Freyr - 01.01.1990, Page 16

hafið útflutning á jógúrt og mjólkurís til
Kanada. Kanadamenn brugðust hart við þeim
innflutningi en fá ekki rönd við reist. Innan
GATT var sá úrskurður felldur að hér væri
farið að reglum sem aðilar hefðu gert sam-
komulag um. ísland er aðili að GATT og
stendur að viðræðum við bandalagið með öðr-
um Norðurlöndum. Reglur GATT gera ráð
fyrir ýmsum sérþörfum aðildarþjóða, t.d.
varðandi framleiðslu til sjálfsþurfta og vernd-
un byggðar. Mikilvægt er að samningamenn
okkar gæti hér framtíðarhagsmuna lands og
þjóðar.
Um þessar mundir eru einnig í ganpi miklar
samningaviðræður EFTA, þar sem Island er
aðili, og Efnahagsbandalags Evrópu. Þessar
viðræður hafa vart farið fram hjá almenningi
hér á landi þar sem ísland hafði með höndum
forystu þeirra f.h. EFTA á nýliðnu ári. I
þessum viðræðum eru viðskipti með búvörur
ekki á dagskrá. Hins vegar ber nokkuð á
tortryggni meðal bændasamtaka á Norður-
löndum um að hagsmunum landbúnaðar þess-
ara þjóða verði fórnað í samningum um við-
skipti með aðra vöruflokka.
Þó að undirstaða búvöruframleiðslu séu
gæði náttúrunnar; jarðvegur, vatn, andrúms-
loft, varmi o.fl., er þannig ástatt um þessar
mundir að reglur um samskipti manna og
milliríkjasamningar hafa þar mikið að segja.
Þar geta vindar snúist fljótt ekki síst þar sem
náttúrleg framleiðsluskilyrði hafa síðasta orð-
ið og þeim hefur verið ofboðið víða um heim á
síðustu áratugum.
Út frá horfum sem við blasa í nánustu
framtíð er ekki unnt að boða að undanhald
landbúnaðar og byggðar í dreifbýli á síðustu
árum sé að snúast í sókn. Út frá fyrirliggjandi
gögnum er botninum ekki náð. Þegar til
nokkru lengri tíma er litið eru horfur á hinn
bóginn bjartar. Ýmsir þeir þættir íslenskrar
náttúru sem léku þjóðina grátt um aldir eru að
verða dýrmætar auðlindir; hin ósnortna víð-
átta, fallvötnin sem tóku sinn toll og voru
farartálmar og eldvirkni sem þjóðin kynntist
lengst af nær eingöngu í eldgosum en er einnig
undirstaða þess jarðhita sem nú er nýttur.
Það er þungt fyrir fæti víða í sveitum um
þessar mundir. Úr þeirri stöðu þarf að spila
eins og tilefni gefast til meðan beðið er betri
tíma. M.E.
Til áskrifenda Freys
Eins og Freyr hefur borið með sér að undan-
förnu hefur orðið verulegur samdráttur í auglýs-
ingum í blaðinu. Pað hefur að sjálfsögðu áhrif á
afkomu þess. A fundi útgáfunefndar blaðsins í lok
sl. árs var ákveðið að draga úr útgáfukostnaði með
því að slá saman júlíblöðunum annars vegar og
ágústblöðunum hins vegar, þannig að út komi 22
blöð á árinu 1990 í stað 24 árlega áður. Akveðið var
að síðufjöldi júlí- og ágústblaða ráðist af því efni
sem þá bíður birtingar, þ.e. verði e.t.v. meiri en 40
síður.
Með þessu fetar Freyr í fótspor ýmissa hlið-
stæðra búnaðarblaða á Norðurlöndum sem koma
út tvisvar í mánuði en sleppa tveimur tölublöðum á
sumrin.
Ritstj.
írskur leiðtogi ber að
svikum með kvóta
Formaður Landbúnaðarfélags Ir-
lands, Tom Clinton, varð að segja
af sér eftir að upp komst um pretti
hans með mjólkurkvóta að því er
Landsbladet hermir. Kvóti Clint-
ons var ekki nógu stór svo hann
„leigði“ nágranna sínum nokkrar
kýr. En kýrnar voru áfram á búi
Clintons, og það samrýmist ekki
reglum EB. Ennfremur braut hann
reglur félagsins um að laus mjólk-
urkvóti gangi til smærri bænda.
Auk formannssætisins kostaði
þetta uppátæki írann 1.260 þús.
króna sekt.
Þungtfyrirfæti hjá FAO
Það var á hangandi hári að FAO,
Landbúnaðar- og matvælastofnun
Sameinuðu þjóðanna yrði ekki
gjaldþrota sl. ár, en því tókst að
forða á síðasta fundi stofnunarinn-
ar á sl. ári í Rómaborg. Mörg ríki í
Sameinuðu þjóðunum standa ekki
í skilum með gjöld sín til stofnunar-
innar og er það til stórra vandræða
fyrir hana.
8 Freyr
1, JANÚAR 1990