Morgunblaðið - 09.05.2011, Blaðsíða 12

12 FRÉTTIRInnlent
MORGUNBLAÐIÐ MÁNUDAGUR 9. MAÍ 2011
Ágúst Ingi Jónsson
aij@mbl.is
Hátt í hálf milljón vörubretta er
notuð hér á landi árlega. Flest eru
þessi bretti aðeins einnota því þau
fara í flestum tilvikum til útlanda
undir frystum sjávarafurðum. Í öll
þessi bretti fer eðlilega mikið af
timbri sem hefur að mestu verið
flutt inn frá Eystrasaltslöndunum
með ærnum tilkostnaði. Á þessu er
að verða breyting því farið er að
nota lerki úr skógum á Austurlandi
í þessa vinnslu og ljóst að sú notk-
un á eftir að vaxa verulega á næstu
árum. Smíði vörubretta úr íslensk-
um og innfluttum trjáviði er að
hefjast að Bessastöðum í Fljótsdal,
skammt innan við Hallormsstað.
Þrjú fyrirtæki eru stærst í smíði
vörubretta hér á landi, en síðan
starfa fjölmargir minni aðilar við
brettasmíði úti um land og þjóna
þá gjarnan fyrirtækjum í sinni
heimabyggð. Stóru skipafélögin,
Eimskip og Samskip, flytja mikið
af timbri til landsins, einnig skip
sem koma hingað með lausfragt og
loks kemur til landsins sérstakt
timburflutningaskip á um sex mán-
aða fresti.
Verð á timbri hefur hækkað á
síðustu árum og hjálpast þar að
hráefnisverð, flutningskostnaður
og að gengi krónunnar er lágt mið-
að við það sem það var hæst. Því
er talið hagkvæmt að nýta afurðir
íslenskra skóga til þessarar
vinnslu.
Viðurinn keyptur af Skóg-
ræktinni og skógarbændum
Brettasmiðjan er eitt þriggja
stærstu fyrirtækjanna í þessum
iðnaði. Fyrirtækið er með sjö
starfsmenn í Hafnarfirði, fjóra á
Dalvík og í byrjun þessa árs var
byrjað að setja upp aðstöðu á
Bessastöðum í Fljótsdalshreppi.
Þar verða þrír starfsmenn í sumar
og mun væntanlega fjölga þegar
fram í sækir. Hráefnið verður
keypt af Skógræktinni og skógar-
bændum, en jafnframt flutt inn.
Hermann Hermannsson, fram-
kvæmdastjóri Brettasmiðjunnar,
segir að um spennandi tilraun sé
að ræða. „Ég horfi á starfsemina
fyrir austan sem tilraun til þriggja
ára, en í raun er um spennandi
langhlaup að ræða“ segir Her-
mann. Hann segir að fura og greni
hafi einkum verið notuð í brettin,
en íslenska lerkið geti komið í stað
þessara tegunda.
„Eins og staðan er núna þá eru
skógarnir ungir eða innan við 40
ára og enn vantar hráefni. Í sumar
verður viðnum safnað og hann síð-
an sagaður og brettin smíðuð
næsta vetur. Við flytjum áfram inn
mest af timbrinu og munum þá
skipa hluta þess upp á Reyðarfirði
til að vinna áfram uppi á Héraði.
Það er langt þangað til við getum
hætt þessum innflutningi.
Í byrjun er það Akkilesarhæll
hversu grannir bolirnir eru. Það er
miklu hagkvæmara að vinna efnið
úr sverum bolum, sem skila mörg-
um stykkjum, en það er vissulega
hægt að nota þetta granna efni. Til
þessa hefur mest af efninu verið
kurlað og brennt en með hverju
árinu verður hægt að nota viðinn
til frekari vinnslu,“ segir Her-
mann.
Brettasmíði á Bessastöðum
 Hátt í hálf milljón bretta notuð hér árlega  Byrjað að smíða vörubretti úr skógum á Héraði
 Í raun um spennandi langhlaup að ræða, segir framkvæmdastjóri Brettasmiðjunnar
Morgunblaðið/Kristinn
Möguleikar Með hverju árinu sem líður aukast möguleikar til vinnslu á ís-
lenskum trjáviði. Myndin er tekin á Tumastöðum.
Síðustu vikur hefur eftirspurn
eftir innlendu hjallaefni aukist,
segir á heimasíðu Skógræktar
ríkisins í lok apríl. Starfsmenn
Suðurlandsdeildar Skógræktar-
innar unnu þá að því að finna til
og flokka efni til sölu. Helsta
skýring á þessari aukningu nú er
að fiskihjallar á sunnanverðu
landinu hafa skemmst í stórviðr-
um vetrarins, segir á skogur.is
Fiskihjallarnir eru byggðir upp
með stoðum, ásum og spírum.
Aukin spurn
eftir hjallaefni
SKEMMDIR FISKIHJALLAR
Veðurguðirnir léku loksins al-
mennilega við höfuðborgarbúa í
gærdag og bættu upp fyrir rysjótt
veður í apríl. Og sólþyrstir létu þeir
ekki segja sér það tvisvar; morgun-
kaffið var drukkið á veröndinni,
haldið í sundferð, ís sleiktur og sól-
böð stunduð í Nauthólsvík.
Samkvæmt spá Veðurstofu Ís-
lands var þó aðeins um einn góðan
dag að ræða í þetta skipti og kólnar
aðeins og rignir að líkum í dag.
Fínn Þeir sem þá eiga renndu sparibílum út úr bílskúrum og fóru á rúntinn. Klæðalaus Þó svo handklæðið gleymdist heima dó ungi maðurinn ekki ráðalaus og fann sér annan betri stað.
Kæling Þegar hitinn verður of mikill er gott að kæla sig með ljúf-
fengum rjómaís. Hann kvartar alla vega ekki þessi ungi maður.
Morgunblaðið/Árni Sæberg
Leikur sér Unga fólkið nýtur sín hvað best á svo sólríkum dögum.
Uppstillt Fjölmennt var í flestum ef ekki öllum sundlaug-
um höfuðborgarsvæðisins og var gleðin víða við völd.
Blíða í
borginni
Kaggar Félagar í Kvartmíluklúbbnum söfnuðust saman og viðruðu bíla í Nauthólsvík.