Freyr - 01.05.1953, Síða 34

182
FRE YR
Steinþór bóndi á Hala, í Suður-Sveit,
skrifar 15. marz:
Árið sem leið var búskapnum fremur
hagstætt í þessari sveit. Að vísu gerði meira
stórveður hér hinn 27. maí, en núlifandi
menn muna. Hér á Breiðabólsstað, og eink-
um á Hala, varð þá mikið tjón á húsum, en
ástæðulaust er að rekja sögu eigin skaða.
Heyfengur í fyrra var sæmilegur — nýt-
ing góð, kartöfluuppskera fremur góð en
rófur gáfu lítið í aðra hönd. Vænleiki dilka
var í meðallagi.
Framræsla með skurðgröfu, á vegum
ræktunarsambands Mýra- og Borgarhafn-
arhrepps, hefir nú staðið yfir mikinn hluta
úr tveimur sumrum.
Er nú framræslunni lokið fyrst um sinn,
og þá framræst land hjá öllum bændum,
er ekki höfðu aðstöðu til að rækta án henn-
ar. Mun á flestum býlum nú þurrkað það
mikið lánd, að sennilega verður það nóg til
ræktunár nokkur ár, jafnvel 10 ár hjá sum-
um. Til þess að létta bændum fyrir fæti
fjárhagslega með þessa framkvæmd, tók
ræktunarsambandið sjálft 190 þúsund
króna lán í Búnaðarbankanum með sýslu
ábyrgð, og svo lánar það aftur bændum. Til
grundvallar skiptingu lánsins var lagt
magn skurða hjá hverjum bónda, en þó
jafnframt tekið tillit til greiðslumöguleika
af eigin ramleik. Þó að þetta lán eitt nægði
ekki bændum til framræslunnar varð það
stórfelld hjálp og kosturinn er, að það hefir
ekki bundið fasteignir bænda þar eð sýslan
hefir ábyrgst, en fasteignirnar standa þá
lausar til veðs til lántöku vegna annarra
framkvæmda.
Skortur á heyi hefir alltaf staðið í vegi
fyrir afkomu megin þorra bænda á þessu
svæði. Heyin hafa takmarkað bústofninn
og lítill bústofn takmarkað afkomuskilyrði.
Við þá ræktun, sem nú er að hefjast og
kemur í kjölfar framræslunnar, standa
vonir til þess að breyting geti á orðið og
breyting til hins betra, að búin muni
stækka og öryggi allt aukazt, og þá nálg-
umst við líka það mark, sem ég og margir
fleiri hafa prédikað, og stefna skyldi að.
Haustið var hér einmuna gott, og stillur
með stjörnubjörtum kvöldum. Og veturinn,
það sem af er, með þeim allra beztu. Að vísu
hefir með köflum verið nokkuð umhleyp-
ingasamt og rigningar öðru hvoru. Beit
hefir verið nokkuð notuð, þó reyndar sé bú-
ið að gefa talsvert af heyi, enda er fóður-
bætisgjöf með minnsta móti og á sumum
bæjum engin.
Á votheysverkun var nokkuð almennt
byrjað hér árið 1951 en stöðvaðist á síðasta
ári, enda var tíðin svo hagstæð til þurrk-
unar heys. En nytin í kúnum segir til þar,
sem votheyið vantar og ekki er gefinn fóð-
urbætir.
Guðmundur á Klafastöðum skrifar í
janúar:
Síðastiiðið sumar mun almennt hafa
fengizt taða í meðallagi af fyrra slætti, —
enda í seinna lagi sláttur hafinn, — en há-
arslægja var víða lítil, léleg spretta — þó
nokkuð væri slegið. Þrjár fyrstu vikur á-
gústmánaðar var ágætistíð, nær ávallt
þurrkur, og má raunar telja sumar gott