Freyr - 01.11.1968, Side 24

Osta- og smjörneyzlan er off lítil
Eftirfarandi ffrcinarkorn er útdráttur úr grein í JERSEYBLADET, sem er
málgagn Jerseykúaeigenda í Danmörk. Höfundur hennar er A. Th. Riemann,
dýralæknir og heilbrigðisráðunautur.
Síðan á styrjaldarárunum hafa neytendur verið hvattir til að neyta mjólk-
urvöru í hófi og það hefur orðið til meins á ýmsa vegu.
„Sniðugir“ smjörlíkisframleiðendur hafa talið almenningi trú um, að
smjör sé hættulegt og „heilsuspillandi“ og stjórnmálalegar ráðstafanir hafa
stuðlað að því, að neyzlumjólkursala er í spennitreyju. Látum það vera, að
sérleg fyrirmæli eru um hreinlætisráðstafanir í mjólkurbúðum, en að sér-
leyfi þurfi til að verzla með neyzlumjólk í lokuðum umbúðum er óeðlilegt.
Þetta hefur leitt til þess, að í Danmörk er neyzla mjólkur minni en í flest-
um löndum Vestur-Evrópu. Og svo er fjölbreytnin í mjólkurvörum miklu
minni en hjá flestum öðrum þjóðum á líku menningarstigi.
Börnum er mjólkin, fremur öðrum fæðuefnum, nauðsynleg því að heilinn
og líkaminn allur þroskast mun fyrr og betur ef nægilegrar mjólkur er
neytt í æsku. í feitri mjólk, eins og Jerseymjólk, er miklu meira af vitamín-
um, steinefnum, próteini og kolvetnum, en í venjulegri mjólk og feit mjólk
er gildisauðugri en sú, sem er fitusnauð.
Úr mjólkurfitunni er smjörið gert. Smjörið er gildisauðugt og náttúrlegt
næringarefni. Skaðlegar afleiðingar af neyzlu þess hafa aldrei og hvergi
t'erið sannaðar. Keppinautar smjörs hafa hinsvegar þráfalt reynt að læða
því inn meðal almennings, að þetta mikilsverða fæðuefni geti verið mein-
vættur heilsu manna. Fyrir unga og gamla hefur smjör mikilsverða þýðingu
sem vitamíngjafi og fitandi áhrif þess eru hverfandi samanborið við mjöl-
meti, kartöflur og ýmsar munaðarvörur svo sem sykur, vín, að ekki sé talað
um hinar ýmsu tegundir af súkkulaðivörum og kökum.
Við borðum allt of lítið smjör. Þjóð, eins og Finnar, sem er miklu fátæk-
ari en við, borðar tvöfalt meira smjör en við. Það er blátt áfram hneykslunar-
athæfi sem skólarnir fremja þegar þeir bera smjörlíki á borð fyrir nemend-
urna í stað smjörs. Ætli að þeir fari ekki senn að nota plastmjólk og pappa-
kjöt handa nemendum líka?
Það er í fyllsta mæli óhagræn sparnaðarráðstöfun að sneiða hjá heilnæm-
um fæðuefnum og nota í þess stað gerviefni til manneldis.
Aldrei hafa grísirnir þrifist eins vel og verið jafn heilsuhraustir eins og
síðan farið var að gefa þeim mjólk í mun ríkara mæli en fyrr gerðist. Þrif
þeirra og líðan öll hefur hreinlega breytzt með byltingarsniði til hins betra.
Og maðurinn hefur einn maga eins og svínið. Heilbrigði fólks mundi eflazt
að mun, útgjöld til tannlækna og lækna minnka að mun, fjármunum til
skólanna væri miklu betur varið og heilbrigð þróun framleiðslu hinnar
mikilsverðu lífslindar, sem mjólkin er, eykst að sama skapi og meira er
borðað af mjólk, smjöri og öðrum mikilsverðum framleiðsluvörum úr mjólk.
Hvort munum við geta tekið undir þessi ummæli?
446
F R E Y R