Eyjablaðið - 23.12.1990, Blaðsíða 3
EYJABLAÐIÐ
3
/ aldanna rás hefur það verið draum-
ur alþýðufólks að fá að lifa og starfa í
friði. Fá að búa sér örlög og að vara
sínir eigin gæfusmiðir. Að fá að rœkta
sinn eigin garð og þurfa ekki að óttast
yfirtroðslu og tortímingu. En sjaldnast
hefur fólki orðið að ósk sinni því að
alltaf hafa verið menn og yfirvöld sem
hafa farið með ófriði og yfirgangi gegn
öðrum mönnum og þjóðum. Það er
ekki að gerast í fyrsta sinn á okkar
tímum, fjarri fer því. Og trúlega lýkur
því ekki með okkar kynslóð vegna þess
að þrátt fyrir þróun og framfarir þá er
eins og seint gangi að siðvæða fólk og
þjóðir þannig að það þrái frið meir en
auðlegð og frama.
Þess sér víða stað á bókfelli aldanna
að fólk hefur þráð frið, þráð þann kon-
ung og yfirvald sem hefur getað tryggt
að þegnarnir fái lifað og dáið án þess að
þurfa að fara með hernaði gegn öðrum
eða þurfa að þola yfirgang og skelfingu
þess að óvinir fari yfir land þeirra og
skilji eftir dauða og sviðna jörð.
í nærri þrjúþúsund ára gömlum texta
lesum við eftirfarandi í spádómsbók
Jesafa1: “Og hann mun dæma meðal
lýðanna og skera úr málum margra
þjóða. Og þœr munu smíða plógjárn úr
sverðum sínum og snigla úr spjótum
sínum. Engin þjóð skal sverð reiða að
annari þjóð, og ekki skulu þær temja
sér hernað framar. “
ísrael var í þjóðbraut og stöðugt bit-
bein stórveldanna í austri og vestri. Þess
vegna var friðurinn dýrmætur og eftir-
sóknarverður í augum þjóðarinnar. En
Jesaja gerði sérfulla greinfyrir því að til
þess að friðurinn œtti möguleika þá
varð að ríkja réttlæti. Enginn friður
gæti varðveist ef ekki ríkti réttlœti og
hagur þeirra sem minna mœttu sín vœri
tryggður. Þess vegna var konunginn
sem átti að tryggja friðinn einnig kon-
ungurinn sem var ávallt íklœddur rétt-
lœti og visku.
Og draumurinn rœttist. Reyndar á
annan hátt en fólk hafi vænst. Og nú á
jólunum þá fögnum við fœðingu kon-
ungs konunganna sem fæddist í Betle-
hem og var lagður í jötu því að ekki
reyndist rúm fyrir þetta fátœka fólk í
gistihúsum heimsins. Og þeir sem fyrstir
urðu vitni að þessu undri voru hirðarnir
sem gættu um nóttina hjarðar sinnar á
völlunum við Betlehem.
Og sá friður sem hann gefur þeim
sem lúta valdi hans er ekki af þessum
heimi. Enn er ófriður og blikur á lofti.
Enn er víða kúgun og misrétti. Ófriður
með mönnum ogþjóðum. Sá friður sem
trúin á Krist gefur er ekki með þeim
hætti að maður láti sér á sama standa
hvað gerist heldur er trúin áskorun um
að berjast góðu baráttunni og gefast
ekki upp þó að hægt gangi. Að hafa í
huga orð úr spádómsbók Míka þar sem
segir: “Og hvað heimtar Drottinn ann-
að afþér en að gjöra rétt, ástunda kœr-
leika og fram ganga í lítillœti fyrir Guði
þínum.“Friðurinn felst í því að þjóna
konungi konunganna með því að ást-
unda kærleika og gjöra rétt og fram
ganga í lítillœti fyrir Guði.
Konungurinn sem fœddist á jólum er
kallaður friðarhöfðinginn. Vonandi
verður hann það í lífi okkar og v lífi
þjóðarinnar. Að okkur beri gœfa til að
lúta honum og framkvœma vilja hans.
Þá mun ríkja friður og réttlæti.
Guð gefi okkur gleðilega jólahátíð.
Kjartan Örn Sigurbjömsson.
Messur um jól og áramót í Landakirkju
24. DESEMBER:
Aftansöngur kl. 18:00
Náttsöngur kl. 23:30
25. DESEMBER, JÓLADAGUR:
Hátíðarmessa kl. 14:00
Lúðrasveit Vestmannaeyja leikur jólalög
frá kl. 13:30
26. DESEMBER, ANNAR í JÓLUM:
Jólasöngur á sjúkrahúsi kl. 13:15.
Skírnarmessa kl. 14:00
Hraunbúðir kl. 15:10.
31. DESEMBER:
Aftahsöngur kl. 18:00
1. JANÚAR 1991:
Hátíðarmessa kl. 14:00
Samkomur í Betel
um jól og áramót
24. DESEMBER, AÐFANGADAGUR:
Aftansöngur kl. 17:45.
25. DESEMBER, JÓLADAGUR:
Hátíðarsamkoma kl. 16:30.
26. DESEMBER, 2. JÓLADAGUR:
Samkoma kl. 16:30.
28. DESEMBER:
Jólafagnaður sunnudagaskólans kl. 16:00
31. DESEMBER:
Kveðjusamkoma kl. 18:00
1. JANÚAR 1991:
Nýárssamkoma kl. 16:30. Sérstök hátíðarsamkoma
vegna upphafs sjötugasta starfsárs Hvítasunnuhreyfing-
arinnar á íslandi.