Morgunblaðið - 11.12.2010, Side 52

52 MENNING
MORGUNBLAÐIÐ LAUGARDAGUR 11. DESEMBER 2010
ÍListasafni ASÍ við Freyjugötustendur nú yfir óvenjulegsýning. Þar hafa hjónin ogmyndlistarmennirnir Áslaug
Thorlacius og Finnur Arnar og börn
þeirra, Salvör, Kristján, Hallgerður
og Helga, efnt til sýningargjörnings
undir yfirskriftinni „Þar spretta
laukar“. Listrænir hæfileikar allra
fjölskyldumeðlima fá notið sín á sýn-
ingunni þar sem renna saman list-
sköpun og fjölskyldulíf.
Á sýningunni skarast einnig
einkarými og opinbert safnrýmið því
fjölskyldan tók sig til og bjó í safninu
í vikunni fyrir sýningaropnun. Þess
má geta að safnið var eitt sinn heim-
ili og vinnustofa hjónanna og lista-
mannanna Ásmundar Sveinssonar
og Gunnfríðar Jónsdóttur. Ummerki
um veru fjölskyldunnar sjást á neðri
hæð safnsins; „hjarta“ hins tíma-
bundna heimilis, eldhúsið, er á við-
eigandi stað í Arinstofu. Eldhúsið er
jafnframt innsetning eftir fjölskyld-
una eða eins konar kyrralífsverk
sem felur í sér minnisvarða um líf í
samhengi safnastofnunarinnar. Í
Gryfjunni eru eftirstöðvar svefn-
byrgis; dýnur, sængur, koddar og og
tilfallandi föt auk þess sem ljós-
myndir (sjálfsmyndir) af fjölskyldu-
föðurnum hanga þar á vegg.
Verkin í Ásmundarsal eru af ýms-
um toga. Þar eru sýndar skemmti-
legar og fjörugar kvikmyndir eftir
yngri fjölskyldumeðlimina en í einni
þeirra, Flugferð, er unnið skemmti-
lega með rými safnsins. Í myndröð
eftir Finn Arnar sést hvar dagsbirta
„teiknar“ skuggamyndir á pappírs-
örk sem stillt hefur verið upp á mis-
munandi stöðum í heimahúsi. Mynd-
bandsverki hans Eins og barn, eins
og tungl er varpað á vegg en þar,
eins og í verkinu Frjór-ófrjór í
Gryfjunni, birtast vangaveltur um
sköpun er öðlast margræða merk-
ingu í samhengi sýningarinnar.
Áslaug á einnig verk á sýning-
unni; í myndum af foreldrum og
tengdaforeldrum njóta eiginleikar
vatnslitarins sín vel. Í vatns-
litaverkum sem máluð eru eftir ljós-
myndum frá slóðum forfeðra leitast
hún á vissan hátt við að mála sig inn
í forsögu fjölskyldunnar í landinu.
Blekmyndir sem sýna húsgögn úr
nánasta umhverfi fjölskyldunnar –
heimilinu – setja skemmtilegan svip
á sýninguna og kallast á við ljós-
myndir Finns af pappírsörkinni.
Pottaplöntur í salnum undirstrika
kyrralífsþemað; áminningu um
framrás lífsins og forgengileikann.
Ljósasería og ljósmynd af Áslaugu
barnungri ásamt eldri systur sinni
Ingileif, sem lést fyrir aldur fram
fyrr á þessu ári, er tileinkuð minn-
ingu hennar. Þessi hjartnæma til-
einkun er jafnframt óður til sakleys-
is barnæskunnar og hún fjallar um
fjölskyldubönd og minningar: líf tek-
ur enda en lifir að einhverju leyti
áfram í afkomendum, í minningum
og þegar fram líða stundir í ætt-
arsögunni. Og sú saga er spunnin úr
mörgum þráðum eins og sýning-
argestir eru minntir á í hljóðverki
þar sem raddir ættingja hljóma úr
gömlu útvarpi, líkt og væru þær
kveðjur frá löngu liðnum tíma.
Þar spretta laukar er frjó sýning
þar sem öll fjölskyldan leggur skap-
andi hönd á plóg, ýmist í sam-
vinnuverkum eða með framlagi
hvers og eins. Úr verður lítil hvers-
dagssinfónía þar sem hljóma hug-
leiðingar um listina og tilveruna, og
um merkingu og tilgang lífsins.
List og fjölskyldulíf
Listasafn ASÍ
Þar spretta laukar – fjölskyldusýning
bbbmn
Til 19. desember 2010. Opið þri. til su.
kl. 13-17. Aðgangur ókeypis.
ANNA JÓA
MYNDLIST
Morgunblaðið/Eggert
Frjó sýning „Úr verður lítil hversdagssinfónía þar sem hljóma hugleiðingar
um listina og tilveruna, og um merkingu og tilgang lífsins.“
Dagur kvennanna erkostuleg nóvella í fjór-um hlutum sem flokkastundir gróteskar karni-
valbókmenntir. Það sem er „gró-
teskt“ er allt í senn kynlegt, af-
káralegt, forljótt, hlægilegt og
skrautlegt, svo maður grípi nú til
orðabókarskýringar og sú lýsing
smellpassar við þessa nóvellu. Í
Degi kvennanna er gert hressilegt
og kolsvart grín að kvennafrídeg-
inum árið 1975, þegar þúsundir
kvenna söfnuðust saman á Austur-
velli og kröfðust jafnréttis
kynjanna. Inn í mergjaðar lýsing-
ar á því kvennahafi og uppveðr-
uðum „erkigrybbum“ fléttast sak-
leysisleg ástarsaga pilts og stúlku,
Dags (sem kallaður var Himin-
hrjóður af afa sínum og líkist Clint
Eastwood að margra áliti og er því
kallaður Clint Himinhrjóður
Eastwood) og Máneyjar „ösku-
busku“. Hasarkroppurinn Máney
er sakleysið uppmálað og botnar
ekkert í baráttukonunum sem
krefjast þess að hún hafi hemil á
dýrslegri löngun sinna til karl-
punga, hugur Máneyjar verður
„sár og sviðinn af ofbirtu systra-
lagsins“. Himinhrjóður og Máney
hittast á Hótel Borg, „súper-
alfaapi“ mætir þar næturdrott-
ningu og þau finna líf kvikna neðan
beltis, flýja undan kvennastóðinu
upp í þakherbergi Himinhrjóðs og
hefst þar lostafullur kynlífsleikur
með lýsingum sem minna á Tíg-
ulgosann sáluga. Þó langtum betur
skrifaðar en í þeim ágæta gosa,
Megas og Þórunn fara á mikið flug
í blautlegum og sprenghlægilegum
kynlífslýsingum sínum. Á meðan
æsast kvenréttindakonur fram úr
öllu hófi á Hótel Borg, úthrópa alla
karlmenn sem rembusvín og
nauðgara, stofna Kvenna-
kirkjugarðinn og samþykkja út-
gáfu barátturitsins Láttu mig
vera!. En náttúran lætur ekki að
sér hæða og jafnvel hörðustu erki-
grybbur finna til losta í bar-
áttugleðinni og draga óttaslegin
karldýrin á tálar. Allt leysist upp í
einn allsherjar, glundroðakenndan
lostaleik þegar líður á bókina.
Dagur kvennanna fékkst hvergi
út gefin fyrir einum átján árum,
þótti of klúr líklega enda er hún
það en skemmtilega klúr, nota
bene. Það er greinilegt á safarík-
um og súrrealískum textanum að
Megas og Þórunn hafa skemmt sér
konunglega við skrifin, líklega hef-
ur ískrað í þeim yfir kvikindis-
skapnum á köflum. Gallinn er þó
sá að bókin heldur manni ekki
fyllilega við efnið, hugurinn fer að
reika um miðbik hennar (er mjólk-
in búin, þarf að kaupa skyr?) og
hún endar með fullsætum keim, að
mati undirritaðs. En bráðfyndin er
hún og bleksvartur húmorinn.
Þannig er hann nú alltaf bestur.
Morgunblaðið/Eggert
Höfundarnir Megas og Þórunn.
Ærslafullur
lostaleikur
Skáldsaga
Dagur kvennanna – ástarsaga
bbbnn
Eftir Megas Erlu Þórunn Valdimars.
Uppheimar 2010. 85 bls.
HELGI SNÆR
SIGURÐSSON
BÆKUR
Listaháskóli Íslands auglýsir eftir umsóknum um
starf háskólakennara í
kennslufræði sjónlista
Laust er til umsóknar starf háskólakennara í kennslufræði sjónlista
við listkennsludeild. Umsækjandi skal vera listkennari á sviði sjónlista
og hafa lokið meistaragráðu eða sambærilegri gráðu á sínu sviði.
Gerð er krafa um að hann hafi yfirgripsmikla þekkingu á straumum
og stefnum í sjónlistum og listkennslu, og hafi umtalsverða
kennslureynslu á háskólastigi.
Starf háskólakennara í listkennslu skiptist í kennslu, rannsóknir og
stjórnun. Auk kennslu í fræðigreinum hefur hann umsjón með
meistaraverkefnum nemenda og stýrir ýmsum verkefnum sem lúta
að skólastarfinu. Hann vinnur að eigin rannsóknum og skal vera
virkur þátttakandi í því fræðasamfélagi sem skólinn byggir upp.
Rektor ræður í starfið í samráði við deildarforseta listkennsludeildar.
Sérstök dómnefnd dæmir um hæfi umsækjenda, sbr. reglur skólans
um veitingu akademískra starfa. Ráðningin gildir frá 1. ágúst 2011.
Umsóknum og meðfylgjandi gögnum skal skila ekki síðar en
mánudaginn 17. janúar næstkomandi til Listaháskóla Íslands,
skrifstofu, Skipholti 1, 105 Reykjavík.
Nánari upplýsingar um kröfur til umsækjenda, umsóknargögn,
meðferð umsókna, og eðli starfsins, er að finna á heimasíðu skólans
www.lhi.is
www.tskoli.is
Nám í rekstri
og stjórnun
fyrir framsækna nemendur!
Flugrekstrarfræði 45 ein.
Námið er sniðið að þörfum starfsmanna í flugtengdum rekstri og
tekur tvö ár í dreifnámi með staðbundnum lotum.
Útvegsrekstrarfræði 45 ein.
Námið er sniðið að þörfum sjávarútvegarins og tekur tvö ár í
dreifnámi með staðbundnum lotum. Útvegsrekstrarfræði hentar
þeim sem hafa starfsmenntun og reynslu úr sjávarútvegi.
Rekstur og stjórnun, almenn lína 45 ein.
Námið er opið öllum sem lokið hafa starfsmenntun eða sambæri-
legri menntun og hafa reynslu úr atvinnulífinu. Námið tekur tvö ár í
dreifnámi með staðbundnum lotum.
Allar námslínurnar eru þróaðar af Tækniskólanum í samstarfi
við Háskólann í Reykjavík og er til viðurkenndra háskóla-
eininga. Inntökuskilyrði eru starfsmenntun, stúdentspróf eða
sambærilegt nám.
Nánari upplýsingar fást í Endurmenntunarskólanum,
s. 514 9601 eða á ave@tskoli.is
Innritun stendur yfir!