Austurland - 26.10.1989, Blaðsíða 8

8
FIMMTUDAGUR, 26. OKTÓBER 1989.
Minning
Guðjón Marteinsson
yfirverkstjóri
F. 21.8.1922-d. 12.10.1989
Deyr fé,
deyja frœndur,
deyr sjálfur ið sama,
en orðstír
deyr aldregi,
hveim er sér góðan getur.
(Ur Hávamálum)
Með Guðjóni Marteinssyni er
genginn einn af svipmestu
mönnum sem ég hef þekkt.
Okkar kynni hófust fyrir rúm-
lega þremur árum þegar ég kom
til starfa hjá Síldarvinnslunni í
Neskaupstað. Það var því ekki
langur tími, sem við Guðjón átt-
um þess kost að starfa saman.
Samt sem áður skilur sá tími eft-
ir sig miklu meiri fyllingu en
tímalengdin segir til um. Mér
fannst ég ríkari fyrir að hafa
fengið tækifæri til að kynnast
manni á borð við Guðjón Mar-
teinsson.
Guðjón var einn af þessum
einstöku bjartsýnismönnum
sem kvikaði ekki fyrir erfið-
leikunum og sá alltaf möguleik-
ana þótt hart blési á móti. Það
verða mikil viðbrigði fyrir Síld-
arvinnsluna að hafa hvorki
stjórnarmanninn Guðjón Mar-
teinsson í sinni þjónustu né
verkstjórann Guðjón Marteins-
son. Frá því að Guðjón lét af
viðburðaríkum ferli sem stýri-
maður og skipstjóri fyrir um
þremur áratugum og hóf störf í
landi hefur hann helgað Síldar-
Haustfundur
Sjálfsbjargar Norðfirði
verður mánudaginn 30.
október kl. 2030 í
Sj álfsbj argarhúsinu
Dagskrá: 1. Venjuleg
fundarstörf — 2.15 ára
afmæli — 3. Önnur mál
Kaffi á könnunni, mætið
vel
Stjórnin
vinnslunni alla sína starfskrafta.
Hann átti sæti í stjórn og vara-
stjórn Síldarvinnslunnar í sam-
tals 29 ár eða allt frá árinu 1960,
þremur árum eftir stofnun fé-
lagsins. Guðjón var sjálfur einn
af stofnendum Síldarvinnslunn-
ar og starfsmaður hennar nánast
frá upphafi, fyrst sem útiverk-
stjóri í Síldarverksmiðju félags-
ins og síðar sem yfirverkstjóri í
saltfiskverkun. Guðjón hefur
þannig frá byrjun verið einn af
lykilmönnum á bak við upp-
byggingu og vöxt Síldarvinnsl-
unnar Hann hefur átt ríkan þátt
í að móta félag sem í fyrstu rak
eingöngu síldarverksmiðju en
er nú alhliða útgerðar- og
fiskvinnslufyrirtæki. Félag sem
á síðasta ári var með mesta veltu
íslenskra sj ávarút vegsfyrirtækj a
og eitt af langstærstu gjaldeyris-
skapandi fyrirtækjum í landinu.
Það hlýtur að vera ljúft að leggj-
ast til svefns að kvöldi eftir að
hafa skilað slíku dagsverki.
Guðjón var kjörinn í aðal-
stjórn Síldarvinnslunnar árið
1970 en í desember sama ár kom
fyrsti skuttogari íslendinga til
heimahafnar í Neskaupstað,
Barði NK-120. Guðjón var
þannig beinn þátttakandi í
þeirri miklu umsköpun atvinnu-
lífs hér á landi, sem skuttogara-
væðingin var. Margir voru van-
trúaðir á þessa nýju útgerðar-
hætti og reyndar héldu sterk öfl
í þjóðfélaginu á þessum tíma
því fram að ekki væri að vænta
neins frekari framlags af sjávar-
útveginum á komandi árum.
Það bæri því að horfa til annarra
átta í atvinnuuppbyggingunni
og þá einkum til álverksmiðja
hringinn í kringum landið í eigu
erlendra aðila. Það átti hinsveg-
ar eftir að koma í ljós að með
tilkomu skuttogaranna og út-
færslu landhelginnar í upphafi
áttunda áratugarins var lagður
grundvöllurinn að einu mesta
framfara^keiöi í sögu þjóðar-
innar. Framfaraskeiði sem er
hornsteinn lífskjara sem við nú
búum við. Guðjón var einn
þeirra sem alltaf trúði á mögu-
leika íslensks sjávarútvegs.
Guðjón Marteinsson var mjög
áhugasamur verkstjóri. Honum
líkaði vel að hafa markmið til að
stefna að og mér fannst honum
líka best þegar mest var að gera.
Hann var harðduglegur og gerði
sem verkstjóri oft miklar kröfur
til síns starfsfólks. Hann var mjög
vel liðinn af sínum starfsmönnum
og samstarfsaðilum enda oftast
sanngjarn og innst inni mikill
mannvinur. Ef skarst í odda var
Guðjón fljótur til sátta og um-
gengni við saltfiskverkunarstöð-
ina var ávallt til sérstakrar fyrir-
myndar jafnt innan dyra sem
utan, enda Guðjón annálaður
fyrir snyrtimennsku.
Um leið og við kveðjum góðan
dreng vil ég þakka Guðjóni sam-
fylgdina og ómetanleg störf í þrjá
áratugi í þágu Síldarvinnslunnar.
Við Sveinborg vottum Guð-
rúnu, Maríu og systrunum
ásamt fjölskyldum þeirra okkar
dýpstu samúð.
Finnbogi Jónsson
Minning
Guðjón Marteinsson
verkstjóri i Neskaupstað
F. 21.8.1922-d. 12.10.1989
LEGSTEINAR
Við eigum ennþá
nokkra legsteina á
lager 5% afsláttur á
meðan birgðir endast
Sendum myndalista
ÁLI ASTEINN "/i
S 97-29977 - Borgarfjöröur eystri
Kveðja frá starfsfólki Salt-
fiskverkunar SVN í Neskaup-
stað, og fylgja bestu samúðar-
kveðjur til allra aðstandenda.
Hann stóð alltaf stórhuga að verki
og staðfastur hvern og einn dag.
Og bera því minningu hans merki,
þau mál er hann fœrði í lag.
Hann háit vildi hugsjónir reisa
af hugprýði reisn og dug.
Og vanda var laginn að leysa,
af lífskrafti og einlœgum hug.
Og stundum í stórhríðum var hann,
er stormarnir œddu um set.
Af karlmennsku byrðarnar bar hann
og bjargfastur hopaði ei fet.
En núna er skarð fyrir skildi
og skulum við huga að því oft.
Að hugprúður halur einn vildi,
hefja hans merki á loft.
Karl Hjelm
Minning
Guðjón Marteinsson
verkstjóri
Ekki hvarflaði það að mér þeg-
ar ég kvaddi Guðjón vin minn
Marteinsson í byrjun september
að ég ætti ekki eftir að sjá hann
aftur. Ég vissi að hann þurfti að
gangast undir erfiða skurðaðgerð
úti í London, en mér fannst svo
sjálfsagt að hann myndi ljúka
þessu verkefni með sama kraftin-
um og þrekinu og öllu öðru sem
hann tók sér fyrir hendur og birt-
ast síðan aftur kátur og hress með
spaugyrði á vör.
En nú er hann allur og við
kvöddum hann hinstu kveðju sl.
laugardag, fyrsta vetrardag. Og
nú er víða skarð fyrir skildi.
Ég kynntist Guðjóni fyrst fyr-
ir rúmum 25 árum þegar ég var
nýfluttur aftur til Neskaupstað-
ar eftir nokkurra ára fjarveru og
tók að mér formennsku í Þrótti.
Hann var einn af fyrstu mönn-
um sem bauð aðstoð sína og þá
sem nú reyndist hann æskunni
og íþróttunum haukur í horni.
Stuttu seinna lágu leiðir okk-
ar saman innan Alþýðubanda-
lagsins. Guðjón var í hópi þeirra
sem lögðu grunninn að meiri-
hluta sósíalista í Neskaupstað
og hann átti sinn stóra þátt í að
viðhalda honum. Hann hafði
mikinn áhuga á þjóðmálum og
málefnum bæjarfélagsins og það
var ætíð hlustað þegar hann tók
til máls á fundum, hvort sem
það var til að átelja menn fyrir
aðgerðarleysi eða hvetja til
dáða. Hann var líka kjörinn til
ábyrgðarstarfa fyrir bæjarfélag-
ið og sat m. a. um langt árabil
í heilbrigðisnefnd.
Guðjón var tengdur Síldar-
vinnslunni hf. allt frá stofnun-
hennar, lengst af sem yfirverk-
stjóri í saltfiskverkuninni. Árið
1960 var hann kjörinn varamað-
ur í stjórn SVN, en aðalmaður
1970 og sat þar til dauðadags.
Þar störfuðum við Guðjón sam-
an síðustu sjö árin og frá því
samstarfi á ég fjölda góðra
minninga. Bjartsýni hans og trú
á félaginu og byggðarlaginu var
einlæg og smitandi og þó stund-
um hvessti þá duldist engum sú
umhyggja er að baki bjó.
Vinir og félagar Guðjóns
sakna hans sárt. Og við þökkum
honum best samstarfið og vin-
áttuna með því að halda áfram
hátt á lofti því merki sem hann
fylkti sér undir.
Bára og ég vottum Guðrúnu,
dætrum þeirra og fjölskyldu
dýpstu samúð.
Kristinn V. Jóhannsson