Litli Bergþór - 01.06.1988, Qupperneq 16

16
ATVINNUMAL:
Nautgriparækt í Biskupstungum
Ekki ætla ég í þessari grein að gera sögulega úttekt á
nautgriparækt hér í sveit eða félagsmálum mjólkurffam-
leiðenda. Heldur ætla ég öllu heldur að fjalla um stöðu
nautgriparæktar og mjólkurffamleiðslu nú um þessar
mundir og þróun undanfarinna ára. Ennffemur ætla ég
að leika mér dálítið að tölum. Sú breyting hefur orðið hér
í sveit sem og víða annars staðar að mjólkurffamleiðend-
um hefur fækkað og fækkar þeim enn meir næstu árin
ef fer sem horfir. Þessi fækkun hefúr orðið að miklu leyti
síðurstu 20 árin og er nú svo komið að einungis er seld
mjólk úr 31 fjósi hér í sveit, en eitthvað fleiri fjölskyldur
hafa tekjur af þessum búum. Samkvæmt forðagæslu-
skýrslum 1987 voru 1.567 nautgripir á fóðrum í sveitinni
þar af 805 mjólkurkýr og hefúr kúm farið fækkandi s.l.
ár en kálfúm og geldneyti fjölgað. Eins og flestir vita er
mjólkurffamleiðsla bundin framleiðslurétti og ffam-
leiðsluréttur okkar til sölu mjólkur er u.þ.b. 2.7 millj.
lítra. Áætluð ffamleiðsluverðmæti kúabúa árið 1988
gætu verið sem hér segir: Mjólk 91 millj. kr. ; nautakjöt
og fl. 7-9 millj. kr. Eins og fyrr greinir erum við bundnir
kvótakerfi og því er nokkuð auðvelt að gefa sér tölur.
Biskupstungur ásamt Hrunamannahrepp og Skeiða-
hrepp eru langstærstu ffamleiðslusvæði á Suðurlandi. Úr
Biskupstungum koma 7.2% af allri mjólk sem berst til
Mjólkurbús Flóamanna og 2.7% af landsframleiðslunni.
Ljóst er að kúabúskapur er ein meginstoðin í atvinnulífi
þessarar sveitar og verðum við að gæta okkar mjög að
halda okkar hlut í þeirri heildarköku sem mjólkurfram-
leiðendum er skammtað af. Nautgriparæktarfélag Bisk-
upstungna verður 80 ára á næsta ári og hefur starfsemi
þess lengst af snúið að kynbótum. En síðari árin hefur
einnig verið lögð mikil áhersla á önnur atriði í rekstri bú-
anna. Meirihluti kúabænda tekur þátt í skýrsluhaldi
nautgriparæktar Búnaðarfélags íslands og á hverju ári er
fúndað hér í sveitinni þar sem niðurstöður eru lagðar
ffam og ráðunautar ræða um kynbótanaut o.fl. Árið
1987 voru meðalafúrðir reiknaðra árskúa hér í félaginu
4012 kg. af mjólk með 3.98% fitu og er það dálítið yfir
landsmeðaltali. Afúrðahæstu kýrnar á hverju ári ná
u.þ.b. 7000 kg. í nyt. Óhætt er að fúllyrða að við höfum
notað minna aðkeypt fóður til mjólkurffamleiðslu síð-
ustu 2 árin en oftast áður. Nú á dögum kvóta er það ein-
mitt mjög brýnt ásamt því að bæta kúastofninn enn meir
í þá veru að nýta vel heyfóður. Að lokum vona ég að ein-
hverjir hafi orðið einhverju ffóðari við lestur þessarar
greinar þótt sundurlaus sé.
Gunnar Sverrisson
]s[ÝLAGN1^-
teikningak
VIÐHALD jENS péturjóhannsson
LÖGGILTUR RAFVERKTAKI
SÍMI 98-68845 - LAUGARÁSI BISKUPSTUNGUM