Freyr - 01.01.1964, Síða 24

18
FRE YR
Johannes Höie og Ilans Tilrem:
HUSDYRLÆRE
Á forlagi Gröndahl & Sön, í Osló, hefur
verið gefin út 14. upplag af búfjárfræði
þeirri, sem að ofan greinir, en það er bók,
sem notuð er til kennslu við norska bún-
aðarskóla og einnig ætluð bændum til gagns
í búskap þeirra.
Bók þessi hét upprunalega HOLTSMARKS
HUSDYRLÆRE, er út kom árið 1897 í fyrsta
sinn, en síðan hefur hún verið gefin út
hvað eftir annað í endurbættu formi og
stöðugt, að sjálfsögöu aðhæfð líðandi stund,
strikað út það, sem talið er fyrnt eða ekki
í samræmi við staðreyndir hvers tíma, og
innfært í staðinn það, sem ný sannindi hafa
talizt. Þessi útgáfa er hin sjötta í höndum
ofangreindra höfunda, en það eru ekki þeir
einir, sem að henni standa, heldur hafa
kennarar í búfjárrækt við bændaskólana og
farið höndum um hana hverju sinni, enda
má víst öruggt telja, að fremri bók til
kennslu við bændaskóla finnst naumast um
Norðurlönd.
Þetta er digurt verk og afbragðs vel
grundvallað á staðreyndum. Bókin skiptist
í kafla þá sem hér segir: Fyrst er örstuttur
inngangur, þá kemur kafli um líffærafræði
og lífeðlisfræði, síðan kynbótafræði og fóð-
urfræði. Þá koma hinar einstöku greinar
búfjárins í þessari röð: Nautgripir, hross,
sauðfé, geitur, svín, alifuglar, kanínur, loð-
dýr og býflugur, og að lokum eru töflur
yfir efnamagn fóðurtegundanna, um með-
göngutíma búfjárins o. fl.
Mikil bók og gcð til þess, sem hún er snið-
in, fyllir um 640 síður og í eru margar á-
gætar myndir, er hvergi langorð — enda
þannig gerð, að ráðunautar og kennarar
geti betur túlkað efni hvers kafla ef þörf
gerist þar sem bókin er notuð.
Að sjálfsögðu er bók þessi sniðin við hæfi
Norðmanna fyrst og fremst en meginmál
hennar á víðar við, eða þar sem ræktun bú-
fjár og meðferð þess er stunduð á_svipaðan
hátt og gerist í Noregi.
Þess má geta, að bókin er nú notuð við
kennslu í búfjárrækt við Bændaskólann á
Hólum og þykir til þess mjög handhæg,
einkum vegna þess hve vel hún er kerfuð.
Og hún á vissulega einnig erindi til þeirra
bænda, sem vilja kosta kapps um að grafa
til botns í grundvallaratriðum, sem þá
varðar í hagnýtum hlutverkum búskapar-
ins og hagnýtingu búfjárins.
Bóksalar geta að sjálfsögðu útvegað bók
þessa. Hún kostar 65 norskar krónur, eða
tæpar 400 krónur íslenzkar. G.
Ivar Johansson og Jan Rendel:
ÁRFTLIGHET OCH
HUSDJURSFÖRÁDLING
Prófessor Ivar Johansson hefur um ára-
raðir kennt erfðafræði og kynbótafræði við
Búnaðarháskólann í Ultuna; hann er með-
al þekktustu rithöfunda um þessi efni, og
með honum hefur unnið, að ofangreindri
bók, Jan Rendel, en LT, sem er bókaforlag
sambands búnaðarfélaganna sænsku, hefur
gefið bókina út.
Bók þessi er 368 tölusettar síður í Freys-
broti, prentuð á ágætan pappír, með fjölda
ljósmynda og línurita, ásamt orðalista og
tilvísun til bóka um kynbótafræði og erfða-
fræði búfjár.
í inngangsorðum segir, að það sé von
höfunda, að bókin verði hagnýtt sem
kennslubók við landbúnaðar- og dýra-
kennslu háskólanna á Norðurlöndum, og
sem handbók búfjárræktarráðunauta og
kennara í búfjárrækt sé sé hún sniðin, og
einnig fyrir starfandi dýralækna.
Hún er ný af nálinni og flytur því boðskap
um niðurstöður vísinda og tilrauna á þeim
sviðum, er rammi hennar markar. Um með-
ferð efnis má segja, að þar er vel hagrætt