur bætt við
vörulínu sína og er nú hægt að kaupa púsl með
mynd af Jóni Gnarr borgarstjóra klæddum í
fagurbleikan kjól. Púslið ber heitið Puzzled by
People og er hið fyrsta í þeirri línu.
Puzzled by Iceland var stofnað í fyrra af Guð-
rúnu Heimisdóttur og Þóru Eggertsdóttur og
eru vörurnar ætlaðar sem minjagripir fyrir
erlenda ferðamenn. Hluti ágóðans af sölu púsl-
anna með Jóni Gnarr mun renna til Alnæmis-
samtakanna á Íslandi og því var ákveðið að
púsluspilið færi í sölu 1. desember síðastliðinn
en það er Alþjóðlegi alnæmisdagurinn.
„Okkur hafði lengi langað að framleiða púsl
með mynd af frægum Íslendingi en ekki dottið
niður á réttu myndina. Við rákumst svo á mynd
af Jóni Gnarr í dragi í Gay Pride-göngunni í
sumar og okkur fannst hún svo litrík og lífleg
að við ákváðum að fá leyfi til að nota hana.
Okkur þótti líka nafnið svo viðeigandi „puzzled
by people“. Hver vekur upp jafn margar spurn-
ingar meðal fólks og Jón Gnarr?“ spyr Guðrún.
Borgarstjórinn fékk fyrsta púslið að gjöf á
þriðjudaginn var og að sögn Guðrúnar var hann
mjög ánægður með útkomuna. Innt eftir því
hvaða þekktu einstaklingar séu næst á óska-
lista þeirra Guðrúnar og Þóru segir Guðrún
þá vera marga og ólíka. „Þeir eru svo margir,
Vigdís Finnbogadóttir er til dæmis
á listanum enda er hún alveg stór-
merkileg kona.“
Guðrún segir púslin seljast vel
og að þær séu ánægðar með viðtök-
urnar og lífið. „Þetta hefur gengið
vonum framar og við erum vissu-
lega kátar með það.“ - sm
Púslað með borgarstjóranum í bleikum kjól
VINSÆL PÚSL Guðrún Heimisdóttir og Þóra
Eggertsdóttir framleiða púslin Puzzled by
Iceland. Þær bættu nýverið við línu sína
púsli með mynd af Jóni Gnarr borgarstjóra.
Engin íslensk mynd verður frum-
sýnd um þessi jól. Því verða
aðdáendur íslenskra kvikmynda
að leita á önnur mið vilji þeir
skemmta sér um jólin. Vonir stóðu
til að annaðhvort Svartur á leik
eða Djúpið yrðu frum sýndar um
jólaleytið en ekki verður af því.
Baltasar Kormákur, leikstjóri
Djúpsins, var ekki viss hvenær
frumsýning myndar innar yrði
og var ekki reiðubúinn til að stað-
festa endanlega dag setningu
í samtali við Fréttablaðið.
Samkvæmt heimildum Frétta-
blaðsins verður Svartur á leik
ekki frumsýnd fyrr en í mars en
myndin er byggð á samnefndri
bók Stefáns Mána.
Ákveðin hefð hefur skapast
fyrir því að íslenskar kvikmynd-
ir skemmti áhorfendum um
jóla hátíðarnar. Í fyrra var það
unglinga myndin Gauragangur
eftir Gunnar Björn Guðmundsson
og árið þar áður var það
Bjarnfreðar son sem kitlaði hlátur-
taugar landsmanna. Kvikmyndirn-
ar Köld slóð og Dugguholufólkið
voru báðar frumsýndar um jóla-
leytið árin 2007 og 2006 en ekk-
ert slíkt verður hins vegar á boð-
stólum á þessu ári. - fgg
Engin íslensk jólamynd í ár
EKKERT ÍSLENSKT Engin íslensk bíómynd verður frumsýnd um jólin. Hefð hefur
skapast fyrir því að íslenskar kvikmyndir skemmti fólki um hátíðarnar.
EKKI ER SOPIÐ KÁLIÐ... Guðmundur Kr. Ragnarsson lét sig ekki muna um að elda
ofan í Game of Thrones-tökuliðið inni í sendiferðabíl uppi á Svínafellsjökli. Hann sá
um matinn fyrir Prometheus eftir Ridley Scott og afgreiddi þar tuttugu þúsund mál-
tíðir á fjórtán dögum. Meðal þeirra sem hafa fengið sér að borða hjá Guðmundi eru
Angelina Jolie og Leonardo DiCaprio. FRÉTTABLAÐIÐ/VILHELM
„Minn uppáhaldssjónvarpsþáttur
er sá sem Svala vinkona mín
kemur með í seríupökkum heim
með og við tökum allra nátta lotu
í að horfa á. Við tókum þannig
t.d. True Blood og The Tudors,
sem eru æðislegir þættir. En eins
og staðan er í dag á heimilinu þá
erum við fjölskyldan sjúk í Got to
Dance á SkjáEinum.“
Margrét Gauja Magnúsdóttir, forseti
bæjarstjórnar í Hafnarfirði.
Bræðurnir Eiki og Halldór Helgason eru með mörg járn
í eldinum. Þeir eru á meðal þekktustu snjóbrettakappa
heims og eru atvinnumenn í íþróttinni. Viðskiptaveldi
þeirra vex einnig en, á meðal þess sem þeir hafa
sett á markað eru Hoppipolla-húfur og Lobster-
snjóbretti. Nokkrar verslanir í Evrópu hafa hætt
sölu á einu bretta þeirra, en skreytingin þykir
fara fyrir brjóstið á fólki. Þeir hafa svarað
þessu með því að gefa hverjum þeim sem
kaupir umrætt bretti í þeirra eigin vefverslun
frían bol með afar dónalegri áletrun. - afb