Tímarit Verkfræðingafélags Íslands - 01.02.1972, Blaðsíða 24

14
TlMARIT VFl 1972
ur gert samanburð á áætlaðri skipt-
ingu vinnustunda stúdenta á 3. og
4. ári samkvæmt námsgreinaskránni
í skýrslunni (taflalVb) og hliðstæð-
um greinum við MIT (skv. skýrslu
frá 1967-1968), sem fullnægja mundu
kröfum til Bo-prófs þar. Er þessi
samanburður sýndur í töflu VIII.
Námseining við H.l. svarar til fullr-
ar vinnuviku stúdents eins og fyrr
var getið, en við MIT er eininga-
fjöldi námsgreinar skilgreindur sem
sá vikulegi stundafjöldi, sem stú-
dentinn vinnur við greinina þær 15
vikur, sem misserið stendur. Til BS-
prófs við H.l. er krafizt 120 eininga
en við MIT er krafan 360 einingar.
Við athugun á töflu VIII kemur
ýmislegt fróðlegt í ljós. Heildar-
stundafjöldi er nokkru minni við
MIT en við H.I., en reynsla þeirra,
sem stundað hafa nám við MIT mun
vera sú, að heimavinna sé vanmetin
og ætti sá liður því að vera hærri.
Ef lokaverkefnið er ekki talið með,
kemur í ljós, að heimavinnustundir
stúdenta við MIT nema 58% af heild-
arvinnustundafjöldanum, en áætlaður
heimavinnustundafjöldi við Hl er að-
eins tæp 40% af heildarvinnustunda-
fjölda. Aðalástæðan fyrir þessum
mikla mun er í dæmatímum við Hl
en hliðstæðu þeirra er ekki að finna
við MIT. Þar sem greinarhöfundur
þekkir til við tækniháskóla vestan
hafs (t.d. IIT, Caltech, Berkeley,
Stanford) er hlutfall milli heima-
vinnu og skólatíma mjög líkt og
við MIT. Ekki er höfundi kunnugt
um það, hvort evrópskir skólar hafa
sama fyrirlcomulag og hér er gert
ráð fyrir, en sú spuming hlýtur að
vakna, hvort þessi aukna handleiðsla
við stúdenta sé nauðsynleg. Er það
auðreiknað dæmi, að fyrirkomulag
það, sem hér á að taka upp, krefst
40-45% meiri kennslukrafta og
kennsluhúsnæðis en þyrfti með því
fyrirkomulagi, sem tíðkast við skóla
vestan hafs. Hér er því um stórt f jár-
hagslegt atriði að ræða, sem er þess
virði, að því sé gaumur gefinn.
Um fyrirkomulag prófa fylgir
skýrslan reglugerð verkfræði- og
raunvísindadeildar, þar sem gert er
ráð fyrir þvl, að þau taki 2 vikur.
Af námsgreinaskrá sést, að hér er
um að ræða próf í 4-6 greinum á
misseri. Er það álit höfundar, að
með auknu aðhaldi við stúdenta í
kennslunni sé óþarft, að próf standi
lengur en 1 viku. Langur upplestur
er óþarfur, þar sem námsefnið á allt
að vera ferskt eftir aðeins 15 vikna
kennslutímabil, og má þannig stytta
lengd kennsluársins um 2 vikur.
Að lokum vill greinarhöfundur lýsa
ánægju sinni yfir því, að þessi mál
eru komin á þann rekspöl, sem raun
ber vitni. Miðað við áætlaða árlega
þörf nýrra verkfræðinga hér á landi
er ljóst, að þessi kennsla á fyllilega
rétt á sér. Með því að sníða náms-
efnið eftir íslenzkum þörfum og
staðháttum á að vera unnt, ef rétt
er á spöðunum haldið, að útskrifa
verkfræðinga, sem eru betur undir
það búnir að glíma við þau verk-
efni, sem hér bíða úrlausnar. Háskóli
Islands hefur hér miklu og vanda-
sömu hlutverki að gegna og er von-
andi, að hann reynist vandanum
vaxinn.
Fyrsta áfanga byggingar Verkfræði- og raunvísindadeildar lokið
Kennsla til fjögurra ára náms, sem
ljúka mun með BSc prófi, er nú haf-
in, allmargir stúdentar leggja stund
á fyrrihlutanám í eðlisfræði og efna-
verkfræði við Háskólann og mikill
fjöldi sækir í nám í jarðfræði og
líffræði. Þessi stóraukna starfsemi
Verkfræði- og raunvísindadeildar
krefst að sjálfsögðu stóraukins
húsnæðis. Nú er að mestu lokið við
að byggja fyrsta áfanga mikillar
kennslubyggingar vestan Suðurgötu,
andspænis Árnagarði, og hefur bygg-
ingin þegar verið tekin í notkun.
Byggingin er samtals 1875 m! og
er hún ætluð til verklegrar kennslu
í eðlisfræði og efnafræði. Kostnað-
urinn við bygginguna er nálægt 60
millj. kr. Byggingarframkvæmdir
hófust sumarið 1970 en hluti af hús-
næðinu var tekinn i notkun nú að
loknu jólaleyfi, en samkvæmt upp-
haflegri áætlun átti öll byggingin að
vera tilbúin til notkunar s.l. haust.
1 2. hefti Tímarits VFl, bls. 21,
1970 er grunnmynd þessarar bygg-
ingar sýnd. Næsti áfangi verður
kennsluhúsnæði fyrir verkfræðigrein-
ar og er nú unnið af kappi að teikn-
ingum því ráðgert er að fram-
kvæmdir við þennan áfanga hefjist
nú í sumar, en deildin hefur mjög
brýna þörf fyrir húsnæðið þegar
síðarihlutakennsla verkfræðinnar
hefst næsta haust.
Kennsluhúsnæði Verkfræði-
og raunvísindadeildar
1. áfangi
2. áfangi
3. áfangi
1875 m=
3087 m!
1976 m=
7478 m3
12850 m3
7635 m3
Hin nýja bygging Verkfræði- og raunvísindadeildar séð yfir Suðurgötu
frá Ámagarði.