Freyr - 15.04.1964, Page 5

$$U7iadaA6/ad
LX. ÁRGANGUR — NR. 8
REYKJAVÍK, APRÍL 1964.
Útgefendur: Búnaðarfélag íslands og Stéttarsamband bænda.
Útgáfunefnd: Einar Ólafsson, Halldór Pálsson, Pálmi Ein-
arsson. — Ritstjóri: Gísli Kristjánsson. — Ritstjórn, af-
greiðsla og innh.: Lækjarg. 14 B, Reykjavík. Pósth. 390.
Sími 19200. Áskriftarverð kr. 150,00 árgangurinn.
Prentsmiðjan Edda h.f.
E F N I :
Gleðilegt sumar
Fosfóráburður
Garðyrkjuþáttur
Innvegin mjólk
Sauðfjárslátrun og kjötmagn
Vökvun
Menn og málefni
Súrefnisgjöf
Gashverfill
Molar
Gleðilegt sumar
Senn nálgast sumarmál og mun nálægt
sumarkomu þegar þetta hefti FREYS kem-
ur til lesendanna. Er því sjálfsagt að við-
hafa hina fornu og nýju kveðju þjóðar
okkar — bjóða gott og gleðilegt sumar.
Við fögnum sumri, ef til vill meira en
flestar aðrar þjóðir, það er hér skemmra
en gerist með þeim þjóðum, er sunnar búa,
bjargræðistími ársins, eins og sumarið hef-
ur löngum verið nefnt og löngum hefur
verið, er hér svo stuttur, að nota verður
vel langdegistímann til að draga björg í bú.
Með fjölbreyttari atvinnuháttum en fyrr
gerðist er það minnkandi þjóðarbrot, sem
mjög er háð sumri með afkomu sína, iðn-
aður og verzlun getur blómgast jafnt hvort
sem vetur er eða sumar, en stöðugt gildir
það sem löngum hefur gerzt, gróandi vors-
ins og eftirtekja sumarsins er sá fjársjóð-
ur, sem lífið grundvallast á að verulegu
leyti og búskapur að mestu leyti.
Gott er einnig að fá góða vetur og sann-
ast það vel að þessu sinni, þegar naumast
er hægt að segja að nokkur vetur hafi
komið. Miðaldra menn og aldnir vitna til
þess, að fyrr hafi þeir lifað milda vetur
svo sem eins og 1929 þegar hnaus var
stunginn og strengir ristir á góu, efni þetta
þurrkað og úr því hlaðnir veggir og heil
hús reist. Þá var blíðviðri langtímum sam-
an þegar að venju er frost og stórhríðar
á landi okkar. En veturinn 1963—64 mun
taka þeim öllum fram hvað veðurblíðu
snertir. Það er gott við slíkt að búa en þó
má ekki gleyma því, að ísland liggur á
óbreyttu breiddarstigi og ekki skal miða
fóðurforða á haustnóttum og aðrar athafn-
ir við það, að öruggt hlýindaskeið sé að
renna yfir land vort. Við þökkum mildan
vetur og göngum mót sumri með dirfsku
og dug til þess að byggja betur, efla og auka
eftirtekju og bæta og fegra landið, allt
þetta hleypir stoðum undir aukið mann-
gildi og þjóðarþroska.
Þökk fyrir góðan vetur.
Gleðilegt sumar.