Freyr - 01.11.1968, Blaðsíða 28

ár og um það hversu verja skyldi þeim fjár-
munum er innheimtast kynnu.
Tillaga frá viðkomandi nefnd um að
mæla með heimild til skömmtunar og skatt-
lagningar á fóðurbæti var samþykkt með
10 atkv. gegn 3, nokkrir fulltrúar greiddu
ekki atkvæði.
Lagabreytingai- og stjórnarkjör
Á síðasta aðalfundi var stjórn B.S.A. falið
að endurskoða samþykktir sambandsins og
leggja tillögur um breytingar fyrir næsta
aðalfund.
Samþykktar voru tillögur stjórnarinnar
um fjölgun stjórnarmanna úr 3 í 5 og um
nokkra fjölgun fulltrúa á aðalfundum.
Nokkrar minniháttar breytingar voru einn-
ig gerðar á samþykktunum.
Þá fór fram stjórnarkjör. Kom fram einn
listi þannig skipaður:
Snæþór Sigurbjörnsson, bóndi, Gilsár-
teigi; Steinþór Magnússon, bóndi, Hjartar-
stöðum; Guttormur Þormar, bóndi, Geita-
gerði; Sigurður Lárusson, bóndi, Gilsá; —
Sigurjón Friðriksson bóndi, Ytri-Hlíð;
Sævar Sigbjörnsson, bóndi, Rauðholti;
Matthías Eggertsson, bústjóri, Skriðu-
klaustri; Ingimar Sveinsson, bóndi Egils-
stöðum; — Hermann Guðmundsson, bóndi,
Eyjólfsstöðum; Sigurbjörn Þorsteinsson,
bóndi, Hellulandi.
Heiðursfélagar
Þorsteinn Sigfússon, Sandbrekku, sem ver-
ið hefur formaður Búnaðarsambands Aust-
urlands um árabil, baðst undan endurkosn-
ingu í stjórn, sömuleiðis Sveinn Jónsson,
Egilsstöðum, sem setið hefur í sambands-
stjórn í áratugi.
Voru þeim færðar alúðar þakkir fyrir
unnin störf og ákvað fundurinn einróma
að gera báða þessa menn að heiðursfélög-
um Búnaðarsambands Austurlands.
Þeir Þorsteinn og Sveinn eiga báðir sæti
á Búnaðarþingi sem fulltrúar B.S.A.
Rússneskar
dráttarvélar
Á undanförnum árum hafa rússneskar
dráttarvélar rutt sér til rúms víðs vegar, og
flytja Sovétríkin nú út dráttarvélar og
önnur landbúnaðartæki til tæplega 60
landa. Hingað til íslands fluttust fyrstu
rússnesku dráttarvélarnar árið 1965, og
voru þá þegar 3 slíkar vélar teknar í notk-
un við landbúnaðar- og jarðræktarstörf.
Nú eru í notkun hér á landi rúmlega 40
vélar af ýmsum gerðum. Þessar upplýsing-
ar voru veittar á fundi, er fyrirtækið Björn
& Halldór, Síðumúla 9, Reykjavík hélt með
blaðamönnum fyrir nokkru, en fyrirtækið
hefur umboð fyrir dráttarvélar þessar hér á
landi.
Á fundi þessum var einnig sovéski að-
stoðar-verzlunarfulltrúinn A. Karpov, sem
var á förum héðan eftir þriggja ára starf,
og ennfremur rússneski tæknifræðingurinn
I. Maximov, sem dvalið hefur hér í tvö ár
Verzlunarfulltrúinn A. Karpov hefur mikið
stuðlað að auknum viðskiptum milli íslands
og Sovétríkjanna á dráttarvélum, jarðýtum
og hvers konar jarðvinnslutækjum, en Max-
imov hefur starfað hér sem sérfræðingur, og
var sendur hingað beinlínis frá framleið-
endum dráttarvélanna til að fylgjast með
þeim hér, og veita hvers konar aðstoð og
þjónustu ef nauðsyn krefði. Á fundinum
var fullyrt af umboðsmönnum dráttarvél-
anna, að undantekningalaust væru allir eig-
endur þeirra víðs vegar um landið mjög
ánægðir með vélarnar. Þær hefðu reynzt
vel, engar bilanir komið fram í þeim til
þessa. Með öllum rússneskum dráttarvélum
fylgir töluvert magn af hinum nauðsynleg-
ustu varahlutum auk ýmissa verkfæra og
áhalda. Þá hafa umboðsmennirnir Björn
& Halldór h.f. birgðir af varahlutum og
450
F R E Y R