Okkar á milli - 01.03.1988, Blaðsíða 3
ÓVENJULEGUR ÆVIFERILL JEAN M. AUEL
Smásaga varð sex binda verk
Jean M. Auel kom til Islands i fyrra, eins og sagt er frá á næstu opnu, og heimsótti þá Halldór
Laxness.
Ævi- og ritferill bandarísku skáldkon-
unnar og metsöluhöfundarins Jean M.
Auel er í hæsta máta óvenjulegur. Hún
öðlaðist frægð og frama á ótrúlega
stuttum tíma. Fyrir aðeins átta árum var
hún óþekkt húsmóðir, en skrifar nú
bækur, sem vekja heimsathygli og selj-
ast í milljónaupplögum.
Fimm barna móðir
Jean giftist Ray Auel, þegar hún var
átján ára, og 25 ára gömul var hún orðin
fimm barna móðir. Ray var hermaður að
atvinnu, en notaði tímann jafnframt til að
mennta sig. En það er til vitnis um vilja-
styrk Jean, að þegar hún var 28 ára vildi
hún líka ganga menntaveginn og lét
ekki þungt og erfitt heimili aftra sér frá
því að sækja kvöldtíma í háskóla. Tóm-
stundir hennar voru að sjálfsögðu stop-
ular, en hún gafst ekki upp og tólf árum
síðar hafði hún tekið MS-gráðu.
Djörf hugmynd
Kvöld eitt snemma á árinu 1977, þegar
Jean var um fertugt, sótti á hana upp úr
þurru sú hugmynd að skrifa smásögu
um unga stúlku sem lifði á forsöguleg-
um tíma. Jean hafði aldrei skrifað sögu
áður, aðeins ort fáein Ijóð, en ekki þorað
að koma þeim á framfæri. „Enn í dag
hef ég ekki minnstu hugmynd um hvern-
ig á því stóð að ég fékk þessa djörfu og í
rauninni fráleitu hugmynd," hefurskáld-
konan sagt í blaðaviðtali. „En ég var
strax staðráðin í að gera hana að veru-
leika. Auðvitað rak mig fljótt í vörðurnar.
Ég komst strax að raun um, að ég vissi
afar fátt um lífið á þessum tíma og gæti
því engan veginn lýst því. En í háskól-
anum hafði ég lært að leita heimilda og
byrjaði strax á því að fletta upp í alfræði-
orðabókum. Og daginn eftir fór ég á
bókasafnið og kom þaðan heim með
fangið fullt af alls konar bókum um forn-
leifafræði og mannfræði."
Bjó í snjóhúsi
Jean hélt áfram að lesa allt sem hún gat
náð í um þetta tímabil. Auk þess kynnti
hún sér persónulega margt sem gat
komið henni að gagni við skriftirnar. Hún
fór með manni sínum og hópi af fólki upp
á reginfjöll þar sem þau gerðu sér snjó-
hús og sváfu þar eina nótt. Þannig
fannst henni hún geta betur gert sér í
hugarlund, hvernig Neanderdalsmenn-
irnir fóru að því að lifa veturinn í slíkum
híbýlum. Hún lærði að þekkja villtar
plöntur og lækningamátt þeirra. Hún fór
á námskeið þar sem hún lærði að verka
skinn og útbúa úr þeim föt og aörar
nauðsynjar. Hún lærði að kveikja eld án
þess að nota eldspýtur — og svo mætti
lengi telja.
Frábærar móttökur
Loks var svo komið, að Jean hafði aflað
sér óvenju mikillar þekkingar á þessu
tímabili í sögu okkar mannanna og
fannst hún verða að deila henni með
öðrum. Hún byrjaði að skrifa söguna af
fólkinu, sem bjó í hellum fyrir 35.000
árum, sat við skriftir 12 - 16
tíma á dag, uns hún hafði skrifað rúm-
lega fimmhundruð blaðsíðna bók undir
nafninu Þjóð bjarnarins mikla. Bókin var
gefin út og hlaut frábærar móttökur. Hún
seldist í fimmtán milljónum eintaka (
Bandaríkjunum, hefur síðan verið þýdd
á fjölda tungumála og alls staðar orðið
metsölubók. Hér á landi hefur hún nú
selst í meira en 6000 eintökum.
Börn jaröar
Síðan hafa tvær bækur bæst við, Dalur
hestanna, sem nú er mánaðarbók Ver-
aldar, og Mammútveiðimennirnir, sem
væntanlega kemur út hér á landi fyrir
næstu jól. Alls eiga bækurnar að verða
sex talsins, og þessi mikli sagnabálkur
ber heitið Börn jarðar. Smásagan, sem
Jean M. Auel ætlaði upphaflega að
skrifa er því orðin að efni í sex binda
skáldsögu, sem á engan sinn líka í
heimsbókmenntunum.
Sá sem á trjágarð og bókasafn saknar elnskis (Ciceró) • 3