Ljósmæðrablaðið - 01.04.1972, Blaðsíða 6
30
LJÓSMÆÐRABLAÐIÐ
sjálfsögðu til samræmis að lengja þann tíma, sem þess-
um þætti námsins er ætlaður. Þessir málaleitan allri var
mjög vel tekið af ráðherra og könnun hófst strax á veg-
um ráðuneytisins. Við könnun og undirbúnings málsins
tók það á sig ýmsar myndir m. a. þá að ef til slíks náms
komi, gæfist þeim ljósmæðrum einum réttur til að sækja
hann, sem hefðu lokið 2ja ára námi frá L.M.S.l. og einnig
gagnfræðaprófi. Þessi viðhorf og ýmis fleiri ræddi stjórn-
in á fundum sínum og taldi þessa málsmeðferð óeðlilega
og ekki líklega til að skila því, sem eftir væri sótzt með
slíku framhaldsnámi og óréttur gagnvart þeim ljósmæðr-
u.n, sem skilað höfðu því, sem af þeim var krafist á hverj-
um tíma að ógleymdri starfsreynzlu.
En stjórnin taldi það eitt eðlilegt, að öllum ljósmæðr-
jm gæfist kostur á að sækja slíkt nám. Hinsvegar taldi
hún æskilegt og mjög nauðsynlegt, að væntanlegum nem-
endum gæfist kostur á undirbúningsnámi og inntökuprófi
í einhverju formi væri eðlilegt og gengi þá eitt yfir allar.
Á fjölmennum félagsfundi í Norræna húsinu þann 5.
nóvember s. 1. bar formaður fram svohljóðandi ályktun-
artillögu um viðbótarmenntunina.
,,Til heilbrigðismálaráðherra:
Vegna athugunar á framhaldsmenntun fyrir ljósmæð-
ur var samþykkt svohljóðandi ályktun á almennum fé-
lagsfundi, sem haldinn var í Norræna húsinu þann 5.
nóvember s. 1. Að tilhlutan L.M.F.I. hefur verið gerð könn-
un á þeim möguleika að bæta að nokkru úr tilfinnanlegum
hjúkrunarkvennaskorti í landinu, með því að halda nám-
skeið í hjúkrun fyrir ljósmæður og nýta þannig starfs-
krafta þeirra og þekkingu, þar sem vitað er að nokkur
fjöldi þeirra er ekki í starfi. Fundurinn ályktar, að eigi
þessi tilraun að ná tilgangi sínum sé nauðsynlegt, að öll-
um ljósmæðrum með próf frá Ljósmæðraskóla Islands
gefist kostur á að njóta slíkrar framhaldsmenntunar, ef
að þessu ráði verðúr horfið.