Tímarit Verkfræðingafélags Íslands - 01.02.1972, Blaðsíða 12

2
TIMARIT VPI 1972
Tillögur verkfræðiskorar um nám til verkfræöiprófs
Reykjavík, 17.1. 1970.
Til forseta verkfræSi- og' raunvísindadeildar.
Að beiðni yðar hefur undanfarið verið unnið að tillögum um
nám, er miðaði að undirbúningi að verkfræðistörfum. Að til-
lögugeröinni hafa staðið allir kennarar verkfræðiskorar auk
verkfræðinganna Jakobs Björnssonar og Sverris Norlands, sem
leitað var til, einkum til að aðstoða við tillögugerð um raf-
magnsverkfræði. Á fundi skorarinnar hinn 16.1. ’70 var sam-
þykkt að senda yður eftirfarandi tillögfur.
i. Haustið 3 970 verði hafin kennsla til almennra prófa (BS-
prófa) í byggingarverkfræði, véla- og skipaverkfræði og
rafmagnsverkfræði.
ii. Námstími verði fjögur ár en jafnframt veröi kennslu-
árið lengt frá því sem nú er, þannig að raunverulegur
kennslu- og próftími verði fullir níu mánuðir.
iii. Á þessum vetri verði skipaðar nefndir sérfræðinga til að
fjalla nánar um einstaka þætti væntanlegrar kennslu.
vi. Um kennslu í eðlis- og efnaverkfræði verði fjallað, þegar
fyrir liggja álitsgerðir stærðfræði- og eðlisfræðiskora um
kennslu í viðkomandi greinum svo og álit efnafræði-
nefndar.
v. Skipaöar verði sérstakar nefndir til að fjalla um hugs-
anlega kennslu í húsagerðarlist, veiðiverkfræði og fisk-
iðnaðarverkfræði.
Að því er varðar nánari lýsingu á kennslu og próffyrirkomu-
lagi, tillögur um þær sérnámsgreinir, er veita þarf kennslu í
af þessu tilefni, kennaraþörf og kennsluaðstöðu vísast í með-
fylgjandi álitsgerð.
Virðingarfyllst,
f.h. stjórnarnefndar verkfræðiskorar
Björn Kristinsson, Guðmundur Björnsson, Loftur Þorsteinsson.
Inngangur
Á undanförnum árum hefur oft
verið rætt um nauðsyn þess að efla
verkfræðimenntun við Háskóla Is-
lands bæði er varðar lengingu þess
náms, sem fyrir er, ög aukna fjöl-
breytni.
Hinn 10.10. 1964 lagði þáverandi
forseti verkfræðideildar, próf. Trausti
Einarsson, fram álitsgerð um síð-
arihlutanám í verkfræði við H.I.
Taldi hann óhjákvæmilegt að fara
að undirbúa síðarihlutanám í bygg-
ingarverkfræði vegna fjölda stú-
denta og jafnframt æskilegt, þar sem
þá mundu skapast mjög bætt skil-
yrði til ltennnlu og rannsókna á sviði
verkfræði. 1 framhaldi af þessu
ályktaði deildin hinn 20.11. ’64, ,,að
tímabært sé að beina þeim tilmæl-
um til menntamálaráðuneytisins, að
það léti kanna þörf og möguleika á
því, að hér væri hafin kennsla í sið-
arihlutagreinum verkfræði”.
Hljótt var síðan um afgreiðslu
þessa máls, en það mun hafa verið
álit ráðuneytisins, að um það yrði
fjallað í háskólanefnd, sem skipuð
var 24.9. ’66 ,,til þess að semja á-
ætlun um þróun Háskóla Islands á
næstu tuttugu árum.“ Verkfræði-
deild ítrekaði framangreinda ályktun
með sérstakri fundarsamþykkt hinn
25.3. 1968, sem send var formanni
háskólanefndar, Jónasi H. Haralz.
Haustið 1968 fór háskólanefnd þess
á leit við verkfræðideild, að gerðar
væru tillögur um æskilegt starfslið
við deildina næstu tvo áratugi. Á
fundi deildarinnar hinn 8.10. ’68 voru
prófessorarnir Magnús Magnússon,
Sigurður Þórarinsson og Loftur Þor-
steinsson, þáverandi forseti vei'k-
fræðideildar, kosnir í nefnd til að
gera áætlanir um þessi efni. Nefnd-
in skilaði áliti í janúar 1969, „Þróun
verkfræðideildar áratugina 1970-
1990“, 'og er þar m.a. lagt til, að á
árabilinu 1970-’75 verði tekin upp
fyrrihlutakennsla í eðlis- og efna-
verkfræði og kennsla í síðarihluta-
greinum byggingarverkfræði, en
kennsla í síðarihlutagreinum véla-
og rafmagnsverkfræði verði tekin
upp á árabilinu 1975-80.
1 júlí 1969 fóru þeir Jónas H. Har-
alz, formaður háskólanefndar, og
próf. Ármann Snævarr, þáverandi
háskólarektor, þess á leit við pró-
fessorana Loft Þorsteinsson og
Þorbjörn Sigurgeirsson, Bjarna
Kristjánsson skólastjóra Tækniskóla
Islands og dr. Gunnar Sigurðsson
yfirverkfræðing, að þeir settu fram
sjónarmið um það, hvort þörf væri
á skammtíma tækninámi, og hvar
væri heppilegast að ætla því stöðu
í skólakerfinu. Fjórmenningarnir
skiluðu áliti í ágúst sama ár, þar
sem lagt var til, að tekið yrði upp
fjögurra ára almennt verkfræðinám
(BS-nám) við H.l. Um skammtíma
tækninám var lagt til, að komið
verði upp tæknideildum við íslenzka
menntaskóla að sænskri fyrirmynd.
Stúdentspróf frá þeim veitti aðgang
að verkfræðideild með sérstökum
kröfum um lágmarkseinkunnir, en
jafnframt yrði komið á framhalds-
deildum við menntaskólana og gætu
þeir stúdentar, sem þess óskuðu, lok-
ið tækniprófi frá þeim. Rætt var
um framtíðarstöðu Tækniskóla Is-
lands, en ekki urðu menn sammála
um hana. Sumir lögðu til að T.l. yrði