Freyr - 15.04.1986, Blaðsíða 13

Gísli Pálsson, bóndi og búnaðarþingsfulltrúi.
framleiðsluna, en hann er til þess
að gera aðgerðalítill. Ég held að
við verðum að setja miklu harðari
kvóta á þessar hefðbundnu bú-
greinar og þá í tengslum við það
sem jarðirnar bera.
Það var ætlun okkar í upphafi
að vera bara með blárefi og minka
en atvikin höguðu því þannig að
við tókum að okkur silfurrefina,
sem var nú raunar af því að það
vildi enginn annar gera það. Við
sjáum ekkert eftir því, þetta er
heillandi viðfangsefni. Jón sér al-
gerlega um fóðrun og hirðingu.
Hins vegar hef ég séð meira um
fjármál og erindrekstur út á við.“
Fjárhúsum breytt í refaskála
Mig langar að spyrja þig um fjár-
húsin. Þið notið nýleg fjárhús fyrir
refaskála. Viltu segja mér frá
þessum fjárhúsum?
„Já. Ég byggði þau árið 1964,
árið sem við hættum mjólkurfram-
leiðslu. Þá var ekki farið að vél-
binda hey. Húsin voru byggð
þannig, að heyið var í miðjunni og
kindur til beggja hliða og lágu við
opið. Og konan hirti á þessum
húsum.“
Hvað var margt í þeim?
„Það voru hundrað og tíu til
hundrað og þrjátíu. Féð gat ekki
étið allt í einu, en það skipti ekki
svo miklu máli. Þessi hús reyndust
mjög vel, það var mikil frjósemi í
fénu og mjög fljótlegt að gefa.
Byggingarkostnaður miðað við
umfang langtum minni en á hefð-
bundnum fjárhúsum.“
Var fyrirkomulag í húsunum þín
hugmynd?
„Já, það má segja það. Ég fór til
Þóris Baldvinssonar með þessa
hugmynd og riss af húsunum og
bað hann að teikna þau. Hann
skrifaði bara upp á og taldi gott að
prófa að fara þessa leið. Ég fékk
alla fyrirgreiðslu sem ég þurfti út á
það.“
Víkjum aftur að loðdýrarækt-
inni. Hvað telur þú að mætti betur
fara í þeim málum?
„Mér hefur fundist skorta skiln-
ing valdhafa á uppbyggingu loð-
dýraræktar hér á landi. Það hefur
vantað meiri stuðning. Fram að
þessum tíma höfum við fengið
stuðning við að reisa fjárhús. Fjár-
húskjallarar hafa verið styrktir
verulega, einnig framkvæmdir
vegna mjólkurframleiðslu þrátt
fyrir offramleiðslu. Það er verið
að hvetja menn til að fara í loð-
dýrarækt, en það hefur enginn
fjárhagsstuðningur verið til loð-
dýrabænda annar en lán. Loð-
dýrahús eru hinsvegar dýr í bygg-
ingu vegna þess hve grunnflötur-
inn er stór.
Ég fagna því að núna loksins er
farið að styrkja þetta með breyt-
ingu á jarðræktarlögum. Nú eru
ný loðdýrarhús styrkt með allt að
30% af byggingarkostnaði. Auk
þess er felldur niður söluskattur af
efni vegna eldri bygginga. Ég tel
að það eigi einnig að styrkja þá
sem vilja breyta eldri byggingum
og verða að fækka fé.“
Bændur verði styrktir til að
breyta útihusum í loðdýrahús.
„Ég tel eðlilegt að þeir bændur
sem taka fjárhús eða fjós eða
aðrar byggingar og breyta þeim í
loðdýrahús fái nokkurt framlag til
þess, því í fyrsta lagi kostar það
nokkuð niikið að steypa ný gólf og
svo þarf að setja loftræstikerfi í
þessi hús, auk þess þarf að setja
glært plast í þök út af birtuskilyrð-
um sem þurfa að vera. í öðru lagi
Freyr 293