Morgunblaðið - 13.08.2010, Blaðsíða 2

2 | MORGUNBLAÐIÐ
Útgefandi Árvakur hf. Umsjón Sigurður Bogi Sævarsson. Blaðamenn Kristel Finnbogadóttir kristel@mbl.is, Sigurður Bogi Sævarsson sbs@mbl.is. Auglýsingar Böðvar Bergsson. Forsíðumyndina tók Eggert Jóhannesson í Nauthólsvík.
S
temningin fyrir þessu átaki er ótrú-
lega góð. Húseigendur virðast
áfram um að nýta sér þá möguleika
sem bjóðast í krafti verkefnisins
auk þess sem fyrirtæki sjá sér hag í
því að tengjast verkefninu. Bygginga-
vöruverslanir hafa boðið vörur á kostakjörum
og bankar bjóða hagstæð framkæmdalán. Það
er gaman að vinna að málum þegar und-
irtektir eru svona jákvæðar,“ segir Elísabet
Sveinsdóttir sem stýrir verkefninu Allir
vinna.
Viðskiptin séu á borðinu
Þeir sem standa að verkefninu Allir vinna
eru, auk stjórnvalda, Alþýðusamband Íslands
og aðildarfélög þess, Samtök atvinnulífsins,
Samtök iðnaðarins, Samtök verslunar og
þjónustu og Nýsköpunarmiðstöð Íslands.
Tilgangur átaksins er ekki síst að skapa
vinnu í þjóðfélaginu og undirstrika mikilvægi
þess að öll viðskipti fólks og fagmanna séu
uppi á borðunum. Er áætlað að með því að
útrýma svartri vinnu megi auka skatttekjur
ríkisins um 40 milljarða króna á ári, skv. mati
Samtaka iðnaðarins.
Komið var fram á sumar þegar Alþingi
samþykkti breytingar á lögum sem heimila
skattafrádrátt en endurgreiðsla virð-
isaukaskatts var samþykkt á síðasta ári.
Dytta að í fríinu
„Við gátum fyrst kynnt verkefnið þegar kom-
ið var fram á mitt sumar. Það virðist ekki
hafa komið að sök. Margir hafa notað fríið
sitt til að dytta að því sem til fellur heima fyr-
ir og fá fagmenn í stærri verk,“ segir El-
ísabet og bætir við meðal almennings sé rík
vitund um möguleikana sem nú bjóðast.
Skv. könnun Gallup sem gerð var á vor-
mánuðum hafi um 60% vitað af mögu-
leikanum á endurgreiðslu virðisaukaskattsins
af vinnu á staðnum og 35% aðspurðra ætluðu
í framkvæmdir. Þá sé ætlunin að kanna stöð-
una aftur í haust en búast megi við að þessar
tölur verði í hærri gildum þá.
Elísabet segir það hafa greitt fyrir fram-
kvæmdum að bankarnir bjóða um þessar
mundir hagstæð lán til endurbóta á húsnæði.
Íslandsbanki bjóði til dæmis lán sem bera að-
eins 5,75% óverðtryggða vexti og eru án lán-
tökugjalda. Á sama tíma eru hefðbundin
skuldabréf með 9,25% vexti. Kjör annarra
banka eru á svipuðu róli.
Hvernig á að leggja parket?
„Það borgar sig tvímælalaust að fara í fram-
kvæmdir núna,“ segir Elísabet sem bætir við
að starfsfólk þeirra stofnana og samtaka sem
standa að verkefninu sé áfram um að allt
gangi greiðlega fyrir sig. Hið sama megi
segja um þá sem starfa hjá skattinum, iðnfyr-
irtækjum og svo framvegis.
„Já, ég ætla sjálf svo sannarlega að nota
mér þá möguleika sem nú bjóðast. Á vefsetri
verkefnisins gaf ég upp símanúmerið mitt og
stundum hringir fólk í mig með spurningar
um hvernig best sé að standa að málning-
arvinnu, leggja parket á gólf og svo fram-
vegis. Þegar svona spurningar berast reyni
ég að svara þeim eftir bestu þekkingu því
auðvitað höfum við staðið í ýmsu brasi heima
fyrir eins og gengur og gerist á íslenskum
heimilum. En ætli við fáum ekki fagmenn í
stóru verkefnin. Við erum þegar búin að mála
en næst er að laga þakkantinn og svo þarf að
skipta um glugga fyrir áramót eða áður en
möguleiki á endurgreiðslu virðisaukaskattsins
er fyrir bí.“ sbs@mbl.is
allirvinna.is
Rík vitund um möguleika sem bjóðast
Morgunblaðið/Jakob Fannar
Framkvæmdakona Elísabet segir alla sem komið hafa að átakinu Allir vinna hafa verið áfram um að vel takist til og undirtektir séu góðar.
Fúavarið Eins og margir hafa Elísabet og fjöl-
skylda hennar nýtt sér möguleikana sem nú
bjóðast með skattaafslætti. Mála, laga þakkant
og ætla að skipta um glugga
Það borgar sig að fara í
framkvæmdir núna, segir El-
ísabet Sveinsdóttir sem stýr-
ir átakinu Allir vinna. Sjálf
ætlar hún að láta laga þak-
kanta og skipta um glugga
meðan fríðinda nýtur.
I
nntak átaksins Allir vinna er að vekja
athygli á endurgreiðslu virð-
isaukaskatts og skattfrádrætti
vegna aðkeyptrar vinnu við viðhald
og endurbætur á íbúðarhúsnæði og
sumarhúsum. Stjórnvöld í samvinnu við
samtök vinnumarkaðarins og Nýsköp-
unarmiðstöð Íslands standa að verkefn-
inu og er markmið þeirra að leggja sitt af
mörkum til að koma hjólum atvinnulífs-
ins í gang að nýju.
Sáraeinfalt að sækja um
Sáraeinfalt er að sækja um endur-
greiðslu á virðisaukaskatti en umsókn-
areyðublað þar um má nálgast meðal
annars á vefsíðu skattayfirvalda og
átaksverkefnisins. Til þess að fá endur-
greiðsluþarf að halda öllum greiddum
reikningum til haga og þurfa þeir að vera
sundurliðaðir í efniskostnað og kostnað
vegna vinnu. Reikningum, staðfestingu á
að þeir hafi verið greiddir og útfylltuum-
sóknareyðublaði er síðan skilað til skatts-
ins sem yfirfer gögnin og reiknar endur-
greiðsluna. Ríkisskattstjóri sendir
umsækjanda í framhaldinu tilkynningu
um endurgreiðslu ásamt frumritum
reikninganna.
Frádráttur í tvö ár
Sérstakur skattfrádráttur reiknast við
álagningu opinberra gjalda 2011 og 2012
og þarf ekki að sækja um það sér-
staklega. Endurgreiðsla á virð-
isaukaskattinum er afturvirk og hægt að
sækja um hana allt að sex árum aftur í
tímann en þá gildir ekki sama endur-
greiðsluhlutfall öll árin og ekki er endu-
greiddur virðisaukskattur að vinnu við
sumarhús nema frá 1. mars 2009.
Endurgreiddur er virðisaukaskattur
ávinnu á byggingarstað til dæmis máln-
ingarvinnu, trésmíði, pípulögnum eða
raflögnum. Eins er endurgreiddur frá og
með 1. mars 2009 til 1. janúar 2011virð-
isaukaskattur á vinnu vegna hönnunar og
eftirlits við endurbætur eða viðhald.
Undantekningar
Endurgreiðsluhlutfall virðisaukaskatts
er 100% út þetta ár og tekur til virð-
isaukaskatts vegna allrar vinnu manna
sem unnin er á byggingarstað íbúðar-
húsnæðis við viðhald eða endurbætur,
þar með talið vinnu á lóð - að teknu tilliti
til undantekninga sem tíundaðar eru á
vefsetri átaksins. sbs@mbl.is
Endurgreiðslur
í boði út árið
Morgunblaðið/Heiddi
Endurgreitt Virðisaukaskattur af viðhaldsframkvæmdum á byggingastað fæst nú endurgreiddur. Hafa margir
nýtt sér það svigrúm og farið í framkvæmdir sem ella hefðu beðið með skemmdum sem fylgt hefðu með.
Aukin vinna er öllum í hag. Endurgreiðsla á virð-
isaukaskatti af viðhaldsvinnu við byggingar er nú í
boði. Margir leggja verkefninu lið.