Siglfirðingur - 03.07.1948, Blaðsíða 3

8
SIGLFIIt 9INÖUB
9
Alyktanir
Utanríkismál
LANDSFUNDURINN leggur á-
'herzlu á, að alþjóð manna geri sér
fyllsta grein fyrir þeirri gífur-
legu breytingu, sem orðið hefur á
aðstöðu íslands til annarra þjóða
og alþjóðamála á síðustu árum,
vegna þess að íslendingar eru með
stofnun lýðveldisins, orðnir sjálf-
stæður aðili í alþjóðamálum, og
með aukinni tækni hafa viðskipti
okkar við útlönd margfaldast, en
við það hefur hagur þjóðarinnar
orðið háðari erlendum viðskiptum
en áður var.
Fundinum er að sönnu ljóst, að
áhrif Islands verða ætíð harla lítil
á alþjóðavettvangi, en hann telur,
að sú staðreynd megi ekki verða
til þess, að landsmenn láti undir
höfuð leggjast að marka skýrt af-
stöðu s'ina gagmvart megmstefnum
heimsmálanna, vegna þeirra marg-
víslegu áhrifa, sem úrslit alþjóða-
mála geta haft á hag íslenzku
þjóðarinnar.
Til að tryggja sjálfstæði íslands
og frelsi, og vegna hagsmuna þess
í bráð og legnd, telur fundurinn
einsælt, að Islandi beri að skipa
sér í hóp annarra vestrænna lýð-
ræðisþjóða, sem þjóðin á sam-
fylgd með vegna legu landsins,
menningar sjálfrar hennar og
stjórnskipunar.
Fundurinn telur þess vegna sjálf
sagt, að ísland taki þátt í viðleitni
þessara ríkja til eflingar friðinum
í heiminum og endurreisnar starfi
þeirra, svo sem samtökum þeim
um viðreisn Evrópu, sem kennd er
við Marshall-áætlunina, enda er
augljóst, að slík endúrreisn miðar
að því að skapa það jafnvægi í
heiminum, sem bezt tryggir frið-
inn, auk þess, sem hún er Islandi
sjálfu fjárhagsleg nauðsyn, beint
og óbeint.
Fundurinn telur, að þannig og
með svipuðum hætti eigi ísland að
stuðla að því, að friður haldist í
heiminum og velsæld aukizt, enda
hefur þátttaka landsins í Samein-
uðu þjóðumun og meðferð at-
kvæðisréttar þess þar þegar sýnt
eindreginn hug landsmanna í þessu
efni
Hlutverk
utanríkisþjónustuiuiar
Landsfundurinn fagnar því
hversu mikið hefur áunnizt að afla
markaða fyrir íslenzkar fram-
leiðsluvörur á árunum eftir stríðs-
lok, þegar aðstaða öll gerbreyttist
frá þvi, sem áður var. Vegna við-
skiptaástandsins í heiminum hefur
utanríkisþjónusta landsins orðið að
hafa forgöngu í nær öllum þessum
viðskiptum, eða veita til þeirra at-
þeina sinn á einn eða annan veg.
landsíundar Sjálfstæðisflokksins
Islendingar nieðal vestrænna lýðræðisþjóða
frjálsræði í atvinnurekstri, atvinnuöryggi o.fL
Fundurinn télur þess vegna, að
fáu fé sé betur varið en því, sem
fer til utanríkisþjónustunnar, og
beri ‘þó að hafa í huga, að þótt
viðsk.málin hljóti að verða aðal-
viðfangsefni utanrdkisþjónustu Is-
lands, þá verður hún einnig að
fjalla um venjuleg milliríkjastjórn-
mál og efla menningarsambönd,
einkum við þær þjóðir, sem eru Is-
lendingum skyldastar.
Fundurinn þakkar öllum þeim,
sem hlut eiga að máli, hversu vel
hefur tekizt í þessum efnum á
fyrstu árum lýðveldisins, og væntir
að áframhaldið verði jafn giftu-
ríkt og upphafið, enda lýsir fund-
urinn eindregnu fylgi s'inu við
stefn þá í utanríkismálum, sem
ráðherrar flokksins hafa markað.
Samniugurina um
Keflavíkuillugvöllinn
Landsfundurinn þakkar fyrrver-
andi ráðherrum flokksins og þing-
mönnum öllum fyrir þá einbeittu
og þjóðhollu afstöðu, sem þeir
tóku til samningagerðarinnar um
Keflavikurflugvöll og brottför hins
erlenda setuliðs héðan af landi.
Telur fundurinn, að afstaða þeirra
hafi ein verið í samræmi við hags-
muni landsins og vítir framkomu
þeirra, sem af þjónkun við ímynd-
aða hagsmuni erlendis stórveldis
snerust öndverðir gegn svo sjálf-
sagðri samningagerð og beittu
ósæmilegum aðferðum í þessari
baráttu sinni.
Endurskoðun
stjórnarskrárinnar
LANDSFUNDURINN telur, aó
við endurskoðun stjórnarskrár-
innar beri m.a. að tryggja eftir-
farandi:
1. Lýðræði, þingræði og almenn
mannréttindi.
2. Sérstakar ráðstafanir til að
gera stjórnarmyndun auðveld-
ari en nú er og koma þannig í
veg fyrir langvarandi stjórnar-
kreppur.
3. Gætilega afgreiðslu fjárlaga.
4. Að forseti íslands sé fulltrúi
þjóðarinnar allrar, sem hún
geti sameinast um á örlagia-
stundum og því beri að varast
þær tillögur, sem fram hafa
komið um að draga hann inn
í dægurþras stjórnmálanna.
5. Að fundin verði eðlileg leið til
að efla raunverulegt vald hér-
aðanna og koma í veg fyrir
sameiningu allrar stjórnar á
málefnum landsmanna á einn
stað, en varar jafnframt við til-
lögum, er fram hafa komið og
taldar eru til eflingar á valdi
héraðanna en raunverulega
miða að því að veita einum
stjórnmálaflokki langtum
meira vald, en hann hefur lýð-
ræðislegan rétt til.
Frjálsrœði í
atvinnurekstri
Landsfundurinn telur, að höml-
ur þær. sem settar hafa verið á
frjálsræði ’i atvinnurekstri lands-
manna og fraratak einstaklingsins
henti ekki til lengdar hér á landi,
heldur verði -þetta hvort tveggja
að fá að njóta sín sem bezt, ef
heilbrigt atvinnulif á að eflast og
hagsóld almemiings að aukast.
Hinsvegar viðurkennir fundur-
inn þau sérstöku atvik, sem eru
fyrir hendi, á meðan milliríkjavið-
skipti eru drepin í þann dróma, að
höfuðframleiðsluvörur lands-
manna verða ekki seldar né nauð-
synjar þeirra keyptar nema með
milliríkjasamningum, og kaup-
gjalds- og verðlagsmálum lands-
manna er þannig skipað, að vinnu-
afl og fjármagn flýr framleiðsl-
una, en slíkt hlýtur að leiða til j
margskonar hamla og takmarkana
innanlands.
Fundurinn telur, að jafnskjótt
og þessar ástæður hverfa, verði
að láta af öllum hömlum, sem af
þeim leiðir, en vekur þó athygli á,
að eina leiðin til að svo megi verða
er, að áhrif Sjálfstæðisflokksins
aukizt á Alþingi frá þvi sem nú
er, þar sem allir hinir flokkarnir
vilja, í andstöðu við Sjálfstæðis-
flokkinn, mikil skipti ríkisins af
atvinnurekstri og hömlur á fram-
tak einstaklinganna.
m - - • -tr r-rxa r - - - •
V erzlunarmál
LANDSFUNDURINN telur það
öllum landslýð hagkvæmast, að
verzlun inn á við og út á við, sé
frjáls og er mótfallinn ríkisverzlun.
Fundurinn vill, að einkaverzlun
og samvinnuverzlun starfi hlið við
hlið í frjálsri samkeppni og á jafn-
réttisgrundvelli.
Fundurinn telur hina mestu
nauðsyn á því að koma á heil-
brigðum verzlunarjöfnuði við út-
lönd, bæði með aukningu fram-
leiðslu útflutningsverðmæta og
öðrum ráðstöfunum í þá átt, svo
sem innlendum iðnaði og telur það
undirstöðuatriði þess, að verzlun
viðskipti komizt í heilbrigt horf.
Landsfundurinn viðurkennir, að
núverandi ástand í viðskiptamál-
xun, innanlands og utan, geri það
illa en óhjákvæmilega nauðsyn að
hafa um stund eftirlit af hálfu
ríkisvaldsins með verzlun og við-
skiptum við útlönd, en leggur
áherzlu á, að stefnt sé að því að
losa um slík höft eins fljótt og
ástæður leyfa, með það fyrir aug-
um, að bæði innflutnings- og út-
flutningsverzlun verði frjáls með
öllu. ,
Landsfundurinn leggur áherzlu
á, að meðan ekki þykir fært að
taka upp frjálsa verzlun við önnur
lönd, sé leitazt við að tryggja sann-
gjarna vörudreifingu milli lands-
hluta. Ennfremur sé tryggt, svo
sem unnt er, jafnrétti þeirra, sem
með verzlun fara og leitazt við að
láta verzlunarhömlurnar ekki færa
hana úr eðlilegum farvegum, enda
sé fylgt fram þeirri meglnreglu
Fjárhagsráðslaganna „að láta þá
sitja fyrir innflutningsleyfum, sem
bezt og hagkvæmust innkaup gera,
og ftýna fram á, að þeir selji vörur
sínar ódýrast ’i landinu."
Með þetta fyrir augum, telur
fundurinn nauðsynlegt, að gagnger
endurskoðun verði látin fara fram
á núgildandi úthlutunarreglum á
gjoldeyris— og innflutningsleifum,
svo að tryggt sé, að þau verði
veitt eftir föstum og ákveðnum
grundvallarreglum, en komið verði
í veg fyrir misrétti og handahóf,
enda gefizt aðilum kostur á að
fylgjast með, hvernig úthlutun
hefir verið hagað.
Hinsvegar er landsfundurinn
eindregið mótfallinn þeim tillögum
að láta skilaða skömmtunarseðla
ráða um veitingu innflutningsleyfa
þar sem það myndi brjóta í bág við
áðurnefnda reglu, binda hendur
kaupendanna, leiða til óheppilegr-
ar keppni um skömmtunarseðla og
koma af stað launverzlun með þá.
Landsfundurinn telur brýna þörf
á, að framkvæmd Fjárhagsráðs-
laganna verði komið í einfaldara
og hentara form en nú er, þannig,
að almenningur þurfi eigi að eiga
við nema einn aðila um leyfi til
nnflutnings. Verður og að tryggja
að þegar fjárfestingar- og gjald-
eyrisleyfi hafa verið veitt, sé
gjaldeyrir fyrir hendi, svo að
leyfin komi að gagni.
Landsfundurinn telur, að endur-
skoða þurfi verðlagsákvæði þau,
sem nú gilda, svo að tryggð sé, að
(Framliald á 5. síðu)