Morgunblaðið - 15.07.2011, Qupperneq 14

14 FRÉTTIRInnlent
MORGUNBLAÐIÐ FÖSTUDAGUR 15. JÚLÍ 2011
KORTIÐ GILDIR TIL
30.09.2011
MOGGAKLÚBBURINN
– MEIRA FYRIR ÁSKRIFENDUR
Allir fastir áskrifendur Morgunblaðsins eru sjálfkrafa félagar í Moggaklúbbnum og njóta ýmissa fríðinda og tilboða.
Hægt er að fylgjast með hvað er í boði hverju sinni á mbl.is/moggaklubburinn.
Hafðu samband í síma 569 1122 hafi Moggaklúbbskortið ekki borist þér.
HEILSU- OG DEKURFERÐ Á LÚXUSHÓTEL Í LITHÁEN
Innifalið í 15 daga dvöl er:
• Flugferðir og ferðir milli flugvalla og hótels
• Gisting í tveggja manna herbergjum með
öllum þægindum
• Morgun-, hádegis- og kvöldverðahlaðborð
• Viðtal við lækni staðarins sem gefur
hverjum gesti læknisskoðun og ráð
• Mismunandi meðferðir, svo sem leirböð,
míneralvatns-heilsuböð, jurta-freyðiböð,
ýmis konar sýruböð og sundleikfimi
MOGGAKLÚBBSTILBOÐ
Fullt verð er 286.000 kr. Moggaklúbbsverð 236.000 kr.
Brottför 18. september 2011.
Upplýsingar og bókanir á www.sunnuferdir.is eða í síma 555 4700.
FÁÐU ÞÉR ÁSKRIFT Á MBL.IS/ASKRIFT
EÐA Í SÍMA 569 1122
• Ein lækningameðferð samkvæmt læknis-
ráði, gæti til dæmis verið nudd í vatni,
sitjandi bað eða kalt bað
• Allir sem þess óska fá svo daglega klassískt
nudd í 10 mínútur, „kinesitherapy“
(hópmeðferð), læknandi sturtumeðferð
og „physiotherapy“
• Aðgangur að interneti
Ólafur Bernódusson
Skagaströnd | „Ég veit ekki
hvernig í andskotanum mér tókst
að ná inn fallhlífinni (rekakkerinu).
Ég var hangandi í henni þegar
þetta helltist yfir mig enda var
haugabræla eins og búið er að
vera í allt sumar,“ sagði Árni Þor-
gilsson eða Árni „Ekkert mál“ eins
og hann er oft kallaður manna á
milli. Þessi 72 ára gamli maður
varð aflahæstur allra strandveiði-
manna á síðasta sumri og hefur ró-
ið ótrauður í sumar á Nonna sín-
um.
Yfirleitt er það ekki í frásögur
færandi að Árni nái inn fallhlífinni
sinni en í þetta sinn var hann í
miðju hjartaáfalli þegar hann
þurfti að ná henni. Aleinn á Nonna
vestur við Strandir og tveggja
tíma stím heim til Skagastrandar.
„Ég var ekki alveg kominn með
skammtinn þegar ég fékk allt í
einu svakalegan verk í brjóstið og
fram í vinstri handlegginn. Ég hélt
nú fyrst að ég væri að dræpist
bara á staðnum en svo bráði örlítið
af mér og ég hringdi í lækninn.
Hann vildi endilega senda ein-
hverja til að ná í mig en ég kærði
mig ekkert um það. Ég sagði hon-
um að ég gæti alveg eins drepist
þarna sem ég var eins og í ein-
hverju sjúkrarúmi hjá honum. Svo
stillti ég bara sjálfstýringuna og
setti allt í botn heim. Skreið sjálf-
ur fram í og hringaði mig niður á
bekkinn. En það er alveg satt, ég
man ekki hvernig í fjandanum mér
tókst að ná fallhlífinni inn fyrir.“
- Þér hefur ekki dottið í hug að
skera hana bara frá þér?
„Nei, þetta er nýleg fallhlíf og
virkar svo helvíti vel. Ég held að
það hafi bjargað mér að geta bara
hringað mig niður og að þurfa ekki
að sitja uppréttur í stólnum. Það
voru soddan helvítis högg og læti á
leiðinni heim. Það fór allt á hvolf
hérna fram í hjá mér. Ég var um
tíma drulluhræddur um að brjóta
hann í verstu látunum.“
Læknirinn hringdi á björgunar-
sveitina Strönd á Skagaströnd og
bað þá um að vera klára á björg-
unarskipinu Húnabjörg ef á þyrfti
að halda. Sagði hann björgunar-
sveitarmönnunum að ekkert annað
væri hægt að gera þar sem Árni
neitaði allri hjálp.
Aðalkransæðin 90% stífluð
Árni komst síðan í höfn þar sem
hann var studdur í sjúkrabíl og
fluttur með blikkandi ljósum á
Sjúkrahúsið á Akureyri. Við
hjartaþræðingu kom svo í ljós að
aðalkransæðin var 90% stífluð og
var hún fóðruð ásamt öðrum
minni.
Tíu dögum eftir aðgerðina var
Árni aftur mættur á bryggjuna til
að laga til í bátnum eftir heimferð-
ina og taka sér ís. Fréttaritari
spurði Árna hvort sumarið væri
ekki búið hjá honum, hvort hann
mætti nokkuð gera á næstunni?
„Nei, þeir létu mig lofa að fara
varlega. Ég ætla kannski að leika
mér eitthvað hérna norður með
landinu ef það gefur – bara svona
eitthvað létt,“ sagði Árni og hló.
Heldur áfram að róa
Segja má að Árni fari ekki ná-
kvæmlega eftir fyrirmælum
læknanna því hann hefur haldið
áfram að róa einn á Nonna sínum
og náð í skammtinn sinn þrátt fyr-
ir endalausar norðanbrælur. Þegar
fréttaritari minnti Árna á fyrir-
mæli læknisins sagði hann glott-
andi: „Þetta er allt í lagi það er
búið að laga dæluna og það hlýtur
að endast eitthvað. Annars finnst
mér það svo sem ekki merkileg
ending að vera að bila eftir 72 ár.“
Árni viðurkennir þó að hann sé
ekki orðinn samur og áður. „Mað-
ur er alveg þreklaus. Ég er að
reyna að hvíla mig svolítið inn á
milli en það er bara þessi enda-
lausi veltingur sem er verstur.“
Árni „Ekkert mál“ hefur verið á
sjó frá því hann var 14 ára gamall.
Hann var m.a. frumkvöðull í út-
hafsrækjuveiðum á bát sínum Sig-
rúnu ÍS 113 árið 1974. „Við vorum
tveir sem byrjuðum á úthafsrækj-
unni; ég og Ragnar á Dalborginni.
Þú sérð að maður er búinn að vera
á sjó alla sína hundstíð og kann
andskotann ekkert annað. Ætli sé
ekki best að maður endi þar þá
líka?“ spyr þessi kappsama aflakló
án þess að fá svar.
Fékk hjartaáfall einn á strandveiðibát
 Árni Þorgilsson hætt kominn á bát
sínum, Nonna, í haugabrælu  Sigldi
sjálfur bát sínum til Skagastrandar
Morgunblaðið/Ólafur Bernódusson
Sjómaður Árni Þorgilsson var kominn heim til Skagastrandar tíu dögum
eftir hjartaaðgerð á Akureyri. Hér er hann á leið í einn stuttan róður.
Einar Örn Gíslason
einarorn@mbl.is
Engir púlsar og litlar jarðhræringar
mældust í vestanverðum Vatnajökli í
gær, samkvæmt upplýsingum frá
Veðurstofu Íslands, og ró hefur færst
yfir svæðið – að sinni. Í fyrradag var
flogið yfir Lokahrygg og þess freist-
að að staðsetja upptök hlaupsins sem
varð aðfaranótt miðvikudags. Í flug-
inu varð tveggja sigkatla vart rétt
austur af Hamrinum, sem sjálfur er
vestast í Vatnajökli, á milli Köldu-
kvíslarjökuls og Jökulkambs. Annar
ketillinn er töluvert stærri en hinn.
Ólíklegt að um gos sé að ræða
Að sögn Hjörleifs Sveinbjörnsson-
ar, sérfræðings á jarðvársviði Veð-
urstofunnar, verða katlarnir til þegar
vatnið tæmist undan þeim og þeir
falla inn í sig. Hjörleifur segir ólík-
legt að eldgos hafi orsakað hlaupið.
„Ef það hefur verið hefur það verið
mjög lítið,“ segir hann. Bíða þurfi
niðurstöðu mælinga á efnainnihaldi
hlaupvatnsins áður en hægt sé að
skera úr um það. Efnagreining vatns
úr Múlakvíslarhlaupinu leiddi það í
ljós um að hveravatn hefði verið að
ræða. „Mér finnst það líklegast að
þetta sé mjög svipað,“ segir Hjörleif-
ur. Hvað tilurð sigkatlanna nú varðar
segir Hjörleifur þá sambærilega við
Skaftárkatlana sem eru skömmu
austar, ekki þurfi eldgos til að koma
þeim af stað. „Það væri ekkert óeðli-
legt að það væri innskot einhvers
staðar djúpt, sem kemur ekki upp á
yfirborðið. Þá er það kannski nóg til
þess að hita vatnið og búa til jarð-
hitasvæði.“
Óróa fór að verða vart á jarð-
skjálftamælum Veðurstofunnar á
þriðjudag, annars vegar á Grímsfjalli
en hins vegar á Skrokköldu. Óróinn
var meiri á síðarnefnda mælinum, en
Skrokkalda er vestur af Köldukvísl-
arjökli, rétt við Hágöngulón. Lónið
fylltist í hlaupinu undan jöklinum í
fyrradag. Í tilkynningu frá Veður-
stofu kom fram að óróinn líktist þeim
sem mældist vegna vatnsflóða undan
jökli og það því ekki alveg óvænt þó
hlaup á þessu svæði séu ekki algeng.
Hlaupið kom niður í Hágöngulón og
rann yfirfallið áfram niður Köldu-
kvísl og í Þórisvatn. Gríðarlegt vatns-
magn braust fram í hlaupinu, en talið
er að 26 gígalítrar, 26 milljarðar lítra,
hafi bæst í Hágöngulón á örfáum
klukkustundum aðfaranótt miðviku-
dags.
Ró færist yfir
vestanverðan
Vatnajökul
 Katlarnir tilkomnir vegna innskots
Ljósmynd/Oddur Sigurðsson
Vatnajökull Stærri sigketillinn.