Ljósmæðrablaðið - 01.03.1975, Blaðsíða 28

60
LJÓSMÆÐRABLAÐIÐ
1974, eftir að hafa starfað nær tuttugu ár sem ritstjóri.
Síðan hefði engin ritstjóri fengizt, og þar af leiðandi hefði
orðið þessi dráttur á útkomu blaðsins 1974. Skorað var á
Maríu Björnsdóttur að taka starfið að sér, en hún gaf
cngan kost á sér til þess. Voru síðan málin rædd fram og
aftur um stund og nokkrar tóku til máls. Að lokum var
málinu frestað, og stjórninni falið að halda áfram að leita
að nýjum ritstjóra.
XIII. Kosningar:
Úr stjórn á að ganga formaður, varaformaður og með-
stjórnandi. Þar sem Steinunn Finnbogadóttir gaf kost á
sér til endurkjörs, gerði stjórnin það að tillögu sinni að
hún yrði kosin áfram sem formaður, til næstu þriggja ára.
Var það einróma samþykkt. Stjórnin stakk upp á Stein-
unni Guðmundsdóttur sem varaformanni og Sólveigu
Matthíasdóttur meðstjórnanda. Engar fleiri uppástugur
bárust, og voru þær einróma kosnar til næstu þriggja ára.
Agnes Engilbertsdóttir lét af störfum esm gjaldkeri fé-
lagsins vegna brottfarar af landinu. Stjórnin gerði tillögu
um Guðrúnu L. Magnúsdóttur sem gjaldkera. Engar fleiri
uppástungur komu, og var hún einróma kosin gjaldkeri
til eins árs í stað Agnesar.
Nefndarkosningar: Komu í 1. tbl. Ljósmæðrabl. 1974.
Reikningar félagsins voru bornir undir atkvæði og sam-
þykktir samhljóða.
Önnur mál:
Jónína Ingólfsdóttir frá Akranesi tók til máls. Flutti
hún mjög athyglisverða frásögn um starfshætti ljósmæðra
á Sjúkrahúsi Akraness.
Formaður sagði frá gjöfum er félaginu hafa borizt:
Gjöf frá Gísla Sigurbjörnssyni, forstöðumanni Elli- og
hjúkrunarheimilisins Grundar, að upphæð kr. 50.000,00,
sem hann gefur í þakklætisskyni fyrir ómetanlega að-