Foreldrablaðið - 01.01.1974, Qupperneq 13

11
«
Ýmsir langvarandi sjúkdómar hjá móður, eink-
um ef þeir hafa í för með sér næringarskort, geta
valdið fóstrinu tjóni.
í seinni tíð hefur oft verið rætt um afleiðingar
geislunar fyrir fóstrið. Áþreifanlega sönnun um
skaðleg áhrif geislunar fengu menn við atóm-
sprenginguna í Hirosima. Hefur verið fullyrt, að
líkurnar hafi verið miklar á því, að vanfærar kon-
ur, sem komnar voru skemmra en 20 vikur á leið,
fæddu meira og minna líkamlega og andlega van-
heil börn, ef þær voru í minna en 20 mílna fjar-
lægð frá sprengingunni.
Notkun lyfja og eiturefna hefur einnig verið
allmjög til umræðu. Þar skortir þó vissulega næga
þekkingu enn. En víst má fullyrða, að eftir því
sem þekking eykst, verða menn varfærnari. Menn
telja sterkar líkur á því, að níkotín og alkohol-
notkun verðandi móður geti valdið fóstri tjóni.
Grunur er og á, að ýmis verkjastillandi lyf séu
ekki alls kostar skaðlaus.
Þessi fáu atriði, sem hér hafa verið rakin, meira
og minna af handahófi, ættu að sýna, að heimur
mannsfóstursins er alls ekki eins lokaður og ætla
mætti við fyrstu athugun. Því er það, að mikil-
vægur þáttur heilsuverndar hefst þegar á með-
göngutímanum. Það verður ekki of oft brýnt fyrir
verðandi mæðrum, að leitast við að lifa heilsu-
samlegu lífi: neyta hollrar og næringarríkrar fæðu,
forðast eftir megni aðrar lyfjatökur en þær sem
óhjákvæmilegar eru og halda sér frá áfengi og
tóbaki. Vissulega er geðrænt jafnvægi einnig
mikilvægt, en því verður sjaldnast stjórnað með
heilræðum einum, eins og allir vita.
Sigurjón Björnsson.