Morgunblaðið - 14.04.2011, Blaðsíða 24

24 UMRÆÐAN
MORGUNBLAÐIÐ FIMMTUDAGUR 14. APRÍL 2011
Við aðstæður sem
ég lýsti í fyrri pistli
mínum hlýtur að vera
nánast útilokað að
hefja friðarviðræður
nema Ísraelar gefi
mjög mikið eftir,
hætti að vera með
þennan óþolandi
hroka og sýni raun-
verulegan friðarvilja.
Friðarsamkomulag,
sem gert væri undir fyrrnefndum
þrýstingi og aðstæðum er lítils
virði og mun ekki endast lengi.
Þetta væri aðeins til þess að
styrkja Hamas, öfgahópa og gera
Abbas og félaga í PLO að land-
ráðamönnum þegar þeir eru að
semja af sér. Hamas unnu stór-
sigur í frjálsum og lýðræðislegum
kosningum á árinu 2006 í allri Pal-
estínu en voru ekki samþykktir til
viðræðna af BNA og Ísrael svo
PLO voru „valin“ af þeim. Síðan
þá hefur ekki verið kosið, því fyr-
irsjáanlegt er að Hamas sigri aft-
ur.
En hvað gerðist þá 26. sept-
ember 2010 eftir að tímabundið
byggingarbann á Vesturbakkanum
rann út? Umheimurinn, BNA líka
í þetta sinn, þrýsti á Ísraela til að
framlengja bannið á herteknu
svæðunum. Ísraelar samþykktu
það ekki og framkvæmdir byrjuðu
aftur. Nú situr allt við það sama
og áður – og umheimurinn þegir.
Palestínumenn slitu friðarvið-
ræðum og síðar verður þeim
kennt um árangurslausa frið-
arráðstefnu. Um hvað eiga þeir
eiginlega að tala? Netanyahu, for-
sætisráðherra Ísraels, virtist
tilbúinn að framlengja bannið
„tímabundið“, en hann mætti
harðri andstöðu hægri manna og
heittrúaðra Gyðinga. Vegna veikr-
ar stöðu sinnar á þinginu hætti
hann við framlenginguna. Þar sem
Ísrael er lýðræðisríki (fyrir gyð-
inga, ekki Palestínumenn) þýðir
það með öðrum orðum að meiri-
hluti ísraelskra kjósenda er sáttur
með þannig stjórn ræningja, öfga-
manna og kúgara.
Hinn 11.10. 2010 helltu Ísraelar
enn meiri olíu á eldinn. Ísraelska
þingið samþykkti lög sem krefjast
af innflytjendum og heimamönn-
um, sem ekki eru gyðingar, holl-
ustueiðs og viðurkenningar á því
að Ísrael sé „lýðræðislegt gyð-
ingaríki“. Hvað er nú þetta? Með
því tekur Ísrael síðasta mögu-
leikann af 20% Palestínumanna,
sem enn eru í Ísrael, að þeir hafi
nokkur áhrif á stjórnmál eða rétt-
arfar þar í landi. Einnig loka þessi
lög fyrir alla von á því að palest-
ínskir flóttamenn geti nokkurn
tíma snúið til sinna heimahaga í
Ísrael. Landræningjabyggðir eru
að ísraelskri túlkun hluti af Ísrael
og mundu Palestínumenn á V-
bakkanum með samþykki þessara
laga afsala sér sínu eigin landi. Og
þá lýsir Netanyahu „höfðinglega“
yfir að í staðinn fyrir samþykki
muni Ísrael fram-
lengja bygging-
arbannið í landnema-
byggðum tímabundið.
Hvers konar „eft-
irgjöf“ er þetta, hver
getur stöðvað þessa
ræningja?
Hinn 9.11. 2010
lýsti Netanyahu því
yfir að Ísrael mundi
reyna í næstu viku, á
fundinum um frið-
arferlið í Washington,
að fá BNA til þess að
samþykkja að Ísrael-BNA gerði
árás á Íran. Á nú að plata BNA til
að fara í stríð í fjórða sinn á fáum
árum gegn múslímaríki á fölskum
forsendum? Eftir heimkomu þann
14.11. 2010 er í farteski hans til-
laga BNA þess efnis að koma frið-
arviðræðum af stað að nýju. Til-
lagan er sú að Ísraelar framlengi
byggingabannið á herteknum
svæðum um 90 daga. Fram-
kvæmdir í palestínsku A-
Jerúsalem eru undanskildar frá
tillögunni. Samþykki ísraelska
þingið tillöguna munu BNA í
framtíðinni ekki styðja áform um
framlengingu á byggingabönnum
né skipta sér af því. Þannig tillaga
er ekki svaraverð af hálfu Palest-
ínumanna. Samþykki á því væri
ávísun á enn meira landrán.
Möguleiki á stofnun sjálfstæðs
Palestínuríkis á því litla svæði
sem Ísraelar eru ekki þegar búnir
að ræna, væri gerður að engu. Er
það einmitt markmið Ísraela. Ein-
kennilegt er að stjórn Palest-
ínumanna hafði ekki hugmynd um
þessa tillögu, enda ljóst að þeir
voru ekki spurðir álits. Allt er
gert einhliða hjá ísraelskum BNA.
Hinn 21.11. 2010 mótmæltu þús-
undir Ísraela á götum Jerúsal-
emborgar ofanskráðri tillögu
BNA. Þeir heimta að bygg-
ingabannið verði ekki framlengt,
ekki einu sinni tímabundið. Ein-
kennilegt var að sjá til mótmæl-
enda. Þar voru ekki samankomnir
ofsatrúaðir gamlingjar heldur
mest af ungu fólki sem ætti að
vita betur. Er búið að heilaþvo
það í nafni trúarinnar? BNA lýsti
því formlega yfir þann 7.12. 2010
að þau hefðu lagt tillöguna um
framlengingu á byggingabanninu
á herteknum svæðum á hilluna.
Með því skildu þeir eftir úlfana og
sauðkindurnar í sama haga, og
enn einu sinni sigraði glæpur rétt-
lætið. Svarið við fyrirsögninni um
frið er því eitt stórt nei! Svona
haga Ísraelar sér. Vandinn og rót-
in að ófriði í Miðausturlöndum eru
ekki múslímar, það er Ísrael. Tím-
inn vinnur með þeim, þar sem
engin alþjóðabreiðfylking er til
staðar til að stöðva þá. Því er það
undir landi eins og Íslandi komið
að taka einhliða af skarið.
Viðurkennum Palestínu sem
sjálfstætt ríki eins og yfir 100
önnur lönd hafa þegar gert. Sýn-
um kjark og slítum stjórnmála-
sambandi við Ísrael, setjum við-
skiptabann á það og leggjum af öll
„vináttusambönd“. Látum Ísland
vera fordæmi eins og gert var í
máli Bobby Fischers og með við-
urkenningu á sjálfstæði Eystra-
saltsríkjanna. Að bíða eftir ein-
hverri breiðfylkingu á móti stjórn
Ísraels eru draumórar og tímasó-
un.
Friður á milli Ísraela
og Palestínumanna?
– Til umhugsunar
Eftir Edmund
Bellersen
»…krefjast af inn-
flytjendum holl-
ustueiðs og viðurkenn-
ingar á því að Ísrael sé
„lýðræðislegt gyð-
ingaríki“.
Edmund Bellersen
Höfundur er tæknifræðingur.
Góður gestur kom
hingað til lands í vik-
unni. Lars Christian-
sen frá Danske Bank
var kjarnyrtur líkt og
þegar hann varaði Ís-
lendinga við útþenslu
íslensku bankanna ár-
ið 2006. Lars kveður
Íslendinga hafa lítinn
efnahagslegan ávinn-
ing af aðild að Evrópu-
sambandinu. Ákvörð-
unin væri pólitísk fremur en
efnahagsleg. Og nei-við-Icesave
hamlar ekki hagvexti, segir Lars.
Hann er bjartsýnn á þróun íslenska
hagkerfisins. Christiansen er ekki í
pólitík.
Hvoru tveggja áhugaverðar yfir-
lýsingar. Ekki síst í ljósi síbylju elít-
unnar um að allt færi á versta veg ef
þjóðin hafnaði Icesave.
Lars mætti í Kastljós og auðvitað
kom hvorugt til umræðu. Hinn
danski gestur furðaði sig á því að
þurfa að verja hendur
sínar af ásökunum um
bjartsýni fyrir Íslands
hönd. Hann furðaði sig
á þunglyndinu. Und-
anfarnar vikur og mán-
uði hefur elítan í land-
inu talað kjark úr
þjóðinni. Hér ætti allt
að fara á versta veg ef
þjóðin hafnaði Icesave.
Sjálfur forsætisráð-
herra þjóðarinnar hefur
fært heimsbyggðinni
þau tíðindi að hér fari
allt í kaldakol!
Nú segist elítan með ráðherra í
broddi fylkingar komin í „hetjulega
vörn“ fyrir Íslands hönd. Auðvitað
er það bábilja. Með Icesave-málinu
urðu þau þáttaskil í íslenskri sögu að
ríkisstjórn Íslands tók útlenda hags-
muni fram yfir íslenska. Hvernig
getur þjóðin treyst þessu sama fólki
að halda á hagsmunum Íslands?
Sporin hræða.
Það var að vonum að skoðun Lars
á Icesave kæmi ekki til umræðu í
Kastljósi. „Við ræðum ekki Icesave,“
sagði Þóra Arnórsdóttir efnislega
við Lars og sleit samtalinu. Hún var
sjálfri sér samkvæm. Í svokölluðum
fræðsluþætti RÚV hafði hún ein-
vörðungu dregið á flot útlendar hót-
anir í garð Íslendinga. Sleppt til
dæmis að minnast á Financial Times
og The Wall Street Journal sem
höfðu hvatt Íslendinga til þess að
hafna Icesave.
Auðvitað finnst Kastljósi engin
ástæða til að ræða skoðun Lars
Christiansen þess efnis að nei-við-
Icesave sé bara allt í lagi.
Við ræðum ekki Icesave
Eftir Hall Hallsson
Hallur Hallsson
» Auðvitað finnst
Kastljósi engin
ástæða að ræða skoðun
Lars Christiansen þess
efnis að nei-við-Icesave
sé bara allt í lagi.
Höfundur er blaðamaður
og rithöfundur.
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali
Bréf til blaðsins
Ég ætlaði varla að trúa mínum aug-
um er ég las í Morgunblaðinu um
daginn, að haft var eftir einum af ráð-
herrum rík-
isstjórnarinnar að
nú yrðum við að
drífa okkur finna
nýja markaði fyrir
þá fiskafurð sem
Japanir hefðu ætl-
að að kaupa af
okkur (þvílík
smán.)
Auðvitað áttum
við að senda Jap-
önum alla þá fiskafurð sem þeir ætl-
uðu að kaupa af okkur og vera ekkert
að spyrja að því hvort þeir borguðu
okkur eða ekki.
Öll loðnuhrognin og loðnuna sem
aðrar þjóðir hafa ekki keypt af okkur
nema í litlum mæli
Við höfum áður lent í afar slæmum
atburðum eins og að sleppa síld-
arvertíð, það var þegar síldin hvarf
fyrir austan land 1967-68 á einni
nóttu. Þá var við völd ríkisstjórn sem
kunni að taka á vandanum, viðreisn-
arstjórnin með Bjarna heitnum
Benediktssyni. Japanir eru ein af
okkar bestu vinaþjóðum og við-
skiptaþjóðum, það er alveg klárt að
Japan verður ekki lengi að reisa sig
úr öskustónni, þeir hafa sýnt það áð-
ur. Ísland er skuldum vafið eins og
skrattinn skömmunum og okkur
munar ekkert um að sleppa einni
loðnuvertíð.
Ríkisstjórnin er hvort sem er búin
að blóðmjólka lítilmagnann með
sköttum og hefur ekkert að gera við
meiri peninga til að sóa í alls konar
gæluverkefni eins og Hörpuna (tón-
listarhús) sem mun kosta tugi millj-
arða króna.
Í kringum Ísland er allt fullt af
fiski, bæði uppsjávarfiski og botn-
fiski. Ef bara við fengjum að njóta
þess sjálfir að veiða þann fisk. Allt er
þessari ríkisstjórnaróværu til
skammar. Það er rifist og skammast
yfir smæstu atriðum en ef eitthvað
skynsamlegt kemur um aukin verk-
efni þá er allt haft á hornum sér,
fundið að öllu svo ekkert verður gert.
Það virðist sem allir aðilar sem eitt-
hvað vilja koma okkur í gegnum
þessa kreppu séu löngu búnir að gef-
ast upp á þessari ólánsríkisstjórn.
Best væri náttúrlega að kjósa sem
allra fyrst, láta fólkið í landinu sýna
svart á hvítu hvaða trú það hafi á rík-
isstjórninni.
Mér er alla tíð í minni 1947-1948
þegar þýsku togararnir komu hingað
í boði okkar er Hvalfjarðarsíldin stóð
sem hæst og síldinni var sturtað bara
úr bátunum í togarana. Þjóðverjar
voru okkur afar þakklátir þar sem
þjóð þeirra var í sárum eftir seinni
heimstyrjöldina og milljónir sak-
lausra borgara sultu, sem enga sök
áttu á þessari brjálæðislegu styrjöld.
KARL JÓHANN ORMSSON,
fv. deildarstjóri.
Hjálpum japönsku þjóðinni
Frá Karli Jóhanni Ormssyni
Karl J.
Ormsson
Eini stjórnmálaflokkurinn sem ekki
hefur gert upp „hrunið“ er Samfylk-
ingin. Enn sitja hrunráðherrarnir
Jóhanna
Sigurðardóttir og
Össur Skarphéð-
insson, enn er
fyrrv. banka-
málaráðherra í
þingflokknum, og
Samfylkingin sá
svo um að enginn
af þeirra ráðherr-
um kæmu fyrir
landsdóm og ætl-
ar að kenna einum manni um hrunið.
Hafi þingmenn Samfylkingarinnar
ævarandi skömm fyrir.
En þegar forsaga þessa fólks er
skoðuð þá þarf engan að undra
svona framkoma af þeirra hálfu. Við
höfum nú búið við verstu ríkisstjórn
frá lýðveldisstofnuninni. Allt snýst
um að leika sér að fjöreggi þjóð-
arinnar og láta almenning blæða.
Það er athyglisvert að í öllum hruna-
dansinum sem óneitanlega hefur
verið hvað mestur í kringum Baug,
Jón Ásgeir og Kaupþing, þá minnist
Jóhanna ekki einu orði á þessa aðila.
Hver er ástæðan? Jú, Baugur og
Kaupþing voru eins konar gæludýr
Samfylkingarinnar sem var stjórn-
málaarmur Baugs. Haldið þið að það
gæti gerst einhvers staðar annars
staðar í heiminum að sá sem gekk
harðast fram í hruninu skuli eiga og
reka sjónvarpsstöð og fréttablað enn
þann dag í dag? Nei, þetta gæti ekki
gerst og getur ekki gerst nema und-
ir verndarvæng forsætis- og fjár-
málaráðherra, Jóhönnu og Stein-
gríms. Það er líka athyglisvert að
það er hægt að afskrifa múltí-
milljónir hjá þessum vinum Sam-
fylkingarinnar, en ekki krónu hjá
skuldugri og skattpíndri alþýðu
þessa lands. Og nú ætlar hún að
gera okkur að Icsave-þrælum það
sem við eigum eftir ólifað. Ég segi
nei. Skammastu þín, Jóhanna.
Borgarbúar hafa nú reynt á eigin
skinni að leikarar eiga að vera í leik-
húsinu, en ekki fá að leika sér með
fólk. Dagur B. Eggertsson og Oddný
Sturludóttir eru af 101-klíkunni sem
situr á kaffihúsum í 101 og sötrar
hvítvín á daginn. Dagur hefur löngu
sýnt að hann er froðusnakkur, en nú
er komið í ljós að Oddný Sturludóttir
er engu betri. Árásir þeirra á barna-
fjölskyldur eiga sér engin fordæmi,
hrokinn og mannfyrirlitningin sem
þessu unga fólki er sýnd, er í nýjum
hæðum. Aldrei fyrr hefur verið veg-
ið jafn óvægið að menntun barnanna
okkar. Og á sama tíma er útsvarið
hækkað upp úr öllu valdi, og einka-
væðingin sem aldrei fyrr. Sannleik-
urinn er bara sá að þetta er Sam-
fylkingin; svona vinnur hún. Í
guðsbænum látið þetta fólk aldrei fá
atkvæðið ykkar.
ÓMAR SIGURÐSSON,
skipstjóri.
Hin dauða hönd Samfylkingarinnar
Frá Ómari Sigurðssyni
Ómar
Sigurðsson
Móttaka aðsendra greina
Morgunblaðið birtir alla út-
gáfudaga aðsendar umræðu-
greinar frá lesendum. Blaðið
áskilur sér rétt til að hafna
greinum, stytta texta í samráði
við höfunda og ákveða hvort
grein birtist í umræðunni eða í
bréfum til blaðsins.
Blaðið birtir ekki greinar, sem
eru skrifaðar fyrst og fremst til
að kynna starfsemi einstakra
stofnana, fyrirtækja eða samtaka
eða til að kynna viðburði, svo
sem fundi og ráðstefnur.
Þeir sem þurfa að senda Morg-
unblaðinu greinar eru vinsam-
lega beðnir að nota innsendikerfi
blaðsins. Formið má m.a. finna
undir Morgunblaðshausnum efst
t.h. á forsíðu mbl.is. Einnig er
hægt að slá inn slóðina
www.mbl.is/sendagrein.
Nánari upplýsingar gefur
starfsfólk greinadeildar.