Tímarit Verkfræðingafélags Íslands - 01.02.1972, Blaðsíða 11

TIMARIT
VERKFRÆÐINGAFÉLAGS ÍSLAIMDS
1. hefti 1972 57. árg.
Vandasamt verkefni
Kennsla til lokaprófs í verkfræði hafin við Háskóla Islands.
Fyrsti stúdentahópurinn sem ljúka mun fjög-
urra ára verkfræðinámi með BS-prófi frá Há-
skóla íslands er nú tæplega hálfnaður með nám
sitt. Fram til þessa hafa stórir og velbúnir tækni-
skólar erlendis annazt síðarihlutakennslu ís-
lenzkra verkfræðinema. Háskólinn hefur nú að
verulegu leyti tekið við þessu hlutverki, en þó
er gert ráð fyrir að hluti þeirra, sem ljúka hér
BS-prófi, muni sækja nokkra framhaldsmenntun
erlendis. Háskóli íslands hefur með þessu tekizt
á hendur mjög vandasamt verkefni.
Kveikjan að þessari þróun má segja að hafi
verið álitsgerð sem prófessor Trausti Einarsson,
þáverandi deildarforseti verkfræðideildar, lagði
fram 1964 á deildarfundi, en þar taldi hann
nauðsynlegt að kannað yrði, hvort ekki væri rétt
að hefja kennslu til lokaprófs við Háskóla Is-
lands vegna þess að vaxandi erfiðleikar voru
fyrirsjáanlegir á að koma stúdentunum til síð-
arihlutanáms erlendis, einkum vegna fjölgunar
í deildinni. Þessi varnaðarorð Trausta voru vissu-
lega tímabær, en það þurfti þó enn meiri þrýst-
ing á háskólann vegna stúdentafjölgunar til að
hafizt væri handa um að undirbúa síðarihluta-
nám. Þar varð að bíða þar til Háskólanefndin var
langt komin með störf sín. Þá þótti hinsvegar
svo brýnt að leysa vandann, að ekki vannst tími
til að undirbúa málið svo vandlega, sem æskilegt
hlýtur að teljast, og ber starf verkfræðideildar-
innar þess nú glögg merki.
Flestir munu hinsvegar sammála um, að hér
hafi verið lagt inn á rétta braut og nú verði
því að leggja mikla áherzlu á að verkið verði
unnið á þann veg að stúdentar, sem ljúka munu
námi frá deildinni, megi vel við una og þjóðfé-
lagið megi njóta að fullu kosta þess, að hér sé
kennsla til lokaprófs í verkfræði.
Undirbúningurinn að hinni auknu kennslu
hefði vissulega mátt vera meiri og betri. Um
það er of seint að sakast við nokkurn nú, en
vinna þarf ötullega að því að frumáætlun sú,
sem gerð hefur verið, verði framkvæmd á þann
hátt sem verkefnið krefst. Eins og nú stendur
vantar töluvert á að háskólinn geti veitt nem-
endum þá kennslu tvö síðari námsárin, sem gert
er ráð fyrir í áætlunum deildarinnar. Einkum ber
þá að benda á eftirfarandi atriði:
1) Ráðning kennara hefur dregizt aftur úr
áætlun.
2) Skortur er á kennsluhúsnæði.
3) Enn á eftir að sjá deildinni fyrir aðstöðu
þar sem unnt verður að veita nemendum
nauðsynlega verklega þjálfun.
4) Bókasafnsaðstaða stúdenta og kennara er
óviðunandi.
Það ætti að vera metnaðarmál verkfræðinga-
stéttarinnar að stuðla að því að hið nýja starf
deildarinnar megi efla hag þjóðarinnar og verða
til þess að þeir verkfræðingar sem munu útskrif-
ast fráhinni endurskipulögðu verkfræðideild megi
verða vel undir það búnir að leysa hin margvís-
legu verkefni sem bíða þeirra. Ein meginforsenda
þess, að svo megi verða, er að íslenzkir verk-
fræðingar fylgist almennt sem bezt með störf-
um deildarinnar og séu reiðubúnir að styðja hana
þegar þess gerist þörf. En verkfræðingastéttin á
ekki einungis að veita deildinni margvíslega þjón-
ustu, hún á jafnframt að krefjast þess að há-
skólinn ræki hlutverk sitt vel og fylgjast gagn-
rýnin með störfum deildarinnar.
Hér verður við mikið og vandasamt verkefni
að glíma, en það er leysanlegt og ýmis knýjandi
vandamál verður að leysa í tíma. En viðunandi
lausn fæst ekki nema fast sé knúið á frá hendi
þeirra aðila, sem hér eiga hagsmuna að gæta.
Núverandi kennsluáætlun er að töluverðu leyti
sprottin af áliti nefndar, sem skipuð var af
stjórn Verkfræðingafélags Islands. íslenzkum
verkfræðingum ber því skylda til að stuðla að
því, að hin nýja kennsla megi verða þjóðinni
til farsældar og verkfræðistéttinni til eflingar.