Morgunblaðið - 15.07.2011, Síða 6

FRÉTTASKÝRING
Egill Ólafsson
egol@mbl.is
Hvorki fjármálaráðherra né forstjóri
Byrs vilja gefa upp hvert kaupverð
Byrs er. Fjármálaráðherra segir að
ríkissjóður muni ekki bera frekari út-
gjöld af Byr, en hann lagði fram 900
milljónir þegar bankinn var stofnað-
ur. Samkvæmt heimildum Morgun-
blaðsins komu tvö tilboð í Byr: frá Ís-
landsbanka og MP-banka.
Landsbanki og Arion banki skiluðu
ekki inn lokatilboðum.
Fjármálaeftirlitið tók Byr yfir í
apríl á síðasta ári og skipaði honum
slitastjórn, en eiginfjárhlutfall spari-
sjóðsins hafði þá verið undir mörkum
í talsverðan tíma og hann gat ekki
staðið við skuldbindingar gagnvart
lánardrottnum.
Ákveðið var að endurreisa bank-
ann sem hlutafélag en ekki sparisjóð.
Steingrímur J. Sigfússon fjármála-
ráðherra segir að það hafi verið gert
vegna þess að menn vildu leita leiða
til að komast hjá því að ríkið þyrfti að
endurfjármagna bankann sem hefði
þýtt mjög mikil viðbótarútgjöld.
„Síðan tókust samningar um að
slitastjórn myndi fjármagna bankann
og ríkið þyrfti ekki að leggja meira af
mörkum en stofnféð. Það kom síðar í
ljós að bankinn myndi þurfa meira fé
en upphaflegi endurfjármögnunar-
samningurinn gerði ráð fyrir og þá
var alveg ljóst að hvorki slitastjórn né
ríkið hefðu áhuga á að reiða það fram.
Niðurstaðan var því að láta á það
reyna hvort hægt væri að selja starf-
semina,“ segir Steingrímur.
Í fréttatilkynningu sem gefin var
út í gær er ekki upplýst um kaup-
verðið og Steingrímur vill ekki tjá sig
um það. Hann var spurður hvort rík-
issjóður myndi bókfæra einhvern
hagnað af sölu Byrs. „Nei, það verður
ekki. Ég tel að það verði mjög gott ef
við fáum í grófum dráttum þá fjár-
muni til baka sem lagðir voru fram
við stofnun bankans.“
Steingrímur gerði ríkisstjórninni
grein fyrir málinu á þriðjudaginn.
Hann minnti á að Samkeppniseftirlit-
ið, Fjármálaeftirlitið og eftir atvikum
ESA ættu eftir að samþykkja samn-
ingana. „Ég held að það sé mjög gott
að það tókst að klára þetta eins og
lagt var upp með,“ sagði Steingrím-
ur.
Tvö tilboð bárust
Ákvörðun um að selja Byr var tek-
in á kröfuhafafundi í apríl sl. Í júní
skiluðu allir bankarnir inn óskuld-
bindandi tilboðum í bankann. Þeir
fengu þá frekari upplýsingar um
stöðu hans. Í framhaldinu skiluðu Ís-
landsbanki og MP-banki sl. föstudag
inn tilboðum í bankann og var tilboði
Íslandsbanka tekið. Einn heimildar-
maður blaðsins úr í einum bankanna
sagði að upplýsingar um fjárhags-
stöðu Byrs hefðu leitt til þess að við-
komandi banki hefði ákveðið að gera
ekki tilboð í sparisjóðinn.
Eins og áður segir hefur kaupverð-
ið ekki verið gefið upp og ekki hefur
heldur verið upplýst um raunveru-
lega fjárhagsstöðu Byrs, en bankinn
er ekki búinn að skila ársreikningi.
Fjármálaeftirlitið er búið að leggja
dagsektir á bankann vegna þess. Jón
Finnbogason, forstjóri Byrs, segir
flókið mál að setja upp ársreikning
eftir að banki hafi farið í slitameðferð.
Það hafi tekið Landsbankann 13
mánuði að skila fyrsta reikningnum
eftir hrun.
Jón fullyrti að eigið fé Byrs væri
jákvætt. Gunnar Andersen, forstjóri
FME, segir að þó bókfært fé sé já-
kvætt uppfylli bankinn ekki skilyrði
eftirlitsins um eiginfjárhlutfall og
hafi ekki gert það í talsverðan tíma.
Byr er í 85% hluta í eigu slita-
stjórnar Byrs en 15% er í eigu rík-
issjóðs. Verðmæti innlána í Byr er
um 130 milljarðar og segir Stein-
grímur J. mikilvægt að þau séu kom-
in í skjól hjá öflugum banka.
Fjármálaeftirlitið á eftir að sam-
þykkja sölu Byrs og m.a. fara yfir
hvaða áhrif salan hefur á eiginfjár-
hlutfall Íslandsbanka. Talið er víst að
eiginfjárhlutfallið lækki við kaupin og
það endurspeglar m.a. veika fjár-
hagsstöðu Byrs.
Vilja ekki upplýsa um kaupverðið
Morgunblaðið/Eggert
Seldur Flest bendir til að merki Byrs hverfi síðar á þessu ári þegar bankinn rennur inn í Íslandsbanka. Fjármálaráðu-
neytið veitti Byr heimild til að taka allt að 5 milljarða króna víkjandi lán í fyrra. Byr hefur enn ekki notað þessa heimild.
 Landsbanki og Arion skiluðu ekki inn tilboðum í Byr  Fjármálaráðherra segir að ríkissjóður ætti
ekki að verða fyrir frekari útgjöldum vegna Byrs  Eiginfjárhlutfall Íslandsbanka lækkar við kaupin
Sex útibú
» Byr rekur sex útibú á land-
inu, í Reykjavík, Kópavogi,
Hafnarfirði, Akureyri og
Reykjanesbæ. Íslandsbanki
rekur útibú á öllum þessum
stöðum. Ekkert liggur fyrir
hvort útibúum verður lokað.
» Um 200 starfsmenn starfa
hjá Byr og hafa þeir verið upp-
lýstir um stöðu málsins.
» Það tekur Fjármálaeftirlitið
og Samkeppniseftirlitið um tvo
mánuði að fara yfir samning-
ana og á meðan bíða starfs-
menn í óvissu.
6 FRÉTTIRInnlent
MORGUNBLAÐIÐ FÖSTUDAGUR 15. JÚLÍ 2011
María Elísabet Pallé
mep@mbl.is
Sjöunda Norðurlandamót öldunga í skák verður
haldið í fyrsta skiptið á Íslandi í september næst-
komandi. Stórmeistarinn Friðrik Ólafsson hefur
skráð sig til leiks ásamt fleiri stórmeisturum í
skák eins og Yrjo Rantanen og Heikki Westeri-
nen. Nú þegar hafa 33 skákmenn skráð sig til
leiks og bendir allt til þess að met verði slegið sem
sett var í Fredrikstad árið 2001, er 46 skákmenn
tóku þátt.
Fyrsta Norðurlandamót öldunga var haldið í
Karlstad í Svíþjóð árið 1999 en síðan hefur mótið
verið haldið annað hvert ár. Íslendingar hafa aldr-
ei fjölmennt á mótin og hafa mest 1-2 keppendur
frá Íslandi tekið þátt að sögn Gunnars Björns-
sonar, formanns Skáksambands Íslands. „Það
hefur orðið kippur í öldungastarfi í skák á Íslandi
og það eru nokkur virk félög öldunga í skák, bæði
í Reykjavík og Hafnarfirði, en hlutfallið er mjög
óhagstætt konum þar sem aðeins karlmenn hafa
skráð sig í mótið sem haldið verður eftir um tvo
mánuði,“ segir Gunnar.
Friðrik að öllum líkindum stigahæstur
„Það eru óvenjulega sterkir skákmenn sem
ætla að taka þátt núna og miklu fleiri góðir en oft
hefur verið,“ segir Gunnar. „Íslendingar hafa
hingað til ekki komist í efstu röð á þessum Norð-
urlandamótum. Þetta er kjörið tækifæri fyrir
menn að tefla við kollega sína frá Norðurlönd-
unum,“ segir Gunnar.
því að skrásetja 50 ára skákferil sinn og býst við
að gefa verkið út þegar því hefur verið lokið. „Já,
ég er spenntur fyrir að taka þátt, það er alltaf
gaman að tefla þó maður sé nú orðinn frekar latur
við það en ég hef aðeins fylgst með. Maður þarf
mikinn kraft í að tefla, eldmóð og einbeitni. Maður
er nú ekki lengur tvítugur,“ segir Friðrik en hann
hefur lítið teflt á undarförnum árum. „Ég reikna
með því að ég rifji aðeins upp mannganginn og
skoði það sem hefur verið að gerast til að þjálfa
upp hugsunina, það er ákveðinn rútína að koma
heilafrumunum í gang. Maður gleymir því nú
aldrei sem gert hefur verið sæmilega,“ segir Frið-
rik að endingu.
„Ég skráði mig en það er spurning hvort tím-
inn passi, ég geri samt ráð fyrir því,“ segir Friðrik
Ólafsson, stórmeistari í skák, 76 ára að aldri.
Hann segist hafa skráð sig því skorað hafi verið á
hann og einnig vegna þess að þetta er í fyrsta
skiptið sem mótið er haldið á Íslandi og því meiri
möguleikar að hann geti verið með. „Ég virðist
vera stigahæstur af þessum þátttakendum,“ segir
Friðrik.
Friðrik hefur undanfarin ár sinnt áhuga-
málum sínum, eins og ferðalögum, tónlist, göngu-
ferðum og fleira. Hefur hann ferðast mikið með
skemmtiferðaskipum sem hann telur vera mjög
þægilegan ferðamáta. Einnig hefur hann unnið að
Stefnir í sterkasta Norðurlandamót
öldunga í skák sem fram hefur farið
 Mótið haldið hér á landi í fyrsta sinn í haust  Búist er við metþátttöku
Morgunblaðið/Ómar
Skák Friðrik Ólafsson mun líklega taka þátt í Norðurlandamóti öldunga í september næstkomandi.
Guðjón Guðmundsson, fram-
kvæmdastjóri Sambands ís-
lenskra sparisjóða, segir áhyggju-
efni hver áhrif af sölu Byrs verði
fyrir tölvumiðstöðina Teris sem
þjónustar sparisjóði og minni
fjármálastofnanir. Hann segir
óljóst hvernig gangi að aðlaga
starfsemina þegar þessi fjórði
stærsti banki landsins hverfi úr
samstarfinu. Hann minnir þó á að
þetta sé ekki í fyrsta skipti sem
fjármálastofnun hverfi úr þessu
samstarfi, en bæði Spron og
Sparisjóður Mýrasýslu hafa sam-
einast bönkunum.
Tölvukerfi
stóru bankanna
gerir ekki ráð
fyrir að það
þjónusti fleiri
en einn við-
skiptavin.
Minni fjármála-
stofnanir hafa
því með sér
þetta samstarf.
Stærsti við-
skiptavinur Teris er MP-banki.
Guðjón sagði hins vegar að
sala Byrs kynni að fela í sér ný
tækifæri fyrir sparisjóðina.
Hefur áhrif á aðra sparisjóði
MINNI FJÁRMÁLAFYRIRTÆKI REKA SAMAN TÖLVUMIÐSTÖÐ
Guðjón
Guðmundsson
Ný fram-
kvæmdastjórn
Sjúkrahússins á
Akureyri (FSA)
hefur ýtt úr vör
vinnu við framtíð-
arsýn og nýtt
skipurit sjúkra-
hússins og lofar
vinnan góðu.
Þetta kemur fram
í nýrri ályktun
læknaráðs FSA. Einnig er skýrslu
Ríkisendurskoðunar um starfsemi
sjúkrahússins fagnað. „Læknaráð
telur að merkja megi breytt og betri
vinnubrögð framkvæmdastjórnar
spítalans hvað upplýsingagjöf og
tengsl við starfsfólk, skjólstæðinga og
nánasta umhverfi varðar.“
Að mati læknaráðsins endurómuðu
þær áhyggjur sem komið hafa fram á
fjölmörgum læknaráðsfundum und-
anfarin ár, m.a. vegna viðvarandi
skorts á sérfræðilæknum á mörgum
deildum FSA. „Mönnun sérfræði-
lækna á Íslandi verður ekki tryggð
nema kaup, kjör og vinnuaðstaða séu
samkeppnishæf við það sem gerist í
þeim löndum sem við berum okkur
saman við. Kjör lækna á FSA þurfa
að vera samkeppnishæf við þau kjör
sem bjóðast á höfuðborgarsvæðinu,“
segir í ályktuninni. Jafnframt að
læknaráð muni óska eftir því við
framkvæmdastjórn að fulltrúar þess
og framkvæmdastjórnar komi saman
að ráðningarmálum með formlegum
hætti.
Betri vinnu-
brögð á FSA
Sjúkrahúsið
á Akureyri.