Ljósmæðrablaðið - 01.04.1972, Blaðsíða 8
32
LJÓSMÆÐRABLAÐIÐ
Þó telur fundurinn að til mála gæti komið, að réttur til
þessa framhaldsnáms yrði háður inntökuprófi í þýðingar-
mestu undirstöðugreinum. Um leið og fundurinn fagnar
þessari viðleitni til úrbóta á hjúkrunarkvennaskortinum,
skorar hann á yfirstjórn heilbrigðismálanna að binda ekki
aðgang að þessari fullorðinsfræðslu svo þröngum skilyrð-
um, að tilraunin verði fyrirfram dæmd til að misheppn-
ast.“
Tillagan var samþykkt með öllum greiddum atkvæðum,
og send heilbrigðis- og menntamálaráðuneytinu.
Þess ber vissulega að geta, að þessi sjónarmið félags-
ins voru öll tekin til greina, er gengið var frá skiptan
þessara mála, og eins og fram hefur komið í blöðum, og
félagskonur fengu kynnnt með síðasta Ljósmæðrablaði,
þá hafa þessi mál verið til lykta leidd og skólinn á að hef j-
ast 1. okt. n. k. og undirbúningsnámskeið i ágúst.
Þessu ber okkur vissulega að fagna. Þetta er nýtt spor
ljósmæðra í heilbrigðisþjónustunni, þó þær hafi um langa
tíð unnið hjúkrunarstörf með fullri ábyrgð. Þessu fögn-
um við alveg sérstaklega og lýsum velþóknun okkar á
skilningi og störfum heilbrigðismálaráðuneytisins. Það
hefur orðið að ráði, að María Pétursdóttir formaður
Hjúkrunarkvennafélags Islands veiti þessu námi forstöðu.
Svo sem kunnugt er, var nefnd skipuð af heilbrigðis-
málaráðuneytinu, til að endurskoða ljósmæðralögin í
febrúar 1971.
Stjórnin leitaði eftir fréttum af gangi mála og í fram-
haldi af því barst bréf frá formanni nefndarinnar, Jóhanni
Gunnari Ólafssyni, þar sem þess var óskað, að stjórn Ljós-
mæðrafélagsins sendi nefndinni tillögu um æskilegar
breytingar á lögunum. Svaraði stjórnin þessu bréflega og
fer það hér á eftir:
„Stjórninni er það mikið ánægjuefni að fá tækifæri til
að hafa nokkur áhrif á þær breytingar, sem gerðar verða
á löggjöfinni. Væntir hún þess og telur eðlilegt að þegar