Birtingur - 01.06.1958, Qupperneq 29

Minou Drouet
Saungljóð
Jóhann Hjálmarsson íslenzkaði
Ég hef tínt þrjú blöð á hausti
og smíðað úr þeim bát
og líkami hafsins
er drifinn blóði þeirra
Ég hef tínt þrjá túnglgeisla
til að nota í reiða
og þeir sauma perlur
á klæði hafsins
Ég hef tínt eikarstofn
sem á að vera siglutré
og hjarta hafsins
bergmálar af ópi þess
Ég hef tínt þrjá löðurfugla
og búið til úr þeim segl
og það rennur eins og tár
á vánga himinsins
Nóttin hefur tínt þrjá drauma
til að ná bátnum mínum á sitt vald
bylgjandi líf hafsins
drekkir þeim fullt af gleði
Nælon himins og aldnanna
hafa umkríngt bátinn minn
og að morgni er ekkert eftir
nema eitt tár — rautt sem blóð